Korɛnti2 8:12 - LAWA A BOO SONBORE

¹² A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

LAWA A BOO SONBORE 2011

¹² A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Korɛnti2 8:12 ပူးပေါင်းရင်းမြစ်များ

KZS2 6:8

Sɛnɛ Dɛnaa Lawa na á pɛ ma di Davida-n kɛnɛn: «Ma n giɛ li mà n Lawa a kion dɔ masɛ wɔ lɛa, á yiri sonbore lɛa parasiini.

Bɔ bɛ̀rɛbaa nɛ 25:2

«A pɛ Izirayeli nɛnyaanan manɛ ǹ mànan bobo masɛ Lawa wɔ lɛa. Min mɛnɛn tumaa bɛ́ boe la, ǹ bɛa sii kɛ lɛ zɛnaa ka foo sonbore ne, ka màn si bɛn la.

Bɔ bɛ̀rɛbaa nɛ 35:24

Min mɛn wɔrɔgiala hinlaa zan tã bɔ, bɛa dɛnaa daa ka bɛ nɛ, á kɔ Dɛnaa la. Kaasia gɔn goã min mɛn lon, bɛa dɛnaa daa ka bɛ nɛ, dín kɛn lɛn tumaa a lɛa.

Bɔ bɛ̀rɛbaa nɛ 35:29

Giĩn ni ka lɔn nɛ, Izirayeli minin mɛnɛn foo bɛ́ kɔɔ̃n ka mànan kɛn kɔ nɛ, dí lɛ a nya ǹ mànan lɛa, Dɛnaa nə́ ǹ pɛ Muizu ni, bɛn man nə́ goã die mànan koe Dɛnaa la ka nyɛnyɛɛ nɛ.

Bɔ bɛ̀rɛbaa nɛ 35:5

«Ka màn bɔ ka gɔn màn nɛ, ka kɔ Dɛnaa la. Ka bɛ zɛnaa ka dinin bii, ka bɛa màn lɛ bɔ ka foo kɔɔ̃n nɛ, ka kɔ Dɛnaa la: ta sana nɛ, ka wɔrɔ nɛ, ka zan tã nɛ.

Suusun 19:22

N bɛ́ zoɛ̃ li mà n min goã ka yɔrɔ mɛn nɛ, bɛ n ka sonborebaa nɛ. Doobaa á soɛ soɛ-bɔli ni.

Matiə 25:17

A sana kuturu paa kɔ min mɛn la, bɛ dɔ́ woo pii kɔ ka a wɔ-n miɛ̃, á sana kuturu paa kɔsɔ yɛ á tí a ganaa.

Matiə 25:22

Bɛ kio, sana kuturu paa dɔ min mɛn ganaa, bɛ nə́ n zɔ̃ á dɔ á pɛ: «Mìinaa, ń sana kuturu paa kɔ masɛ la. Ma á ke má sana kuturu paa kɔsɔ yɛ.»

Luku 16:10

«Bɛ̀ min mɛn tá foo doa ǹ min lɛa sii boɛɛn gɔ́ɔ̃ nɛ, bɛa dɛnaa n foo doa ǹ min biɛ sii gole dɔ gɔ́ɔ̃ nɛ. Bɛ̀ min mɛn ba foo doa ǹ min lɛa sii boɛɛn gɔ́ɔ̃-n wa, Ǹ dɛnaa ba foo doa ǹ min biɛ sii gole dɔ-n wa.

Korɛnti2 8:11

Kanna kəni, ka dí kɛ nya ka nyɔmɔɔ. Ka bɔ ka yiri-n ka sonborebaa mɛn nɛ, ka wo-n miɛ̃, ka zɛnaa ka pàã yii li.

Korɛnti2 8:13

Ka laadoo bɛ́ màn mɛn ganaa, ǹ bie pii mà ka n dɔ ka miã kɔsɔn lɛ ka bɛ-n wa, sɛnɛ, ka toa a zɛnɛ kɔn lɛ.

Korɛnti2 8:19

Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.

Korɛnti2 9:7

Didie tumaa lɛ kɔ lɔn, a màn kɔ a kɔnpɛ bɛ nɛ. A kɔ bɔ a din ni, a nyan pàã baa wa. A giala, bɛ̀ min màn kɔ ka foo kɔɔ̃n nɛ, Lawa n bɛa dɛnaa narɛ.

Piɛrɛ1 4:10

Lawa bǐɛ̃baa ǹ màn tɔtɔ mɛn kɔ ka gogoonmaa la, didie nə n doa a n dɔ ǹ miãn lɛ ka a wɔ nɛ, ka goã dí sonboren nyalin lɛa ka Lawa a bǐɛ̃baa ǹ màn tɔtɔ lɛ nɛ.