KZS1 17:12 - LAWA A BOO SONBORE

¹² Bɛ lɛn die kion doe a kɔ ma la. Ma á re a kii dankan doɛ tán yǎa duduu.

LAWA A BOO SONBORE 2011

¹² Bɛ lɛn die kion doe a kɔ ma la. Ma á re a kii dankan doɛ tán yǎa duduu.

KZS1 17:12 ပူးပေါင်းရင်းမြစ်များ

Kiin1 5:5

Salomɔn a yiikoonaabaa tumaa gɔ́ɔ̃ nɛ, a n kuĩ Dan ganaa, a wo Bɛɛr-Sebaa yia, Zudaa minin lɛn laanka Izirayeli minin lɛn didie na á goã yii nyɛɛ la, ǹ *rezɛ̃ da laanka ǹ gɔ́rɔ da giulun.

Kiin1 8:19

Sɛnɛ nsɛ bie re bɛa kion lɛ doe wa. Ń gɔ́ɔ̃gɔ́ɔ̃ ǹ nɛ n die kion lɛ doe ma tɔ la.

KZS1 17:11

Bɛ̀ n lɛawaan lɛ pã ń nə́ die woe n din li, ma á re n tɔrɔn lɛn siɛ lon n kio, n din a nɛ goon ne ma á re a kiibaa gòã we tán.

KZS1 17:13

Man die a díi biɛ, á re maa nɛ biɛ. Ma a re maa bɔlɔgoondɛnaabaa sii la wa, ka ma bɛ ma si min mɛn goã kiibaa la n nyɛɛnɛ wa.

Ɛsidrasi 5:11

Ǹ bɛ́ re wɔ lɛ sii ka boo mɛn nɛ, bɛ á ke: «Lawa mɛn bɛ́ tán laanka lon a Lawa lɛa, wɔsɛn man bɛa dí-nyalin lɛa. Wɔsɛn man wusii kion kɛ doe, kion mɛn lɛ a doe bɛ́ á lɛ̀ damata yɛ. Izirayeli gána a kii gole goon na á goã á bɛa kion lɛ dɔ á nya.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Loen 89:4

N din nə́ n pɛ kɛnɛn: Ma maa bɛ̀rɛgiĩ Davida mɛn bɔ, má lɛ kɔ kɔn la wɔ ka bɛ nɛ, má n liɛ nɛ, má pɛ:

Loen 89:5

Ma á re n din a min koɛ n kii dankan la, biikoo tumaa li. Man má n kii dankan lɛ koa, yǎa duduu wɔ lɛa. *Doa.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Korɛnti1 15:25

A giala, a n kɔnboe Krita goã kii lɛa, yǎa Lawa boe a zɔ́ɔn tumaa la, a ǹ kiɛ a gòãn giulun.

Kolɔɔsi minin 2:9

Sɛnɛ Krita lɛ sɛ n màn dadaran laanka a goledɛnan kɛn tumaa mìi la. Lawa a Lawabaa din tumaa na á kaa kun, á minbuiin baa asɛ nɛ, á giã a nɛ ka a lɛ-piɛ̃maa nɛ. Kasɛn dɔn kaa-kun ka Krita-n lɛ barka nɛ, ka Lawa a sii tumaa lɛ-piɛ̃ yɛ.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»