KZS1 13:5 - LAWA A BOO SONBORE

⁵ Davida tɔ́n Izirayeli minin tumaa sɔkɔn, a saa Ezipti a lɛ̀giala gɔn la tà kɛ ganaa yǎa Lebo-Amaati, gɔsɛ a lɛ̀gɔn la, màn mɛn bɛ́ toɛ ǹ wo Lawa a goo lɛ saa Kiriati-Yarimu ǹ da nɛ.

LAWA A BOO SONBORE 2011

⁵ Davida tɔ́n Izirayeli minin tumaa sɔkɔn, a saa Ezipti a lɛ̀giala gɔn la tà kɛ ganaa yǎa Lebo-Amaati, gɔsɛ a lɛ̀gɔn la, màn mɛn bɛ́ toɛ ǹ wo Lawa a goo lɛ saa Kiriati-Yarimu ǹ da nɛ.

KZS1 13:5 ပူးပေါင်းရင်းမြစ်များ

Samayeli2 6:1

Izirayeli minin lɛn mɛnɛn tumaa tɔ bɛ́ á bɔ zia la, Davida wusoo á bɛn tumaa sɔkɔn. Maǹ nə́ goã giĩ duu pɔsɔɔ (30 000).

Kiin1 8:65

Salomɔn laanka Izirayeli minin tumaa bɛa zɔ́n lɛ zɛnaa kun bɛa biikoo lɛ li. Ǹ nə́ goã zaman gole lɛa, ǹ nə́ bɔ gána lɛ paǹ tumaa ganaa, ǹ nə́ daa n sɔkɔn. A n siɛ Lebo-Amaati kiwi ganaa, gɔsɛ a lɛ̀gɔn la a da Ezipti a lɛ̀ giala gɔn la tà kɛ yaa, gusin a lɛ̀gɔn la. Ǹ nə́ zɔ́n lɛ zɛnaa Dɛnaa Lawa yɔrɔ-a lɛawaa fúlusii: Lɛawaa sɔbaa bɔrɔ bɛ kio doo lɛawaa sɔbaa.

Kiin2 25:21

Baabilonii gána a kii lɛ tɔ́n nə ǹ dɛ ǹ nə́ gã Ribla kiwi, Amaati gána nɛ. Maǹ nə́ Zudaa minin goa ka bɛa yɔrɔ lɛ nɛ, ǹ nə́ woo ǹ ne ǹ wɔlɔ n lui ni ǹ gána ganaa.

KZS1 13:4

Zaman tumaa lɛ kɔ sii lɛ a zɛnaa miɛ̃ ganaa, a giala sii lɛ goã taãn lɛa zaman lɛ tumaa yɔrɔ-a.

KZS1 13:6

Davida woo kun ka Izirayeli zaman lɛ tumaa nɛ Baala, Kiriati-Yarimu kiwi kɛ nɛ, Zudaa gána nɛ, màn mɛn bɛ́ toɛ ǹ Lawa a goo lɛ saa walan ǹ da nɛ, Dɛnaa Lawa mɛn bɛ́ lon màn yiikoonaa nyínin lɛn biin ni, bɛa goo kɛ lɛ a tɔ ń la.

KZS1 15:3

Bǎã mɛn nə n bɔ á n koa Dɛnaa Lawa a goo lɛ wɔ lɛa, Davida Izirayeli tumaa sɔkɔn Zeruzalɛmu, màn mɛn bɛ́ toɛ ǹ wo goo lɛ-n walan.

Izayii 23:3

Ǹ bɛ́ màn mɛn diɛ Niili tà lɛ-a, ǹ bɛ́ màn mɛn kuri a lɛ-a, bɛ lɛ na á goã Sidɔn a naforo lɛa. Sidɔn na á goã tɔrɔn pii kɔ ǹ bǎã lɛa.

Zeremii 2:18

Sisia kəni, n wo Ezipti là n ka wàa nɛ, N wo Niili tà mi? Ma nə́ n woo Asiirii là n wàa nɛ, Ma nə́ n woo Efrati tà mi?

Zozoe 9:17

Izirayeli minin lɛn nə́ zii saa. Ǹ lɛawaa sɔɔbaa ǹ wɔ pinaa, ǹ nə́ dɔ bɛa minin lɛn giã ǹ kiwin ni. Ǹ kiwin lɛn man ka Gabawɔ̃ nɛ, Kefiraa nɛ, ka Beerɔti laanka Kiriyati-Yarimu ni.

Samayeli1 6:21

Ǹ nə́ minin dia maǹ wo pɛ Kiriyati-Yarimu minin manɛ kɛnɛn: «Filisiti minin nə́ n gɔn bɔ Dɛnaa a goo lɛ-a, ka da saa ka wo ne ka li.»

Samayeli1 7:1

Kiriyati-Yarimu kiwi minin nə́ daa Dɛnaa Lawa a goo lɛ saa, ǹ nə́ woo ne. Ǹ nə́ woo ne Abinaadaabu a kion, tenten la, bɛ kio, ǹ ná a nɛgiĩ Eleyazaara bɔ ǹ nə́ koa, mà a ga Dɛnaa Lawa a goo lɛ walan.

Samayeli1 7:2

Dɛnaa Lawa a goo lɛ goã Kiriyati-Yarimu á belebɔ, á dɔ lɛ̀ fuə. Bɛ lɛ kio ne, Dɛnaa Lawa sii goã Izirayeli minin tumaa ganaa parsiini.