Korɛnti2 6:9 - LAWA A BOO SONBORE

⁹ Ka manə ǹ ba ma doɛ̃ wa, a da yaa ǹ tumaa dɔ n ma doɛ̃. Ka gere n ma nɛ, a da yaa ma yii dɔ n koo, ka ka yii bɛ́ a ganaa lɔn. Maǹ dɔlɔ boe ma ganaa, ǹ nə́ ǹ ba toɛ ma gã dɔn wa.

LAWA A BOO SONBORE 2011

⁹ Ka manə ǹ ba ma doɛ̃ wa, a da yaa ǹ tumaa dɔ n ma doɛ̃. Ka gere n ma nɛ, a da yaa ma yii dɔ n koo, ka ka yii bɛ́ a ganaa lɔn. Maǹ dɔlɔ boe ma ganaa, ǹ nə́ ǹ ba toɛ ma gã dɔn wa.

Korɛnti2 6:9 ပူးပေါင်းရင်းမြစ်များ

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 19:26

Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa.

Nya ǹ dín 25:19

Liere kooron man nə́ goã ǹ bii ni ǹ Lawa a zii wɔ gɔn la, ka giĩ kɔ́n dɔ nɛ a tɔ n Yezu, min mɛn bɛ́ á gã dinin, sɛnɛ, Pooli sɛ mà a yii á koo.

Nya ǹ dín 25:26

Ma bɛ́ re màn mɛn kiɛ̃ taãn-taãnɛ, ma dia kii gole gole lɛ la giĩ lɛ wɔ gɔn la, ma yii bɛ́ a ba bɛ ganaa wa, bɛ lɛ nɛ ma daa nɛ ka tumaa yɔrɔ-a, sanparɛ nsɛ kii Agripaa, màn mɛn bɛ́ toɛ, lɛsɔkɔn kɛ kio, ma màn kɔ́n yɛ ma kiɛ̃ giĩ lɛ wɔ gɔn la, ma dia kii gole gole lɛ la.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Rɔmu minin 8:36

A tá kiɛ̃ nɛ Lawa a boo ne kɛnɛn: «A din a lɛa, maǹ wɔ dii lɛawaa tumu gɔ́ɔ̃ nɛ. Maǹ giɛ wɔ ganaa tɔɔn lɛa, ǹ nə́ woe màn mɛnɛn bɔlɔ kuri.»

Korɛnti1 11:32

Sɛnɛ, Dɛnaa n kiri we wɔ ganaa, á n wɔ doree, ń giɛ dɔlɔ nyan wɔ kũ kun ka kanaa kɛ a minin ni wa.

Korɛnti1 15:31

Ma dɔɔ̃nɔn lɛn, baraanɛ, gɛ̀ n ma lɛnpɛnɛ. Man bɛ pii ka-n sonbore maa din kalaa lɛa, kaa tá kun ka wɔa Dɛnaa Yezu Krita-n kɛ taman yii.

Korɛnti1 4:9

A tá ma yiri ni, máa wɔsɛn mɛnɛn bɛ́ Yezu a dia dí-a wolen lɛa, Lawa na á bǎã tumaa a giala-nyɔmɔɔ kɔ wɔsɛn la. Wɔ n ka kiri bɛ́ á min mɛnɛn kũ, ǹ nə́ die ǹ dii zaman tumaa yɔrɔ-a. Á wɔ baa gayon wɔ ǹ mànan lɛa kanaa tumaa yɔrɔ-a, lon a dia dí-a wolen ne ka minbuiinin ni.

Korɛnti2 11:6

Ma a boo diɛ doɛ̃ wa, bɛ á taãn biɛ. Sɛnɛ, màn-doɛ̃ wɔ paǹ li, màn kɔ́n ma nyaabaa wa. Ma bɛ sɛ nyaa ka-n foaãnɛ biikoo tumaa li, sii tumaa gɔ́ɔ̃ nɛ.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Korɛnti2 5:11

Ma bɛ́ nyɛ́ɛ baa Dɛnaa-n giala doɛ̃, bɛ lɛ-n ma á n doɛ máa minbuiin tumaa dɔ̃. Lawa á ma doɛ̃ ka peren-peren. Ma á taasɛ máa ka dɔn dinin gɔ́ɔ̃ nɛ, ka á masɛ doɛ̃ miɛ̃ peren-peren.