KZS1 11:20 - LAWA A BOO SONBORE

²⁰ Zoabu ǹ dɔɔ̃ngiĩ Abisayii ke, bɛ na á goã zia-baali sɔɔ mìi la. Ǹ kɔn pinaa, a din na á ǹ zɔ́ɔn lɛn min biɛsɔɔ (300) dɛ ka sɛmiɛ̃ nɛ. Bɛ lɛ n ke min sɔɔ lɛ bii, tɔ bǐɛ̃ bie á yɛ wa!

LAWA A BOO SONBORE 2011

²⁰ Zoabu ǹ dɔɔ̃ngiĩ Abisayii ke, bɛ na á goã zia-baali sɔɔ mìi la. Ǹ kɔn pinaa, a din na á ǹ zɔ́ɔn lɛn min biɛsɔɔ (300) dɛ ka sɛmiɛ̃ nɛ. Bɛ lɛ n ke min sɔɔ lɛ bii, tɔ bǐɛ̃ bie á yɛ wa!

KZS1 11:20 ပူးပေါင်းရင်းမြစ်များ

Samayeli2 18:2

Bɛ kio, kii Davida zaman lɛ talakɔn wɔlɔ sɔɔ, a ná a talakɔn goon a sii wɔ Seruzaa a nɛgiĩ Zoabu gɔn. Á goon a sii wɔ Zoabu ǹ dɔɔ̃ngiĩ Abisayii gɔn, á tɔ́n goon kɛa sii wɔ Gaati min Itayii gɔn. Bɛ kio, á pɛ zaman lɛ nɛ mà asɛ dɔ tá li a soo a wo zia baa kun ka ǹ nɛ.

Samayeli2 2:18

Seruzaa a nɛgiĩ min sɔɔ lɛ goã walan: Zoabu ni, Abisayii ni ka Azayeli ni. Azayeli gòã yii na á goã fuu ka don a woree wɔ bɛ́ lɔn.

Samayeli2 20:6

Davida tɔ́n pɛ Abisayii ni: «Kanna kəni, Bikrii a nɛgiĩ Sebaa bɛ́ re màn mɛn zɛnɛɛ wɔsɛn manɛ, bɛ á re baraa koe, a la Abusalɔn wɔ kɛ nɛ. N dinmaa yoo, n maa dí-nyalin kɛn kũ, n Sebaa kio loo, màn mɛn bɛ́ toɛ, a baran duru ǹ bǎã kaka yɛ kiwi kɔn nɛ, n yaa kiɛ̃ papaɛ̃ wɔ la wa.»

Samayeli2 21:17

Sɛnɛ, Seruzaa a nɛgiĩ Abisayii daa n dɔ Davida lɛ, á Filisiti min lɛ dɛ á gã. Bɛ kio, Davida a zia-baalin nə́ n liɛ nɛ ǹ nə́ pɛ nɛ mà a ba woe ziabaa ǹ bǎã-n kun ka ǹsɛn nɛ doo, n Izirayeli minin yaa kiɛ̃ goɛ̃ kii wɛɛ̃ nɛ ǹ kɔn pinaa wa.

Samayeli2 3:30

Bɛ̀ ń yaa Zoabu laanka ǹ dɔɔ̃ngiĩ Abisayii Abnɛɛrɛ dɛ, a giala, a dɔ na á ǹ dɔn dɔɔ̃ngiĩ Azayeli dɛ Gabawɔ̃ zia lɛ la.

KZS1 11:19

Á pɛ: «Dɛnaa Lawa, kɛa zɛnaa a taasiɛ din wɔlɔ á lui ni masɛ ganaa! A giala, minin kɛn lɛn ǹ nə́ n nyin kɔ ǹ nə́ woo, mu kɛ lɛ n goon ka ǹ dinin mà nɛ.» Bɛ lɛ nɛ, á n piã a mi wa. Zia-baali babaraa sɔɔ lɛ màn mɛn zɛnaa a din nə ka bɛ lɛ nɛ.

KZS1 11:21

Sonbore asɛ gugurubaa yɛ á n timəə min sɔɔn kɛn wɔ la kuru paabaa ǹ wɔ nɛ, á n baa ǹ goledɛnaa lɛa. Sɛnɛ, a dɔ min sɔɔn kɛn li kuru bibinaa kɛ-n wa.

KZS1 2:16

Ǹ miãnɛnɛn man ka Serruya nɛ, ka Abigaali ni. Serruya a nɛnyaanan man min sɔɔ: Abisayii ni, Zoabu ni, ka Azayeli ni.

Samayeli1 26:6

Davida nɔ̀n da Ɛti tɔrɔ Ayimelɛki la, á nɔ̀n dɔ da Seruya a nɛgiĩ Abisayii la, Zoabu n dɔɔ̃ngiĩ ke á pɛ: «Die n die woe kun ka masɛ nɛ Sayulu a giã ǹ bǎã nɛ?» Abisayii nə́ n toa mà asɛ á woe kun ni.