KZS1 16:16 - LAWA A BOO SONBORE

¹⁶ A lɛ-kɔ mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

LAWA A BOO SONBORE 2011

¹⁶ A lɛ-kɔ mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

KZS1 16:16 ပူးပေါင်းရင်းမြစ်များ

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 17:2

Man die lɛ kɔ kɔn la we ka nə n nɛ, ma á re n tɔrɔ mɔnɛɛ a la yii ni.»

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Samayeli2 6:12

Ǹ nə́ daa pɛ kii Davida nɛ mà Lawa barka da Obɛdi-Edɔmu laanka a gɔn màn tumaa ganaa, Lawa a lɛ kɔ kɔn la ǹ goo lɛ taman yii. Bɛ lɛ nɛ, Davida tɔ́n woo, á Lawa a lɛ kɔ kɔn la ǹ goo lɛ saa Obɛdi-Edɔmu a kion, á woo ne a din a kiwi kɛ nɛ, ka nyɛnyɛɛ nɛ.

KZS1 16:15

Ka n yiri kɔ a lɛ kɔ kɔn la kɛ nɛ biikoo tumaa li. Ka yiri nyan bɔ ka a lɛ-kɔ kɛ dɔ-n wa, yǎa wasa lɛ minin koa kɔn kio duu goon.

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Bɔ bɛ̀rɛbaa nɛ 3:15

Boo da Izirayeli nɛnyaanan lɛn man kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á ma dia ka li "Dɛnaa" lɛ na a tɔ lɛa yǎa duduu, ka n die bíi miɛ̃ biikoo tumaa li.»

Nya ǹ dín 3:25

Kaa wɔ nə́ n zɛnaa, a giala, ka dinin lɛn man Lawa a boo gii-dalin lɛn nɛnyaanan lɛa. Lawa na á lɛ kɔ kɔn la wɔ ka ka dinin lɛn digolon ne. Á pɛ Abrahamu-n dinin, mà asɛ Lawa n die barka diɛ kanaa minin tɔrɔ tumaa ganaa ka a din a nɛnyaanan barka nɛ.

Timəə dí-pɛn 7:8

A giala, Dɛnaa Lawa na á ka narɛ. A lɛ kɔ kɔn la mɛn wɔ ka ka digolon ne dɔn, á bɛ lɛ pã. Bɛ lɛ nɛ, Dɛnaa Lawa din ka si ka pàã nɛ. Á ka bɔ bɛ̀rɛbaa nɛ, á ka bɔ *Faarahɔn gɔn, Ezipti minin kii ke.