KZS1 11:2 - LAWA A BOO SONBORE

² Táa lɛlɛ, bɛ̀ Sayulu bɛ́ kii lɛa dinin, n din Davida nə ń goã miɛ̃ wɔsɛn Izirayeli minin zia-baalin nyɛɛnɛ, bɛ̀ n wo ǹ ne zia la, n nə n bɔyaa ǹ nɛ. Dɛnaa Lawa, n Lawa goã á kɛ pɛ n nɛ dɔn dinin: «N din nə die giɛ masɛ a zaman Izirayeli lɛ walan, n din nə die maa zaman Izirayeli minin lɛn mìilandɛnaa biɛ.»

LAWA A BOO SONBORE 2011

² Táa lɛlɛ, bɛ̀ Sayulu bɛ́ kii lɛa dinin, n din Davida nə ń goã miɛ̃ wɔsɛn Izirayeli minin zia-baalin nyɛɛnɛ, bɛ̀ n wo ǹ ne zia la, n nə n bɔyaa ǹ nɛ. Dɛnaa Lawa, n Lawa goã á kɛ pɛ n nɛ dɔn dinin: «N din nə die giɛ masɛ a zaman Izirayeli lɛ walan, n din nə die maa zaman Izirayeli minin lɛn mìilandɛnaa biɛ.»

KZS1 11:2 ပူးပေါင်းရင်းမြစ်များ

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

Samayeli2 7:7

Ma goã kun ka Izirayeli minin lɛn nɛ biikoo mɛn tumaa li, má minin bɔ, má ǹ koa ǹ mìi la ǹ nyɛɛnaan-bɔlen lɛa, ma bin bɛ kɔn zɛ̀rɛ baa má pɛ nɛ máa wàa na á baa kion dɔ ka da kaka gɔn nɛ á kɔ masɛ la wa.»

Kiin1 14:7

Woo, n pɛ Zeroboamu ni, mà Izirayeli a Lawa, Dɛnaa Lawa n kɛ pii: «Masɛ n má n bɔ maa zaman bii má n koa Izirayeli a zaman a kii lɛa.

Kiin1 3:9

Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»

Loen 78:71

á bɔ sèren kio á daa nɛ. Á baa a din a minin kɛn lɛduə̃li lɛa, á baa Izirayeli-lɛduə̃li lɛa.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 55:4

Á ke, man má n baa maa siére lɛa tɔrɔn bii, má n baa kiã lɛa zaman mìi la.

Zeremii 3:15

Lɛduə̃lin mɛnɛn bɛ́ ma dùũ lɛa, ma á re bɛn koe ka la. Ǹ tá re ka nyɛɛnaan boe ka yiridɛnaabaa laanka sii-doɛ̃ nɛ.»

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Minin nimi 27:17

min mɛn nə́ ke die boe la a zaman lɛ nyɛɛnaan bɔ ka a sii yii ni, ń giɛ zaman lɛ baran n baa ka tɔɔn mɛnɛn bɛ́ ǹ lɛduə̃ wole ná a banban wa.»

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Zaã a sɛ́wɔ 10:4

Bɛ̀ á soo ka ǹ tumaa nɛ ǹ mɛn waáraa, a n miɛ ǹ nyɛɛnɛ, ǹ dɔn man koe a kio lɛ, a giala, ǹ tá a lɛn doɛ̃.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 16:13

Samayeli nyɔɔ lɛ saa màn bɛn lɛ nɛ á lɔ a ganaa ǹ golon lɛn yɔrɔ-a. Dɛnaa Lawa yiri gisĩ Davida la. A kũ bɛa pinaa kɛ lɛ ganaa, a na á goã Davida la miɛ̃. Bɛ kio, Samayeli zii saa á woo Ramaa.

Samayeli1 18:13

Sayulu Davida baa sɔraasi duu goon a goledɛnaa lɛa, á zɔ̃, á bɔ a din ganaa. Davida na á goã miɛ zaman lɛ nyɛɛnɛ, bɛ̀ a wo zia la, a n bɔyaa.