KZS1 12:19 - LAWA A BOO SONBORE

¹⁹ Amasayi mɛn bɛ́ zia-baali pɔsɔɔ lɛ a goledɛnaa lɛa, Lawa Yiri wɔ bɛ nɛ á tɔ́n pɛ: «Wɔ nə n din wɔn lɛa Davida, wɔ n kun ka n din ni Zesee a nɛgiĩ. Là nyantoro goã n nɛ, min mɛnɛn bɛ́ n doe n lɛ, a goã bɛn dɔn manɛ. A giala n Lawa lɛ nə n li!» Bɛ kio, Davida lɛ kɔ ǹ ganaa, á goledɛnaabaa ǹ dí kɔ ǹ la kun ka a zia nɛn nɛ.

LAWA A BOO SONBORE 2011

¹⁹ Amasayi mɛn bɛ́ zia-baali pɔsɔɔ lɛ a goledɛnaa lɛa, Lawa Yiri wɔ bɛ nɛ á tɔ́n pɛ: «Wɔ nə n din wɔn lɛa Davida, wɔ n kun ka n din ni Zesee a nɛgiĩ. Là nyantoro goã n nɛ, min mɛnɛn bɛ́ n doe n lɛ, a goã bɛn dɔn manɛ. A giala n Lawa lɛ nə n li!» Bɛ kio, Davida lɛ kɔ ǹ ganaa, á goledɛnaabaa ǹ dí kɔ ǹ la kun ka a zia nɛn nɛ.

KZS1 12:19 ပူးပေါင်းရင်းမြစ်များ

Siin Giala 43:23

Giĩ lɛ tɔ́n pɛ ǹ nɛ: «Ka baran n dinin yiri lɔlɔkɔn wa, ka baran nyɛ́ɛ baa wa. Ka dinin Lawa, ka digolon Lawa na á naforo kaa kaa belee boroon lɛn nɛ. Kaa wɔrɔ lɛ dɔ ma li.» Bɛ kio, á Simiɔn bɔ á kɔ ǹ la.

Samayeli2 17:25

Abusalɔn na á goã á Amasaa da zia-baalin lɛn mìi la, Zoabu bǎã nɛ. Amasaa na á goã Izirayeli tɔrɔ Yiitra a nɛgiĩ lɛa, Yiitra mɛn goã kun ka Naasi a nɛlɔ Abigaali ni. Abigaali lɛ dɔɔ̃nlɔ n ka Zoabu ǹ dan Seruzaa nɛ.

KZS1 12:20

Davida bɛ́ á goã á woo kaa kun ka Filisiti minin ni mà maǹ woe zia biɛ Sayulu ganaa, bɛa biikoo lɛ li, Manaasee tɔrɔn dɔn nə́ goã ǹ nə́ kaa kun ka Davida lɛ nɛ. Sɛnɛ Davida laanka a minin lɛn nə boo la ǹ nə́ zia da kun ka Filisiti minin lɛn nɛ wa, a giala Filisiti minin lɛn kiin man nə́ goã ǹ nə́ ǹ kurəə. Maǹ nə́ goã taasɛ, mà Davida lɛ n die kiɛ kun ka a dɛnaagiĩ zizi Sayulu lɛ nɛ, a ǹsɛn wɔ a gɔn.

Zakarii 8:2

«Dɛnaa Lawa bɛ́ boo mɛn pii á ke: Maa *Siɔn narɛ ǹ gɔn tá baraa taãn-taãnɛ. Bɛa kɔn-narɛɛ kɛ lɛ n kuĩ ma gɔ́ɔ̃ nɛ, ka tɛ bɛ́ lɔn.»

Sii yɔrɔ-bɔlen 6:34

Dɛnaa Lawa yiri gisĩ Zediɔ̃ la. Zediɔ̃ bɛn pɛ, á Abiezɛɛrɛ a tanlɛ minin bíi, á ǹ kaa a kio.

Samayeli1 29:10

A bɛ́ miɛ̃, n die n yoo baayɛlɛ yiisoone, kun ka n dɛnaagiĩ a dí-nyalin mɛnɛn nə da kunun n ni. Bɛ̀ lɛ̀ waa lɔn gɔrɔ, n yoo baayɛlɛ yiisoone ǹ woo.»