KZS1 15:16 - LAWA A BOO SONBORE

¹⁶ Davida pɛ Levii tɔrɔn kiãn manɛ maǹ nə́ ǹ dɔɔ̃n loe-lɔlin kɛn kaa ǹ dí lɛ la, ka tùtun ni, kɔnkoɛ̃ɛn nɛ ka gɔn pere dɛ ǹ mànan nɛ, ǹ nə́ n pàã bɔ li a wuu bɔ taãn-taãnɛ, a n nyɛnyɛɛ giala pii.

LAWA A BOO SONBORE 2011

¹⁶ Davida pɛ Levii tɔrɔn kiãn manɛ maǹ nə́ ǹ dɔɔ̃n loe-lɔlin kɛn kaa ǹ dí lɛ la, ka tùtun ni, kɔnkoɛ̃ɛn nɛ ka gɔn pere dɛ ǹ mànan nɛ, ǹ nə́ n pàã bɔ li a wuu bɔ taãn-taãnɛ, a n nyɛnyɛɛ giala pii.

KZS1 15:16 ပူးပေါင်းရင်းမြစ်များ

KZS1 13:8

Davida laanka Izirayeli kuturu na á goã bɛ̀ biɛ ka ǹ we tumaa nɛ Lawa yɔrɔ-a, ka loen ne, tùtu tɔrɔ tumaa laanka kɔnkoɛ̃ɛnɛn nɛ, maàn nɛ, gɔn pere dɛ ǹ mànan nɛ, ka bɛnɛn nɛ.

KZS1 15:12

Á pɛ ǹ nɛ: Ka n Levii Tɔrɔn lɛn sɔmɔ minin kiãn lɛa, ka ka dinin yoreen kɔ, ka ka dɔɔ̃nɔn nɛ. Ma bǎã mɛn bɔ má koa Dɛnaa Lawa, Izirayeli a Lawa a goo kɛ wɔ lɛa, ka saa ka wo-n walan.

KZS1 16:42

Eman laankaa Yedutunu n bɛnɛn pii ǹ nə́ gɔn pere dɛ ǹ mànan dii, ka sàn kɔ ǹ màn tɔrɔ kɔsɔn nɛ, ǹ nə́ diɛ Lawa a loen kɛn li. Yedutunu a nɛnyaanan man nə goã kiɛnlɛ lɛduĩ.

KZS1 16:5

Kiã Asaafu ni ka a koamala wole Zakarii ni, ka Yeyieli, Semiramɔti, Yeyieli, Matitia, Eliabu, Benayahu ka Obɛdi-Edɔmu. Yeyieli n tùtùun laanka kɔnkoɛ̃ɛnɛn dii, Asaafu n gɔn pere dɛ ǹ mànan dii.

KZS1 23:5

duu sii (4 000) kiɛnlɛ-lɛduə̃lin lɛa, á duu sii bɔ mà bɛn nə Dɛnaa Lawa tɔ bɔ ǹ loe lɔ ka sàn kɔ ǹ mànan nɛ, a ǹ mɛnɛn zɛnaa bɛ lɛ taman yii.

KZS1 6:16

Ǹ bɛ́ ǹ nə́ *lɛ kɔ kɔn la ǹ goo kɛ da a koa ǹ bǎã-n lɔn gɔrɔ, Davida loe lɔ sii wɔ Levii tɔrɔn gɔn Dɛnaa Lawa a kion.

KZS2 20:19

*Levii tɔrɔn bii Keyati laanka Koree a tanlɛ minin kɛn nə́ yoo ǹ tá loe loe ka lɛn gole ne ǹ nə́ Dɛnaa Lawa, Izirayeli a Lawa tɔ boe ne.

KZS2 30:12

Zudaa gána dɔ nɛ, Lawa sii zɛnaa a minin manɛ. Bɛ lɛ nɛ, ǹ nə́ lɛ kɔ, ǹ nə́ kii laanka a zaman nyɛɛnaandɛnan da ǹ boo kɛ sii bǎã goon ne, Dɛnaa Lawa nə ǹ mɛnɛn lɛn kɔ ǹ la.

KZS2 5:12

Levii tɔrɔn kɛn sàn-kɔlen lɛa, Azaafu ni, Eman nɛ, Yedutunu ni ka ǹ nɛnyaanan nɛ, ka ǹ tanlɛ min gialakunun ni, bɛn man nə́ mɔnaa guguru sonbore wɔ. Ǹ nə́ gole wúlu bɔ ǹ bǎã lɛ a lɛ̀giala gɔn la, ka dindin ni tùtùn ni ka kɔnkoɛɛ̃nɛn nɛ. Ǹ genli, wúlu-bɔle paabiɛ ka fuə (120) n bii-a bɛn pii.

KZS2 5:13

Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. LOE-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

KZS2 7:6

Lawa a wúlu-bɔlen manə ǹ bǎã nɛ, *Levii tɔrɔn dɔn nɛ ka sàn kɔ ǹ mànan kɛn nɛ Lawa wɔn lɛa, Davida nə́ ǹ zɛnaa Lawa tɔ bɔ á lɛa ǹ nə́ loe siɛ nɛ: «Hiĩ, a minin narɛɛ n duduu wɔ lɛa.» Ǹ yɔrɔ-a, Lawa a wúlu-bɔlen man bɛn pii zaman lɛ tumaa n golee-n lon.

Nehemii 12:27

Zeruzalɛmu a kungɔn lɛ a kɔ Lawa la sii taman yii, ǹ nə́ woo ga Levii tɔrɔn li, ǹ giã ǹ bǎãn tumaa nɛ, ǹ nə́ daa ǹ nɛ Zeruzalɛmu màn mɛn bɛ́ toɛ, ǹ nə n nyɛnyɛɛ ǹ kungɔn lɛ kɔ Lawa la, ǹ Lawa guguru kɔ ǹ loen lɔ, ǹ gɔn pere dɛ ǹ mànan kaa li, ka tùtun laanka kɔnkoɛɛ̃nɛn nɛ.

Nehemii 12:36

bɛ laanka ǹ dɔɔ̃nɔn nɛ, Semayia nɛ, Azareli ni, Milatayii ni, Gilayii ni, Mayii ni, Netaneyeli ni, Yewudaa nɛ, ka Hananii ni, ǹ dɔn nə́ goã tɔ lɛ we. Davida lɛ, Lawa a min lɛa, bɛa da loe li ǹ mànan man nə́ goã ǹ gɔn. Landa sii-daraali Ɛsidrasi na á goã ǹ nyɛɛnɛ.

Nehemii 12:43

Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Nehemii 12:46

Sonbore ne, lɛlɛ, Davida laanka Azaafu a biikoo li, loe-lɔlin nyɛɛnaandɛnan nə́ goã ǹ tan, guguru kɔ ǹ loen laanka barka da ǹ loen loe Lawa nɛ.

Loen 100:1

Barka da ǹ loe. Ka kanaa minin lɛn tumaa, ka foo kɔɔ̃nbaa ǹ loe lɔ Dɛnaa Lawa nɛ.

Loen 149:3

Ka bɛ̀ baa ka a guguru kɔ nɛ, ka maà laanka tùtu dɛ, ka a gugurukɔ nɛ.

Loen 150:5

Ka a tɔ bɔ ka zan màn wuu kɔɔ̃nɔn nɛ, ka a tɔ bɔ ka gɔn pere dɛ ǹ zan màn wuu kɔɔ̃nɔn nɛ!

Loen 81:1

LOE-saalin goledɛnaa loen mɛnɛn lɔ. Asaafu a loe goon ne. A nə n loe bɛ̀ Gaati ná a bɛ̀ dɛ ǹ màn diɛ li.

Loen 81:3

Ka sàn kɔ, ka maà dɛ, ka tùtun wuu da li.

Loen 87:7

Lawa a kiwi, minin man loe loe, ǹ nə́ bɛ̀ biɛ, mà Zeruzalɛmu, wɔsɛn man wɔ dinin piɛ kànaa.

Loen 95:1

Ka daa wɔ n lɛ dɛ, wɔ n nyɛnyɛɛ wɔa Dɛnaa Lawa ganaa. Ka daa wɔ foo kɔɔ̃nbaa ǹ fòo da Lawa nɛ, wɔ tamaali kɛ lɛ wɔ kirisibiɛ.

Bɔ bɛ̀rɛbaa nɛ 15:20

Lawa a boo gii-dali Miriamu ke, Aarɔn ǹ miãnɛn lɛa, bɛ tɔ́n maà saa a gɔn. Lɔn tumaa soo ǹ nə́ kaa a kio, ǹ nə́ bɛ̀ biɛ maà lɛ wuu li.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Amɔɔsi 6:5

Ka n loe kankanbiɛ bɛ̀ ka da tùtu wuu li. Ka n bɛ̀ dɛ ǹ màn diin zɛnɛɛ ka dinin wɔ lɛa, ká Davida bɛ́ á goã zɛnɛɛ lɔn.

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Tiitii 1:5

Man má n toa Krɛti gána nɛ, ń giɛ, dí gialakun mɛn goã, n bɛ yɔrɔ bɔ sɔnbɔraanɛ. Ń giɛ, n ga Lawa a sɔmɔ walan wolen dɔn bɔ, n nə ǹ koa kiwi gogoonmaa nɛ. Ma yiri mɛn kɔ n la, n die n nə n yiri koa bɛ li.