KZS1 1:14 - LAWA A BOO SONBORE

¹⁴ Zebuzu minin ni, Amɔɔrɔ minin ni, Girgazi wɔn nɛ,

LAWA A BOO SONBORE 2011

¹⁴ Zebuzu minin ni, Amɔɔrɔ minin ni, Girgazi wɔn nɛ,

KZS1 1:14 ပူးပေါင်းရင်းမြစ်များ

Siin Giala 10:16

Zebuzu minin ni, Amɔɔrɔ minin ni, Girgazi wɔn nɛ,

Siin Giala 15:21

Amɔɔrɔ tɔrɔn nɛ, Kanaan minin ni, Girgazi tɔrɔn nɛ, ka Zebuzu tɔrɔn nɛ.»

Siin Giala 48:22

Man die Sisɛmu kiwi kɛ koe n la, n da n bǎã gii li, n wɔ la n dɔɔ̃nɔn lɛn wɔ nɛ. Man má zia baa Amɔɔrɔ tɔrɔn ganaa, ka gɔya sa laanka sa nɛ, má bɛa bǎã lɛ si ǹ la ka pàã nɛ.»

Samayeli2 21:2

Kii Gabawɔ̃ minin lɛn bii á boo da ǹ nɛ. Gabawɔ̃ minin lɛn bie Izirayeli tɔrɔn lɛa wa. Sɛnɛ, Amɔɔrɔ tɔrɔn kɛn gialakunun manɛ. Izirayeli minin lɛn man nə́ goã ǹ nə́ n lɛ kɔ ǹ la, mà ǹsɛn tá re ǹ tamaɛ, mà ǹsɛn ba re ǹ dii wa. Sayulu sɛ na á n tã bɛ lɛ yii la, á goã giɛ ǹ li ǹ dii. A giala, a na á goã yɔ boe Parsiini, Izirayeli minin lɛn laanka Zudaa minin lɛn sii a wo nyɛɛnɛ a lɛa.

Samayeli2 24:16

Lon a dia dí-a wole nə́ n gɔn saa á dia Zeruzalɛmu la, mà a n die basaã koe ne. Dɛnaa Lawa bɛ́ a ba li doo a bɛa basaã lɛ kɔ a wo-n nyɛɛn wa, á tɔ́n pɛ lon a dia dí-a wole lɛ nɛ basaã koe zaman lɛ bii: «Kɛ á boe! Kanna kəni, wusoo ka n gɔn nɛ.» Bɛa biikoo li bɛ̀ Dɛnaa Lawa a dia dí-a wole lɛ n golee ne kunu Zebuzun giĩ Arabunaa kɛa *belee duwəə ǹ bǎã kɛ li.

Kiin2 21:11

– Zudaa gána a kii Manaasee sii bɔbɔnɛɛn zɛnaa. Á sii baraa zɛnaa á la Amɔɔrɔ tɔrɔn sii baraan kɛn tumaa nɛ, ǹ nə́ zɛnaa a nyɛɛnɛ lɛlɛ. Á Zudaa minin dɔn kaa sii baraa zɛnaa ganaa ka ǹ dìn ni,

KZS1 1:13

Kanaan na á Sidɔn yɛ a nɛ bibinaa lɛa, bɛ kio Ɛti.

KZS1 1:15

Ivii kiwi wɔn nɛ, Arkii wɔn nɛ, Sini wɔn nɛ,

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Bɔ bɛ̀rɛbaa nɛ 34:11

«Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

Amɔɔsi 2:9

A da yaa, masɛ din nə má Amɔɔrɔ tɔrɔn kɛn dɛ má ǹ bɔ ǹ nyɛɛnɛ. Bɛa minin kɛn lɛn man sɔsɔrɔ ka da sasa tɔrɔ nɛ, maǹ gegere ka da kaka tɔrɔ nɛ. Sɛnɛ, má ǹ nɛ sɔlɔ má bɔ ǹ la, má ǹ gòonən woɛ̃ má ǹ bɔ tán.

Zakarii 9:7

Siĩ gɔ̀dɛnaa ke ǹ lɛ-n, ma á re bɛ boe ma bɔ a nɛ. Mà bɔbɔnɛɛ ke a ganaa, ma á re bɛ pii ma bɔ a ganaa. Min mɛnɛn yii bɛ́ re goɛ̃ koo ǹ bii, bɛn tá re maa wɔn biɛ ka Zudaa a kiã bɛ́ lɔn, Ekrɔn minin tá re goɛ̃ ka Zebuzu tɔrɔn bɛ́ lɔn.

Timəə dí-pɛn 20:17

Ɛti tɔrɔn kɛn, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, tɔrɔn kɛn ǹ nə́ bíi Evitin, Zebuzu tɔrɔn nɛ, ka die ka bɛn tumaa dɛ lenlen, ka kaa Lawa, Dɛnaa Lawa á ke á pɛ ka-n lɔn.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Sii yɔrɔ-bɔlen 1:21

Zebuzu tɔrɔn kɛn, ǹ nə́ goã giã-n Zeruzalɛmu, Bɛnzamɛn tɔrɔn lɛn nə bɛn loo wa. Zebuzu tɔrɔn tɛnɛn nə́ giã kun ka Bɛnzamɛn tɔrɔn nɛ Zeruzalɛmu yǎa á daa kaa pelo lɛ.

Sii yɔrɔ-bɔlen 19:11

Ǹ bɛ́ dirii Zebuzu kiwi la, bɛ̀ wasa mɛ taãn-taãnɛ. Dí-nyali lɛ tɔ́n pɛ a dɛnaagiĩ-n kɛnɛn: «Zebuzu minin kiwi á ke. Daa wɔ wo waa walan.»