KZS1 15:29 - LAWA A BOO SONBORE

²⁹ Dɛnaa Lawa a lɛ kɔ kɔn la ǹ goo lɛ bɛ́ á dɔ "Davida a kiwi", Sooli a nɛlɔ Mikaali nə n yii kɔ fenɛtərə ni, a yii kii Davida yɛ parɛ a n bɛ biɛ, a tìĩ bɔ a nyin ni ka a foo tumaa nɛ.

LAWA A BOO SONBORE 2011

²⁹ Dɛnaa Lawa a lɛ kɔ kɔn la ǹ goo lɛ bɛ́ á dɔ "Davida a kiwi", Sooli a nɛlɔ Mikaali nə n yii kɔ fenɛtərə ni, a yii kii Davida yɛ parɛ a n bɛ biɛ, a tìĩ bɔ a nyin ni ka a foo tumaa nɛ.

KZS1 15:29 ပူးပေါင်းရင်းမြစ်များ

Samayeli2 6:16

Dɛnaa Lawa a goo lɛ bɛ́ we "Davida a kiwi" lɛ nɛ, Sayulu a nɛlɔ Miikali dɔ na á n yii kɔ fənɛtrə ne. Á kii Davida yɛ bɛ̀ biɛ, bɛ̀ á n paparɛ Dɛnaa Lawa yɔrɔ-a. Mikaali ná a puusə kɔ a din foo ne.

KZS1 15:28

Izirayeli din tumaa n woe ka Dɛnaa Lawa a lɛ kɔ kɔn la ǹ goo lɛ nɛ, gɔn dɛ wuu li, bɛnɛn wuu ni, gɔn pere dɛ ǹ mànan nɛ tùtun ni, kɔnkoɛ̃ɛnɛn nɛ.

KZS1 17:1

Davida bɛ á giã a kii kion ne biikoo mɛn li, á pɛ Lawa a boo gii-dali Natan nɛ: «Ma á ke má giã da kaka kion ne, sɛnɛ Dɛnaa Lawa a *lɛ kɔ kɔn la ǹ goo kɛ n tɔn bǎã nɛ, mɔnaa kion lɛa.»

Loen 149:3

Ka bɛ̀ baa ka a guguru kɔ nɛ, ka maà laanka tùtu dɛ, ka a gugurukɔ nɛ.

Loen 150:4

Ka maà dɛ, ka bɛ̀ baa ka a tɔ bɔ nɛ, ka tùtu dɛ, ka pìi pɛ ka a tɔ bɔ nɛ!

Loen 30:11

Dɛnaa Lawa, makara bɔ ma ganaa n nə n too kɔ! Dɛnaa Lawa, n din nə n baa maa dɔmalɛ wole lɛa!

Bɔ bɛ̀rɛbaa nɛ 15:20

Lawa a boo gii-dali Miriamu ke, Aarɔn ǹ miãnɛn lɛa, bɛ tɔ́n maà saa a gɔn. Lɔn tumaa soo ǹ nə́ kaa a kio, ǹ nə́ bɛ̀ biɛ maà lɛ wuu li.

Boo-laakalaali 3:4

Wuu-pɛ biikoo tan, yaa-wɔ biikoo tan. Lala-diɛ biikoo tan, bɛ̀-baa biikoo tan.

Zeremii 3:16

Bɛa biikoo li kəni, ka á re nɛnyaanan yii gigiã, Dɛnaa Lawa a da ǹ boo ne. Ka á re mɔnɛɛ gána lɛ nɛ. Min kɔn ba re Dɛnaa Lawa a *lɛ kɔ kɔn la ǹ goo kɛ boo diɛ wa, min kɔn ba re n yiri koɛ li wa. Yiri a re gisĩ a-n doo wa, min kɔn ba re a tanbaã doɛ̃ wa, min kɔn dɔ á re a kɔnboe zɛnɛɛ wa.

Zeremii 30:19

LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Minin nimi 10:33

Bɛ kio, ǹ nə́ kiɛ̃ ǹ nə́ n bɔ Dɛnaa Lawa a kele bǎã kɛ nɛ, ǹ nə́ lɛawaa sɔɔ zii tɔ wɔ. Bɛa lɛawaa sɔɔ zii tɔ lɛ gɔ́ɔ̃ nɛ Dɛnaa Lawa a *lɛ kɔ kɔn la ǹ goo lɛ goã á woo ǹ nyɛɛnɛ, màn mɛn bɛ́ toɛ, ǹ bɛ́ re boe la ǹ golee bǎã mɛn nɛ, ǹ bɛ dɔ̃.

Nya ǹ dín 2:13

Sɛnɛ min tɛnɛn man nə́ goã yaa we kialandɛnan lɛn-a, bɛ̀ ǹ nə́ pii: «Duvɛ̃ nə ǹ yii ganaa.»

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti2 5:13

Bɛ̀ man mìi webaã sii zɛnɛɛ, bɛ ǹ ma din bii ni ka Lawa nɛ. Sɛnɛ, ma bɛ́ sii mɛn zɛnɛɛ kasɛn nɛ, mìi webaã sii bie wa.

Timəə dí-pɛn 31:26

«Ka dí-pɛn sɛ́wɔ kɛ si, ka koa kaa Lawa, Dɛnaa Lawa a lɛ kɔ kɔn la ǹ goo lɛ li. A n die goɛ̃ walan, a siére pɛ ka ganaa, masɛ wɔ paǹ li.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»

Sii yɔrɔ-bɔlen 20:27

Bɛa biikoo li, bɛ̀ Lawa a *lɛ kɔ kɔn la ǹ goo kɛ á tɔn Betɛli. Eleyazaara a nɛgiĩ Finee mɛn bɛ́ Aarɔn a nɔ̀ɔn lɛa, bɛ̀ bɛ n Lawa a wúlu-bɔle lɛa. Izirayeli minin lɛn nə́ nɔ̀n da Dɛnaa Lawa la: «Wɔ doamaa nɛ wɔ wusoo wɔ wo zia baa wɔ dɔɔ̃n Bɛnzamɛn tɔrɔn lɛn ganaa hinlaa wɔ doamaa nɛ wɔ a lɛ da?» Dɛnaa Lawa nə́ ǹ lɛ si: «Ka woo, a giala, biɛ̃, ma á re Bɛnzamɛn tɔrɔn lɛn we ka gɔn.»

Samayeli1 25:44

Sɛnɛ, Sayulu goã á ná a nɛlɔ Mikaali mɛn kɔ Davida la lɔ lɛa, á kũ á si la, á kɔ Layiisi a nɛgiĩ Palti la, boe Galimu kiwi.

Samayeli1 4:3

Zaman lɛ woo ǹ giã ǹ bǎã nɛ. Izirayeli a min zizin man nə́ goã pii kɛnɛn: «Wàa na á baa Dɛnaa Lawa toa Filisiti minin nə́ boo wɔsɛn la pelo? Ka n tá, wɔ wo Dɛnaa Lawa a *lɛ kɔ kɔn la ǹ goo kɛ saa Siiloo: A kiɛ̃ a da wɔsɛn bii, a wɔ si wɔa zɔ́ɔn la.»