KZS1 21:12 - LAWA A BOO SONBORE

¹² Lɛ̀ sɔɔ boó hinlaa zɔ́ɔn nə da kɔ n lɛ ka zia nɛ muĩ sɔɔ; ǹ tá re boe n la, ǹ tá re n zia nɛ gigiã dii, hinlaa Lawa a gɔya sa ka piɛ̃ busu n die we gána lɛ nɛ lɛawaa sɔɔ. Lona di à dí-a wole á re basaã koe Izirayeli gána lɛ paǹ tumaa nɛ. Kanna kəni, min mɛn ma dia, n din ga n boo binyəə kɔ ma la ma wo pɛ nɛ.»

LAWA A BOO SONBORE 2011

¹² Lɛ̀ sɔɔ boó hinlaa zɔ́ɔn nə da kɔ n lɛ ka zia nɛ muĩ sɔɔ; ǹ tá re boe n la, ǹ tá re n zia nɛ gigiã dii, hinlaa Lawa a gɔya sa ka piɛ̃ busu n die we gána lɛ nɛ lɛawaa sɔɔ. Lona di à dí-a wole á re basaã koe Izirayeli gána lɛ paǹ tumaa nɛ. Kanna kəni, min mɛn ma dia, n din ga n boo binyəə kɔ ma la ma wo pɛ nɛ.»

KZS1 21:12 ပူးပေါင်းရင်းမြစ်များ

Samayeli2 21:1

Davida a kiibaa biikoo li, bòo babaraa kɔn bɔ lɛ̀ sɔɔ kɔn kio. Bɛ gɔ́ɔ̃ nɛ, Davida nɔ̀n da Dɛnaa Lawa la, Dɛnaa Lawa tɔ́n pɛ nɛ: «Sayulu laanka a kion minin nə gɛ̀n mɛnɛn dɛ, bɛ na á daa ka kɛ nɛ. A giala, á Gabawɔ̃ minin dɛ ǹ nə́ gã.»

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin2 19:35

Bɛa tèlò lɛ nɛ, Dɛnaa Lawa a lon a dia dí-a wole woo giĩ duu paabiɛ ka pɔkiwisiwensooro (185 000) dɛ, Asiirii minin bǎã nɛ. Baayɛlɛ, minin bɛ́ ǹ nə́ yoo, a yii minbuiin nɛ gere tán, ǹ nə́ gã!

Kiin2 8:1

Yiliizee goã á Sunɛmu lɔ mɛn lɛ a nɛ yii kaa, bɛ kio, Yiliizee boo da ka bɛ nɛ á pɛ nɛ: «Yoo, n bɛ̀ re boe bǎã mɛn a gùli kɔ la, n wo walan, n din laanka n kion minin ni. A giala, Dɛnaa Lawa bòo da bɔ ganaa. Bɛa bòo lɛ á die boe Izirayeli gána lɛ nɛ, a dɔ lɛ̀ sɔbaa dinin.»

KZS1 21:11

Gaadi woo Davida li, á pɛ nɛ mà Dɛnaa Lawa n kɛ pii: «N din nə n yii dùũ bɔ:

Loen 91:6

Piɛ̃ busu ke n bibiĩ wɔlɔ tì li, bɔ̀n da ǹ sii mɛn bɛ́ basaã koe penleen tiɛɛ̃n nɛ, n ba re nyɛ́ɛ biɛ bɛ kɔn nɛ wa.

Bɔ bɛ̀rɛbaa nɛ 12:23

Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

Izayii 66:16

Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

Zeremii 12:12

Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 42:16

ka bɛ́ nyɛ́ɛ biɛ zia mɛn lɛ nɛ, bɛ á die ka kio lui yǎa walan. Bòo mɛn lɛ á ke ka foo biɛ niɛ̃, bɛ á re doe ka-a Ezipti gána nɛ. Walan lɛ nɛ ka á re giɛ̃.

Zeremii 47:6

Ka n pii: «E! Dɛnaa Lawa a gɔya sa, yǎa biĩ kəni n tɔ nə n susui? N dɔ n kii ni, n giã kiĩni, n nyan sii kɔn zɛnaa doo wa.»

Busii pɛ 4:9

Bɛ̀ gɔya sa nə n mɛn dɛ, á soɛ bòo a dɛ nɛ. Gã ka piũn tá soɛ nɔmaa bòo gɔn nɛ.

Lawa a wúlu-bɔlen 26:10

Ka n die kaa bɔ don màn zizi bii, bɛ̀ ka a zizi waa, ka a dii kaa a nɛ.

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Luku 4:25

Man pii ka-n taãn-taãnɛ, Lawa a boo gii-dali Yilii a biikoo li, la bɛ́ n piɛ̃ lɛ̀ sɔɔ ka mui sɔrɔ a ná a kiɛ wa, bòo wɔ, lɔ giɔɔrɔ goã mɔnaa-n Izirayeli gána nɛ.

Nya ǹ dín 12:23

Sɛnɛ, a din bǎã-n gɔrɔ, Dɛnaa a lon a dia dí-a wole Erɔdi dɛ á duwəə tán, nyuunun nə́ kaa-n gɔrɔ ǹ nə́ soɛ̃. Erɔdi gã bɛa gòã lɛ ganaa, a giala a gugurubaa kɔ Lawa la wa.

Timəə dí-pɛn 28:15

Sɛnɛ, bɛ̀ ka n too kɔ kaa Lawa, Dɛnaa Lawa lɛ lon wa, ma bɛ́ a gɔn waa ǹ boon laanka a landa boon mɛnɛn tumaa pii ka-n pelo, bɛ̀ ka n yiri koa bɛn li ká kɔ ǹ lɛ wa, bɔ̀n da ǹ siin mɛnɛn bɛ́ re ka yii, bɛn man ka kɛn nɛ:

Timəə dí-pɛn 28:22

Dɛnaa Lawa á re gɔ̀nɔn-wɛ̃ diɛ ka ganaa, a ka là paparɛ, ka pɛrɛ. Á re lɛ̀ gere koe kaa mànan ganaa, a gìa da ǹ ganaa, ka doloka nɛ. Bɛn man die goɛ̃ ka gialaa, yǎa ka papaɛ̃.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 28:27

Dɛnaa Lawa á re boreen kiɛ ka ganaa, ka Ezipti minin kɛn wɔ bɛ́ lɔn, baayɛrɛ nɛ, gɔ̀nɔn kakaɛ̃ nɛ ka kɔǹ-gɛ̀ nɛ, nya ǹ gɔn ná a ba ǹ la wa.

Timəə dí-pɛn 28:35

Dɛnaa Lawa á re toɛ boree babaraan nə bɔ ka musin laanka ka gisin ganaa, nya ǹ gɔn ná a ba la wa. Bɛ lɛ á re n diɛ ka gɔ̀nɔn tumaa la, a saa ka gòã lasan ganaa, a wo ka baãbii yaa.