KZS1 16:36 - LAWA A BOO SONBORE

³⁶ Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu!» Zaman tumaa pɛ mà hiĩ mà a n miɛ̃! Ka Dɛnaa Lawa tɔ bɔ!

LAWA A BOO SONBORE 2011

³⁶ Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu!» Zaman tumaa pɛ mà hiĩ mà a n miɛ̃! Ka Dɛnaa Lawa tɔ bɔ!

KZS1 16:36 ပူးပေါင်းရင်းမြစ်များ

Kiin1 8:15

Á n toa: – Maa barka tá Izirayeli a Lawa, Dɛnaa Lawa ganaa! A goã á n lɛ kɔ ma di Davida la ka sii mɛn nɛ, a din na á bɛ lɛ pã. A na á goã á pɛ-n kɛnɛn:

Kiin1 8:56

«Barka tá Dɛnaa Lawa ganaa asɛ mɛn bɛ́ á susu ǹ bǎã kɔ a zaman Izirayeli minin la á kɔnpɛ ka a da ǹ boo nɛ. A na a dí-nyali Muizu da boo sonbore mɛn diɛ ganaa, bɛ kɔn nə goã mà a lɛ ná a pã wa.

Nehemii 8:6

Ɛsidrasi barka da Dɛnaa Lawa, Lawa gole lɛ nɛ, zaman lɛ tumaa tɔ́n na a lɛ si, ǹ nə́ n gɔnɔn goa lon "mà a n miɛ̃! Mà a n miɛ̃!" Bɛ kio, ǹ nə́ n kuməə tán ǹ lɛ la Dɛnaa Lawa yɔrɔ-a, ǹ ná a guguru kɔ.

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Loen 106:47

Wɔ si sii la, Dɛnaa Lawa wɔa Lawa, wɔ sɔkɔn wɔa gána nɛ, n wɔ bɔ tɔrɔ kɔsɔn bii. Bɛa biikoo li, wɔ á re barka diɛ n nɛ, wɔ n tɔ sonbore kɛ kalaa, wɔ wɔ dinin koa n gugurukɔ gɔ́ɔ̃ nɛ.

Loen 106:48

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu. Zaman tumaa pɛ: Hiĩ, a n miɛ̃! Aleluya, ka Dɛnaa Lawa tɔ bɔ!

Zeremii 28:6

– Hiĩ, a n zɛnaa miɛ̃! N boo mɛn da sisia, Dɛnaa Lawa die a bɛ zɛnaa! Ǹ mànan mɛnɛn tumaa goa Lawa a kion ǹ nə́ woo ǹ ne Baabilonii, a wusoo a da ka bɛn nɛ, ka goa-wolen kɛn tumaa nɛ!

Korɛnti1 14:16

Sonbore, bɛ̀ n Lawa nyankɔ, n barka da Lawa nɛ ka n yiri dinsɔɔ̃ nɛ, min mɛn bɛ́ too-kɔle kooro lɛa, bɛ n siɛ lɔn a pɛ mà «A n miɛ̃» n barka da Lawa-n lɛ kio? A giala, n bɛ́ boo mɛn diɛ a boe la á bɛ doɛ̃ wa.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.