Korɛnti2 9:13 - LAWA A BOO SONBORE

¹³ Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

LAWA A BOO SONBORE 2011

¹³ Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Korɛnti2 9:13 ပူးပေါင်းရင်းမြစ်များ

Loen 50:23

Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Matiə 9:8

Zaman lɛ bɛ́ á bɛ yɛ lɔn, nyɛ́ɛ nə́ ǹ kũ parsiini. Ǹ nə́ goã Lawa guguru koe, bɛ miã pàã kɛ lɛ a kɔ minbuiinin la taman yii.

Luku 6:46

Yezu pɛ: – Bɛ̀ ka a masɛ Di Lawa a boo sii ka n zɛnɛɛ wa, wàa mɛn là na a nɛ ka nə n lɛ paparɛ koe masɛ tɔ li, mà «Dɛnaa, Dɛnaa»?

Zaã a sɛ́wɔ 15:8

Bɛ̀ ka á sii gigiã zɛnɛɛ, ka n nyɛɛ mà ka n masɛ a kialandɛnan lɛa, bɛ lɛ n maa Díi tɔ guguru koe.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 4:21

Ǹ nə́ wusoo doo ǹ nə́ n gòon pepere ǹ yii li, ǹ nə́ ǹ kaa. Ǹ dɔlɔ da ǹ mìi ni ǹ gòã kɔ́n yɛ wa. Ǹ nə́ nyɛ́ɛ baa zaman lɛ nɛ, a giala min tumaa na á goã Lawa tɔ boe sii kɛ a zɛnaa taman yii.

Rɔmu minin 10:16

Sɛnɛ, min tumaa golee Boo Tii Kɔɔ̃n lɛ li wa. Sonbore, Izayii pɛ bɛ wɔ gɔn la: «Dɛnaa, die na á golee wɔsɛn boo diɛ li?»

Rɔmu minin 12:8

Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.

Rɔmu minin 15:31

màn mɛn bɛ́ toɛ, Lawa ma kanbaa Zudee gána a Lawa-doɛ̃ baãnaan kɛn ganaa. Màn mɛn bɛ́ toɛ dɔn, ma bɛ́ woe ka dɔmalɛ mɛn nɛ Zeruzalɛmu, Lawa a minin kɛn nə lɛ kɔ bɛ ganaa ka foo kɔɔ̃n nɛ.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Korɛnti2 10:5

Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

Korɛnti2 2:12

Má dɔ Troasi kiwi kəni, má n die Krita a Boo Tii Kɔɔ̃n kɛ laakalɛɛ walan. Dɛnaa din zii bũ ma nɛ foaãnɛ.

Korɛnti2 8:4

Ǹ nə́ ma nyankɔ ka ǹ parsii ni, mà ma lɛ kɔ ma n gii kaa kun ka ǹsɛn nɛ, ǹ boo la, ǹ nə ǹ dɔmalɛ kɛ dia Zudee gána a Lawa a minin la.

Korɛnti2 9:14

Ǹ tá re Lawa nyankoe ka a lɛa, ǹ nə ǹ kɔn-narɛɛ nyaa ka nɛ. A giala, Lawa bǐɛ̃ gole gole baa ka nɛ.

Galaasi minin 1:24

Ǹ nə́ goã Lawa tɔ gole koe masɛ a lɛa.

Timote1 6:12

N doa n yɔ bɔ sɔnbɔraanɛ goleemali lɛ a lɛa, n nyin nyabaã yɛ. A giala, Lawa na á n bíi bɛ lɛ taman yii, ka n din bɛ́ n nyaa, n goleemali boo pɛ sonbore lɛ-n lɔn, siére gigiã yɔrɔ-a.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.

Ebrəə 10:23

Wɔ baran talaa wa, wɔ bɛ́ pii wáa wɔ́ lɛ kɔ foo-doa mɛn ganaa, ka daa wɔ wo nyɛɛn bɛ gɔ́ɔ̃ nɛ, a giala, Lawa mɛn nə n lɛ kɔ, bɛ á bɔlɔgoondɛnaa lɛa.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Uruti 2:19

Ǹ zuũ dan lɛ nɔ̀n da la: «Ma nə n ɔrzi bún bɔ maa pelo? Ma nə n dí nya maa? Min mɛn bǐɛ̃ kɔ n ganaa, Lawa die a barka da bɛa dɛnaa ganaa.» Uruti dí nya min mɛn lon, a ná a laakalaa ǹ zuũ dan lɛ nɛ, á pɛ nɛ: «Ma dí nya min mɛn lon pelo, a tɔ n Boazi.»