Korɛnti2 5:18 - LAWA A BOO SONBORE

¹⁸ Bɛa sii kɛ tumaa n boe Lawa li, asɛ mɛn bɛ́ á wɔ kaa kun ka a din ni Krita pàã ganaa, á dí kɔ wɔ la, mà wɔ wɔ miãn kɔsɔn dɔn kaa kun ka asɛ nɛ.

LAWA A BOO SONBORE 2011

¹⁸ Bɛa sii kɛ tumaa n boe Lawa li, asɛ mɛn bɛ́ á wɔ kaa kun ka a din ni Krita pàã ganaa, á dí kɔ wɔ la, mà wɔ wɔ miãn kɔsɔn dɔn kaa kun ka asɛ nɛ.

Korɛnti2 5:18 ပူးပေါင်းရင်းမြစ်များ

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 57:19

Ma á re foo kɔɔ̃nbaa ǹ loe we ǹ lɛ-n. Min mɛnɛn wɔlɔ bɛ́ sɔsɔɔ, ka min mɛnɛn wɔlɔ bɛ́ kunu foɛɛ̃ nɛ, yii-nyɛɛ n bɛn wɔ lɛa. Hiĩ, man die maa zaman lɛ kaka koe. Dɛnaa Lawa mà miɛ̃!

Ezekieli 45:15

Izirayeli tɔrɔn lɛn tɔɔn bii, sère hinlaa bòe biɛpaa (200) bii, ka goon bɔ, ka bɛ baa Lawa gɔ ǹ màn lɛa, hinlaa *wúlu màn tiɛ̃ lɛa, hinlaa zɔ́ɔ da Lawa nɛ ǹ wúlu màn lɛa, màn mɛn bɛ́ toɛ, Lawa zaman lɛ a sii baraan toa ǹ nɛ. Ma din Dɛnaa Lawa a da ǹ boo ne.

Luku 10:5

«Bɛ̀ ka wɔ kion woo kion ne, ka pɛ bɔrɔ mà kasɛn tá fòo diɛ kion lɛ a minin manɛ, mà Lawa là nyantoro kɔ ǹ la.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Zaã a sɛ́wɔ 3:27

ZAÃ tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

Nya ǹ dín 10:36

Lawa boo mɛn dia Izirayeli minin la, ǹ tá bɛa Boo Tii Kɔɔ̃n kɛ doɛ̃. Lawa na á bǐɛ̃ wɔ a din laanka minbuiinin bii ni, ka Yezu barka nɛ, Yezu mɛn bɛ́ minbuiin tumaa a Dɛnaa lɛa.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 11:12

A giala, ta maǹ nə́ lɔ bɔ giĩ ni ǹ nə́ zɛnaa, giĩ dɔ n yii lɔ la, sɛnɛ, ǹ tumaa n boe Lawa li.

Korɛnti1 12:6

Dí nya ǹ gɔnɔn tá totoro, sɛnɛ, a din Lawa goon ne pàã koe wɔ tumaa la, wɔ á sii tumaa zɛnɛɛ nɛ.

Korɛnti1 3:5

Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Kolɔɔsi minin 1:22

Sɛnɛ kanna, a Nɛgiĩ a gɛ̀ ke, á wɔ ka minbuiin nɛ bɛ́ lɔn, bɛ barka nɛ, Lawa ka baa a din a giaáran lɛa, ka boo la ka soo a din yɔrɔ-a, ka a din a tɔrɔ minin bɛ́ lɔn, *gɔ̀ ná a ba ka ganaa wa, zɛ̀rɛ dɔ ná a ba ka ganaa wa.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Zaã1 4:10

Minin-narɛɛ lɛ n ka kɛ nɛ: a bie ka wɔsɛn man wɔ́ Lawa narɛ wa, sɛnɛ, asɛ na á wɔsɛn narɛ, a ná a Nɛgiĩ dia, wɔa sii baraan sawaa ǹ wúlu màn lɛa.