Korɛnti2 8:10 - LAWA A BOO SONBORE

¹⁰ Man maa taasiɛ nyɛɛ ka nɛ bɛa sii kɛ lɛ gɔ́ɔ̃ nɛ: Ka dí mɛn giala kɔ diɛ̃, a n siĩn ka kɔ bɛ lɛ. Ka dinin man ká bɛa dí kɛ lɛ bɔ bibinaanɛ, ka goã bɛ li wa, ká a sii zɛnaa dɔ giala kɔ.

LAWA A BOO SONBORE 2011

¹⁰ Man maa taasiɛ nyɛɛ ka nɛ bɛa sii kɛ lɛ gɔ́ɔ̃ nɛ: Ka dí mɛn giala kɔ diɛ̃, a n siĩn ka kɔ bɛ lɛ. Ka dinin man ká bɛa dí kɛ lɛ bɔ bibinaanɛ, ka goã bɛ li wa, ká a sii zɛnaa dɔ giala kɔ.

Korɛnti2 8:10 ပူးပေါင်းရင်းမြစ်များ

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Matiə 10:42

Masɛ n pii ka nɛ, sonbore, bɛ̀ min mɛn nə́ mu nyantoto kɔ masɛ a kialandɛnan kɛn kiɛɛrɛdɛnaa mɛn la á mi, masɛ a kialandɛnaabaa lɛ taman yii, haalɛ ta paan yii goon ne, bɛa dɛnaa á die a saraa yii.

Zaã a sɛ́wɔ 11:50

Mà ǹ ba doɛ̃ dɔn dinin mà á soɛ ǹ ganaa, min goon nə gã min tumaa a lɛa, màn mɛn bɛ́ toɛ, ǹsɛn tɔrɔ tumaa baran bɔ̀n baa wa?

Zaã a sɛ́wɔ 16:7

Bɛ din tumaa kio, man taãn pii ka nɛ: Maa woo á soɛ ka ganaa. A giala, bɛ̀ ma woo wa, Dɔmalɛ Wole lɛ a die ka li wa. Sɛnɛ, bɛ̀ má woo, ma á die diɛ ka la.

Zaã a sɛ́wɔ 18:14

A din Kayifu lɛ na á pɛ Zuifun pàãdɛnan manɛ mà á soɛ ǹ ganaa, min goon gã min tumaa a lɛa.

Korɛnti1 10:23

Min tɛnɛn man pii: «Ǹ nə́ lɛ kɔ wɔ la ka màn tumaa nɛ.» Hiĩ, sɛnɛ, màn tumaa ba siĩn wa. «Ǹ nə́ lɛ kɔ wɔ la ka màn tumaa nɛ.» Sɛnɛ, màn tumaa là ba ka dɔɔ̃n kɔsɔn kɛn ganaa wa.

Korɛnti1 16:2

Didie tumaa bɛ́ wɔrɔ mɛn yii, a kɔnpɛ ka a din pàã yii ni, dimaasi gogoon tumaa li, á boe la a bɛ koa a din li, bɛ̀ ma baa die. Ka zɛnaa miɛ̃, màn mɛn bɛ́ toɛ, ka nyan nə n yii da maa daa la ka tɔn bobo wa.

Korɛnti1 6:12

Kaa min tɛnɛn man pii: «Ǹ nə́ sii tumaa lɛ kɔ ma la.» Hiĩ, sɛnɛ, sii tumaa a zɛnaa a siĩ-n min ganaa wa. Ma á boe la má pɛ: máa «Ǹ nə́ sii tumaa lɛ kɔ ma la.» Sɛnɛ, ma a re toɛ ma màn kɔ́n a bɛ̀rɛ baa wa.

Korɛnti1 7:25

Min mɛnɛn bɛ́ ǹ tɔn kɔn wɔ wa, Dɛnaa a boo nyaǹ zii ba ma gɔn ǹ wɔ paǹ li wa. Sɛnɛ, ma din yiri boo n ke, ma á pii. Dɛnaa bǐɛ̃ mɛn baa ma la, bɛ á toɛ min waa ma la.

Korɛnti1 7:40

Bɛ̀ á goã a ná a kɔn wɔ wa, masɛ yii li, a là nyantoro á gole ka bɛ nɛ. Maa taasiɛ n ka bɛ nɛ, a tá ma yiri ni, máa Lawa a Yiri Fu tá ma li.

Korɛnti2 12:1

Á kɔnboe man din kalaa, a laanɛ a siĩn wa. Sɛnɛ, Dɛnaa toa ma siin mɛnɛn yɛ, man die bɛn boo diɛ kanna.

Korɛnti2 8:6

Bɛ lɛ na á toa, má Tiiti nyankɔ parsiini má dia ka li, máa a bǐɛ̃baa ǹ dí mɛn giala kɔ, a bɛ lɛ nya a nyɔmɔɔ sɔnbɔraanɛ, ka a bɛ́ a ná a giala kɔ lɔn.

Korɛnti2 8:8

Pàã bie ma á nyɛɛ ka-n wa. Sɛnɛ, man ka miãn din kɔ sii ganaa kɛ pii ka nɛ, máa ka dɔn nə kaa kɔn-narɛɛ kɛ a taãnbaa nyaa.

Korɛnti2 9:2

Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.