KZS1 16:4 - LAWA A BOO SONBORE

⁴ Levii tɔrɔn mɛnɛn bɛ́ Lawa a dí nyɛɛ, Davida nə n tɛnɛn bɔ á ǹ giã ǹ bǎã koa Dɛnaa Lawa a goo lɛ yɔrɔ-a, màn mɛn bɛ́ toɛ ǹ yiri gisĩ Dɛnaa, Izirayeli a Lawa nɛ, ǹ na a tɔ bɔ, ǹ na a guguru kɔ:

LAWA A BOO SONBORE 2011

⁴ Levii tɔrɔn mɛnɛn bɛ́ Lawa a dí nyɛɛ, Davida nə n tɛnɛn bɔ á ǹ giã ǹ bǎã koa Dɛnaa Lawa a goo lɛ yɔrɔ-a, màn mɛn bɛ́ toɛ ǹ yiri gisĩ Dɛnaa, Izirayeli a Lawa nɛ, ǹ na a tɔ bɔ, ǹ na a guguru kɔ:

KZS1 16:4 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 33:20

Á *wúlu bɔ ǹ bǎã dɔ walan, á bíi mà "Lawa n Izirayeli a Lawa lɛa".

Kiin1 8:15

Á n toa: – Maa barka tá Izirayeli a Lawa, Dɛnaa Lawa ganaa! A goã á n lɛ kɔ ma di Davida la ka sii mɛn nɛ, a din na á bɛ lɛ pã. A na á goã á pɛ-n kɛnɛn:

KZS1 15:16

Davida pɛ Levii tɔrɔn kiãn manɛ maǹ nə́ ǹ dɔɔ̃n loe-lɔlin kɛn kaa ǹ dí lɛ la, ka tùtun ni, kɔnkoɛ̃ɛn nɛ ka gɔn pere dɛ ǹ mànan nɛ, ǹ nə́ n pàã bɔ li a wuu bɔ taãn-taãnɛ, a n nyɛnyɛɛ giala pii.

KZS1 16:3

Bɛ kio, á tɔn màn-bii gii Izirayeli minin lɛn manɛ, ta giĩ ni hinlaa ta lɔ nɛ, ǹ gogoonmaa buuru mìi goon yɛ, sɛmɛlɛ mɔ̀mɔ goon ne, ka rezɛ̃ mɔ̀mɔ goon ne.

KZS1 16:5

Kiã Asaafu ni ka a koamala wole Zakarii ni, ka Yeyieli, Semiramɔti, Yeyieli, Matitia, Eliabu, Benayahu ka Obɛdi-Edɔmu. Yeyieli n tùtùun laanka kɔnkoɛ̃ɛnɛn dii, Asaafu n gɔn pere dɛ ǹ mànan dii.

KZS1 16:8

Ka Dɛnaa Lawa guguru kɔ, ka a tɔ kɛ kalaa, ka a nya ǹ dí dadaran kɛn boo da tɔrɔ kɔsɔn bii.

KZS1 24:3

Davida laanka Eleyazaara a nɛ Sadɔki ka Itamaara a nɛ Akiimelɛki ni, ǹ nə́ Lawa a wúlu-bɔlen lɛn nanakɔn kuru yii li á kɔnpɛ ka ǹ nya ǹ dí ni.

KZS1 6:31

Amusi wɔ lɛa, Banii wɔ lɛa, Semɛɛrɛ wɔ lɛa,

KZS2 5:13

Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. LOE-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

Ɛsidrasi 3:10

Kion-dɔlen lɛn bɛ́ Dɛnaa Lawa a kion lɛ goã daɛ, ǹ nə́ Lawa a wúlu-bɔlen kaa bii-a, wúlu bɔ ǹ mɔnaan nə́ ǹ ganaa, bɛnɛn nə́ ǹ gɔn. Levii tɔrɔn kɛn Azaafu tɔrɔn lɛa, ǹ nə́ bɛn dɔn kaa bii-a, fɔlɔ màn wuu bɔlen nə́ ǹ gɔn ǹ nə́ diɛ loen li, ń giɛ ǹ tá Dɛnaa Lawa guguru koe a kɔnpɛ ka Izirayeli gána a kii Davida a gɔn-waan nɛ.

Nehemii 12:24

A kɔnpɛ ka Lawa a min Davida a da ǹ boon ne, Levii tɔrɔn nyɛɛnaandɛnan kɛn, Hakabia nɛ, Serebia nɛ, Kadimiyeli a nɛgiĩ Zozoe ne, bɛn nə́ goã giɛ̃ kɔn yɔrɔ-a Levii tɔrɔ gialakunun kɛn nyɛɛnɛ, bɛ̀ ǹ loe lɔ ǹ dia kɔn la, Lawa tɔ bɔ laanka a guguru kɔ ǹ wɔ lɛa.

Loen 103:2

Man barka diɛ Dɛnaa Lawa nɛ, ka ma foo tumaa nɛ, ma yiri ná a boe a bǐɛ̃-zɛnaa kɛ goon ganaa wa.

Loen 105:5

Ka n yiri koa a kaãbaa ǹ siin kɛn nɛ, á ǹ zɛnaa, a sii-nyaa ǹ siin kɛn nɛ, ka kiri boon kɛn nɛ, ǹ nə́ soo a lɛ-n.

Loen 106:48

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu. Zaman tumaa pɛ: Hiĩ, a n miɛ̃! Aleluya, ka Dɛnaa Lawa tɔ bɔ!

Loen 37:1

Davida a loe n ke. N foo baran busu min baraan zɛnaa ǹ sii a lɛa wa. N yii baran bɔ sii baraa-zɛnaalin zɛnaa ǹ sii li wa.

Loen 70:1

LOE-saalin goledɛnaa loe mɛn lɔ. Davida a loe goon ne. Yiri koa sii li ǹ wɔ nɛ.

Loen 72:18

Barka Dɛnaa Lawa, Izirayeli a Lawa. N dinsɔɔ̃ n kaãbaa ǹ sii zɛnɛɛ.