KZS1 10:13 - LAWA A BOO SONBORE

^13-14 Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

LAWA A BOO SONBORE 2011

^13-14 Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

KZS1 10:13 ပူးပေါင်းရင်းမြစ်များ

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Bɔ bɛ̀rɛbaa nɛ 22:18

«Bɛ̀ min mɛn waa kun ka tɔɔ nɛ, ǹ bɛ dɛ a gã.

Suusun 2:22

Sɛnɛ, min bɔnɛɛn kɛn bɛn tá re woe, min mɛnɛn bɛ́ ǹ ba pepere wa ǹ tá re bɛn lui, ǹ nə ǹ bɔ gána lɛ nɛ.

Izayii 19:3

Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Lawa a wúlu-bɔlen 19:31

Ka baran boobaa ǹ sii zɛnaa wa, ka baran wo kaa sii ni boon kion wa. Bɛ̀ ka bɛ zɛnaa, bɛ lɛ n *gɔ̀ diɛ ka ganaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.

Samayeli1 15:2

Dɛnaa Lawa Pàãyiidɛnaa n boo diɛ kɛnɛn: «Amalɛki tɔrɔn nə màn mɛn zɛnaa Izirayeli minin man ke, ma ba re ǹ toɛ ka bɛ-n wa. A giala Izirayeli minin bɛ́ ǹ nə́ soo Ezipti gána nɛ, ǹ nə́ zii saa, Amalɛki tɔrɔn lɛn man nə́ yoo ǹ nə́ n kerekaã ǹ zii la.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 28:6

Sayulu nɔ̀n da Dɛnaa Lawa la, sɛnɛ, Dɛnaa Lawa na a lɛ si wa. A na a lɛ si ka narɛ-n wa, a na a lɛ si ka buun diɛ-n wa, a boo kɔn dɔ da a boo gii-dalin manɛ mà ǹ pɛ-n wa.