Korɛnti2 8:19 - LAWA A BOO SONBORE

¹⁹ Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.

LAWA A BOO SONBORE 2011

¹⁹ Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.

Korɛnti2 8:19 ပူးပေါင်းရင်းမြစ်များ

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Nya ǹ dín 15:22

Dia dí-a wolen lɛn laanka nyɛɛnaandɛnan lɛn nə́ kɔnwɔ ma ka Lawa a sɔmɔ minin lɛn nɛ, ǹ nə́ golee li, ǹ nə́ minin bɔ ǹ dinin bii, ǹ nə́ ǹ dia Antiɔsi kiwi, kun ka Pooli ni ka Barnabaasi ni. Bɛa minin lɛn, Zudaasi ni, ǹ nə́ bíi Barsabaasi, ka Silaasi ni, min yii guguru-an manɛ ǹ dɔɔ̃nɔn bii.

Nya ǹ dín 15:25

Wɔ́ golee li kun, wɔ́ minin bɔ wɔ́ á ǹ diɛ ka li. Ǹ tá die kun ka wɔ dɔɔ̃nɔn kɛn nɛ, Barnabaasi-n ka Pooli ni,

Nya ǹ dín 19:22

A ná a dí nya kun wole min paa dia Masedoanɛ gána nɛ, Timote laanka Erasti ni, bɛ̀ a dinmaa á tɔn Azii gána-n bɔrɔ.

Nya ǹ dín 19:29

Kiwi lɛ a zaman tumaa nə́ n lɔlɔkɔn, ǹ nə́ yoo kun ǹ nə́ woo lɛsɔkɔn bǎã lɛ nɛ. Ǹ bɛ́ woe, Pooli a zii tɔ-wɔ kun wolen mɛnɛn bɛ́ Masedoanɛ kiwi minin lɛa, Gayusu laanka Aristarki ni, ǹ nə́ bɛn kũ.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Rɔmu minin 5:3

Haalɛ ta wɔ n fuu yii, wɔ nə n nyɛnyɛɛ. A giala, wɔ á doɛ̃ wáa bɛ̀ wɔ á fuu yii, bɛ n wɔ darɛɛ sii simaa ganaa.

Korɛnti2 4:15

Sii mɛn tumaa bɛ́ ma yii maa tá kanaa gɔ́ɔ̃ nɛ, ka dinin lɛa nɛ; bɛ lɛ n toɛ, Lawa a bǐɛ̃baa á doe min gigiã ganaa, ń giɛ min damata á boe la, ǹ barka da Lawa nɛ, Lawa a tɔ golebaa a lɛa.

Korɛnti2 8:11

Kanna kəni, ka dí kɛ nya ka nyɔmɔɔ. Ka bɔ ka yiri-n ka sonborebaa mɛn nɛ, ka wo-n miɛ̃, ka zɛnaa ka pàã yii li.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Korɛnti2 8:20

Wɔsɛn mɛnɛn bɛ́ bɛa wɔrɔ gole kɛ a tamaalin lɛa, wɔ ǹ yiri boe wɔ dinin li, wáa wɔ nyan tɔ pɔpɔsiɛ kɔ́n yɛ a gɔ́ɔ̃-n wa.

Korɛnti2 9:2

Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

Korɛnti2 9:8

Pàã tá Lawa lon, á boe la a toa ka bǐɛ̃ tɔrɔ gigiã yɛ, ń giɛ ka á boe la ka n laadoo màn tumaa yɛ, ka a laman yɛ, ka bǐɛ̃baa ǹ dí sonbore tumaa nya nɛ.