Korɛnti2 5:14 - LAWA A BOO SONBORE

¹⁴ A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

LAWA A BOO SONBORE 2011

¹⁴ A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

Korɛnti2 5:14 ပူးပေါင်းရင်းမြစ်များ

KZS1 11:18

Yǎa zia-baali babaraa sɔɔ lɛ tɔ́n wo kiɛ̃ Filisiti minin giã ǹ bǎã lɛ nɛ ka pàã nɛ. Tù mɛn lɛ bɛ́ Bɛtlehɛmu kiwi a kiɛnlɛ-a, ǹ nə́ woo bɛ lɛ a mu si ǹ nə́ daa kɔ Davida la. Sɛnɛ, Davida lɛ kɔ á mu lɛ mi wa, á kaa tán á Dɛnaa Lawa gɔ nɛ.

Zɔbu 32:18

A giala, boo gigiã tá masɛ lɛ-n ma da. Á ke, ma gɔ́ɔ̃ din nə pipi.

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Luku 15:24

A giala a n goon ka maa nɛ kɛ na á gã, a yii wusoo á kaa. A na á papaã, á wusoo á yɛ.» Ǹ nə́ yoo ǹ tá zɔ́n zɛnɛɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Luku 24:29

Ǹ ná a nyankɔ mà a golee kunun ǹsɛn nɛ, a giala biikoo kiɛ̃, wasa mɛ á nya. Á lɛ kɔ á golee á wɔ kion kunun ǹ ni.

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 11:25

Yezu tɔ́n pɛ nɛ: «Masɛ din nə geren yii-kaali lɛa, ma din nə yiikoonaabaa lɛa. Bɛ̀ min mɛn golee masɛ li, ta ǹ dɛnaa na á gã, a yii n tɔn koo;

Zaã a sɛ́wɔ 5:25

Man taãn pii ka nɛ, biikoo á die, á dɔ dinin, geren tá re masɛ Lawa a Nɛgiĩ lɛ miɛ, a ma-wolen tá re yiikoonaabaa yii.

Nya ǹ dín 18:5

Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Rɔmu minin 2:2

Wɔ́ dɔ̃ mà min mɛnɛn bɛ́ bɛa siin kɛn zɛnɛɛ, mà á pepere, Lawa kiri kuru ǹ la.

Rɔmu minin 5:15

Sɛnɛ, Aadã laanka bɛa min kɛ lɛ ba goon yɔrɔ tumaa la wa. A giala, Lawa bǐɛ̃baa ǹ màn mɛn kɔ wɔ la kooro ke, bɛ á tɔtɔ ka Aadã a sii baraa kɛ nɛ. Aadã goon toto kɛ a Lawa bɔlɔ-tii a lɛa nɛ, minbuiin tumaa á giɛ̃. Sɛnɛ, Yezu Krita goon toto kɛ dɔ barka nɛ, Lawa bǐɛ̃ zɛnaa wɔsɛn tumaa nɛ á la yii ni.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Rɔmu minin 6:6

Ka daa wɔ kɛ giala ma sɔnbɔraanɛ: Wɔa tɔ wɔ ǹ gɔn zizi lɛ na á gã kun ka Krita nɛ dere ǹ gɔn ganaa. Wɔa sii baraa zɛnaa ǹ dùũ lɛ gã. Bɛ lɛ nɛ, wɔ a boe la wɔ n baa sii baraa a bɛ̀rɛn lɛa doo wa.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti2 3:7

Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

Korɛnti2 3:9

Sonbore, dí mɛn bɛ́ toɛ kiri minbuiinin kũ Lawa yɔrɔ-a, gugurubaa yɛ bɛ nɛ. Dí mɛn bɛ́ minbuiinin biɛ min peperen lɛa Lawa yɔrɔ-a, gugurubaa ba re yii bɛa dí lɛ nɛ a la bɛ-n wa? Hiĩ, á yii a nɛ a la nɛ!

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Efɛɛzi minin 6:24

Min mɛn tumaa bɛ́ Dɛnaa Yezu Krita narɛ taãn-taãnɛ, Lawa a bǐɛ̃ die a dɔ bɛn tumaa ganaa.

Kolɔɔsi minin 2:13

Kasɛn mɛnɛn bɛ́ ká goã goon ka geren ne, kaa sii baraan laanka kaa soromabaa a lɛa, Lawa na á wusoo á ka yii kaa kun ka Krita lɛ din ni. Lawa lɛ na á wɔa sii baraan tumaa toa wɔ nɛ.

Kolɔɔsi minin 3:3

Sonbore, ka gã, kaa yiikoonaabaa lɛ n durii-n Lawa gɔn, ka Krita bɛ́ durii-n lɔn.

Timote1 2:6

Asɛ lɛ na á n din kɔ minbuiin tumaa nyin si ǹ giɔ̀mɔ lɛa. A na á bɛ zɛnaa á kɔnpɛ ka a biikoo ne.

Timote1 5:6

Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Zaã1 5:19

Wɔ á doɛ̃, wáa wɔ n Lawa wɔn lɛa, sɛnɛ, kanaa kɛ tumu n *Sɛtaan Baraa kɛ pàã giulun.