KZS1 12:17 - LAWA A BOO SONBORE

¹⁷ Bɛnzamɛn tɔrɔ kɔsɔn laanka Zudaa tɔrɔn nə́ woo Davida li a duru ǹ bǎã lɛ nɛ.

LAWA A BOO SONBORE 2011

¹⁷ Bɛnzamɛn tɔrɔ kɔsɔn laanka Zudaa tɔrɔn nə́ woo Davida li a duru ǹ bǎã lɛ nɛ.

KZS1 12:17 ပူးပေါင်းရင်းမြစ်များ

Siin Giala 31:42

Bɛ̀ ma di gole Abrahamu a Lawa, ma di Izaaki bɛ́ nyɛ́ɛ biɛ Lawa mɛn lɛ nɛ, bɛ̀ bɛ bie á goã kun ka masɛ-n wa, bɛ̀ n nə ǹ die toɛ ma gɔn kooro woo. Sɛnɛ, Lawa ga masɛ á nɔmaa ganaa, ma dí kaka mɛn nya, á bɛ yɛ. Bɛ lɛ nɛ, a ná a yɔrɔ bɔ gunun tèlò-n.»

Siin Giala 31:53

Abrahamu laanka Nahɔɔrɔ a Lawa, ka digolon lɛn Lawa lɛ die a kiri kuru wɔ bii.» Zakɔba nə́ n liɛ ka Lawa nɛ, ǹ di Izaaki bɛ́ nyɛ́ɛ biɛ Lawa mɛn lɛ nɛ.

Kiin1 2:13

Agiti a nɛgiĩ Adoniya woo Salomɔn ǹ dan Bati-Seebaa li, yǎa Bati-Seebaa nɔ̀n da la: «Ma nə ń daa bǐɛ̃ ganaa? Adoniya ná a lɛ si mà hiĩ, mà bǐɛ̃ nɛ.»

Kiin2 10:15

Zewu bɛ́ á kiɛ̃ á n bɔ walan, á n da Rekabu a nɛgiĩ Zonaadaabu lɛ, a nyɛɛnɛ die n diɛ lɛ. Zewu fòo da nɛ á pɛ nɛ: «N gɔ́ɔ̃ tá fu masɛ wɔ paǹ li ka maa wɔ bɛ́ fu n wɔ paǹ li lɔn?» Zonaadaabu ná a lɛ si: «Á fu.» Zewu nə́ n toa: «Bɛ̀ n gɔ́ɔ̃ lɛ á fu, n gɔn kɔ ma la.» Zonaadaabu nə́ n gɔn lɛ kɔ la. Zewu Zonaadaabu kũ á da a din genli, a wotoro ne,

Kiin2 9:22

Zoramu yii mɛ Zewu ganaa lɔn gɔrɔ, á n toa: «Zewu, bǐɛ̃ nɛ?» Zewu ná a lɛ si: «Wàa bǐɛ̃ nɛ! A da yaa n dan Zezabɛli lɛ n tɔn woe nyɛɛnɛ ka a dì guguru koe kɛ laanka a kɔnkoãbaa zaã kɛa zɛnaa nɛ.»

KZS1 12:16

Ǹ dinin lɛn man nə́ Zurdɛ̃ tà kuru a pã a toɛ̃ biikoo li, lɛ̀ a mui bibinaa gɔ́ɔ̃ nɛ. Min mɛnɛn tumaa goã tà gòã lɛ nɛ ǹ nə́ bɛn tumaa loo, a lɛ̀gialadɛnan laanka a lɛ̀nyɛɛndɛnan nɛ.

KZS1 12:18

Davida soo á n da ǹ lɛ, á boo da ǹ nɛ á pɛ: «Bɛ̀ là nyantoro a lɛa nɛ ka daa ma li ka n die n doe ma lɛ, ma á kun ka nɛ ka ma foo tumaa nɛ. Sɛnɛ, bɛ̀ ka n ka daa ka n die ma mìi doe li, ka ma kɔ maa zɔ́ɔn la, a da yaa maán ma sii kɔn dɔ la wa, wɔ digolon Lawa lɛ die a n baa bɛa siére lɛa a dɔlɔ bɔ ka ganaa!»

Loen 7:6

toa maa zɔ́ɔ ma loo a dɔ ma ganaa, toa a ma dɛ a ma tuturu tán, a ma nyin wɔ tii li. *Doa.

Loen 86:11

Dɛnaa Lawa, n zii nyaa ma nɛ, ma á re tɔ we, a kɔnpɛ ka n sonbore ne. Bɛ lɛ dinsɔɔ̃ da ma foo ne, màn mɛn bɛ́ toɛ, ma nyɛ́ɛ baa n tɔ kɛ nɛ.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Zakarii 3:2

Dɛnaa Lawa pɛ zɛ̀rɛ da ma la wole lɛ nɛ: «Dɛnaa Lawa nə n lɛ tã, zɛ̀rɛ da ma la wole! Sonbore, á n lɛ tã, asɛ mɛn Zeruzalɛmu bɔ á koa! Yesuwa bie ka gɔn lɛkoro bɛ́ lɔn ǹ nə́ bɔ tɛ-n wa?»

Nya ǹ dín 4:32

Minbuiin gigiã mɛn din tumaa golee Lawa li, bɛn gɔ́ɔ̃n laanka ǹ taasiɛn man nə́ goã goon, ǹ kɔ́n dɔ goã giɛ a din gɔn màn kɔn-a a din wɔ lɛa wa, sɛnɛ, ǹ tumaa na á goã ǹ gɔn màn yii kiɛ kun.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Piɛrɛ1 2:23

Maǹ nə́ goã sɔ kiɛ la, a ba a dòo koe wa. A bɛ́ fuu yii ke, a boo baraa da min-a wa, sɛnɛ, a na á goã a din a sii toɛ Lawa kiri pepere wɔle kɛ gɔn.

Zude 1:9

Lon a dia dí-a wolen goledɛnaa Miseli din bɛ zɛnaa wa. A laanka *Sɛtaan bɛ́ zia diɛ ǹ mɛn waáraa, ǹ nə́ kɔn liere koe Muizu gere ganaa, Miseli lɛ kɔ, á dɔlɔ da Sɛtaan mìi ni, a sɔ kɔ Muizu ganaa kɛ a lɛa wa. A na á pɛ kooro mà «Dɛnaa Lawa die a dɔlɔ bɔ n ganaa!»

Samayeli1 16:4

Dɛnaa Lawa boo mɛn pɛ, Samayeli bɛ zɛnaa. Á dɔ Bɛtlehɛmu kiwi. Kiwi lɛ a min golen nə́ n da lɛ, bɛ̀ ǹ gɔ̀nɔn tá bìn diɛ. Ǹ nə́ nɔ̀n da la: «Bǐɛ̃ nɛ, ń daa a ganaa?» Á ǹ lɛ si mà hiĩ, mà bǐɛ̃ nɛ.

Samayeli1 18:1

Davida bɛ́ á boo da ka Sayulu ni á nya, Zonaatan dama Davida ganaa, á narɛ ka a dinmaa bɛ́ lɔn.

Samayeli1 18:3

Zonaatan nə́ n lɛ kɔ Davida la, a giala, a na á goã narɛ ka a dinmaa bɛ́ lɔn.