Korɛnti2 12:14 - LAWA A BOO SONBORE

¹⁴ Á ke ma á zoɛ̃ doo, ma da kaa piɛ ká a sɔɔbaa ǹ wɔ nɛ. Ma a re goɛ̃ guĩ lɛa ka mìi-n wa. Man giɛ ka dinin li, ma bie giɛ kaa wɔrɔ li wa. A taãnbaa li, nɛnyaanan bie giɛ wɔrɔ li ǹ nə ǹ díin laadoo zɛnaa-n ma, sɛnɛ, díin man giɛ li ǹ nə ǹ nɛnyaanan laadoo saa nɛ.

LAWA A BOO SONBORE 2011

¹⁴ Á ke ma á zoɛ̃ doo, ma da kaa piɛ ká a sɔɔbaa ǹ wɔ nɛ. Ma a re goɛ̃ guĩ lɛa ka mìi-n wa. Man giɛ ka dinin li, ma bie giɛ kaa wɔrɔ li wa. A taãnbaa li, nɛnyaanan bie giɛ wɔrɔ li ǹ nə ǹ díin laadoo zɛnaa-n ma, sɛnɛ, díin man giɛ li ǹ nə ǹ nɛnyaanan laadoo saa nɛ.

Korɛnti2 12:14 ပူးပေါင်းရင်းမြစ်များ

Suusun 11:30

Min pepere a nya ǹ dín man ka yiikoonaabaa ǹ da bɛ́ lɔn, Sii-dɔ̃li n yiikoonaabaa koe.

Suusun 13:22

Min mɛn bɛ́ sii bǐɛ̃ zɛnɛɛ, a n kíɛ̃ koɛ a nɔ̀ɔnɔn manɛ. Sɛnɛ, sii baraa-zɛnaali a naforo n sii sonbore-zɛnaalin wɔ lɛa.

Suusun 19:14

N tá boe la n kion laanka díin gɔn màn yɛ kíɛ̃ lɛa sɛnɛ, lɔ yiridɛnaa n Dɛnaa Lawa a bǐɛ̃ lɛa.

Ezekieli 34:2

– Minbuiin a nɛ, maa boo kɛ da Izirayeli zaman nyɛɛnaandɛnan kɛn wɔ paǹ li n pɛ ǹ nɛ, mà masɛ Dɛnaa Lawa a da ǹ boo á ke: «Izirayeli a zaman-lɛduə̃lin mɛnɛn bɛ́ giɛ ǹ dininsɔɔ̃nɔn walan, ǹ nə́ ǹ ba giɛ zaman kɛ walan wa, bɔ̀n nə bɛn wɔ lɛa!

Nya ǹ dín 20:33

Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa.

Korɛnti1 10:24

Min kɔ́n nyan toa a ga a dinsɔɔ̃ a bǐɛ̃ kɔ li wa, sɛnɛ, a ga ǹ miãn kɔsɔn dɔn wɔ li.

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 11:34

Bɛ̀ bòo tá min mɛn ganaa, a màn bii piɛ, ń giɛ kaa lɛsɔkɔn lɛ nyan nə n baa kaa dɔlɔ damala ǹ sii lɛa Lawa gunun wa. Sii gialakunun kɛn, bɛ̀ ma din daa biikoo mɛn li, ma á re bɛn yɔrɔ boe.

Korɛnti1 16:5

Ma á re woe boe ka Masedoanɛ gána nɛ, ma tɔn da ka li. Sonbore, ma á re bɛa gána kɛ wɔsɛ kɔn.

Korɛnti1 4:19

Sɛnɛ, bɛ̀ Dɛnaa lɛ kɔ, ma á re die ka li sisia, ma bie re bɛa din-koalin lɛn doɛ̃ ǹ boo-diɛ dinsɔɔ̃ li wa, sɛnɛ, ma á re ǹ doɛ̃ ǹ zɛnaa ǹ siin li!

Korɛnti1 9:12

Bɛ̀ min kɔsɔn tá bɛ miã yii ka li, wɔsɛn ba kɔnboe ne, a la bɛn wɔ-n ma? Sɛnɛ, wɔsɛn nə bɛa màn kɛ lɛ kɔ́n yɛ ka li wa. Wɔ n wɔ́ sii tumaa si wɔ ganaa dinin, ń giɛ wɔ bɛ́ Boo Tii Kɔɔ̃n zii mɛn nyɛɛ ka nɛ, á n *Krita wɔ lɛa, màn kɔ́n nyan ka kurəə bɛ ganaa wa.

Korɛnti1 9:18

Maa saraa n ka wàa-n kəni? Ma bɛ́ boe la, ma á Boo Tii Kɔɔ̃n kɛ laakalɛɛ ka-n kooro, maa saraa lɛ n bɛ nɛ. Ma gii bɛ́ ka màn mɛn nɛ, Boo Tii Kɔɔ̃n laakalaa kɛ a lɛa, ma nɔ̀n da bɛ li wa.

Korɛnti1 9:19

Hiĩ, man ma din gɔn wìi a lɛa, ma a min kɔn a bɛ̀rɛ lɛa wa. Sɛnɛ, má n din baa min tumaa a bɛ̀rɛ lɛa, màn mɛn bɛ́ toɛ, ma min gigiã yɛ.

Korɛnti2 1:15

Man má n foo doa ka ganaa taãn-taãnɛ. Bɛ lɛ-n má tɔ́n lɛ kɔ, máa bɛ̀ ma á woe Masedoanɛ gána nɛ, máa ma á re boe ka li, bɛ̀ má n bɔyaa doo, ma da golee ka li. Bɛ̀ a na á n baa miɛ̃, bɛ̀ a n die foo kɔɔ̃n kɔ biɛ ka ganaa gunyin paa. Ka bɛ nɛ, bɛ̀ ka n die n doe ma lɛ, ka maa Zudee zii tɔ-wɔ kɛ nɛ.

Korɛnti2 11:9

Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

Korɛnti2 12:13

Lawa a sɔmɔ gialakunun kɛn man nə́ wàa yɛ, bɛ n nyaabaa-n kasɛn ganaa? Ma bɛ́ ma goã ka bebere ka gɔn màn sii ka la wa, yǎa bɛ dinsɔɔ̃. Bɛ̀ bɛ á kɔkɔrɔbaa ǹ sii lɛa má zɛnaa ka nɛ, ka bǐɛ̃ kɔ ma ganaa, ka toa ma nɛ.

Galaasi minin 4:19

Maa giaáran lɛn, ma bɛ́ fuu mɛn yii kaa lɛa kanna, a n goon ka lɔ nɛ-yɛle a fuu ni, yǎa Krita yii ka nɛ.

Filipi minin 4:1

A bɛ́ miɛ̃, ma dɔɔ̃n sonboren lɛn, ka n gòãn doa kaka, kaa tá kun ka Dɛnaa-n kɛ gɔ́ɔ̃ nɛ. Kasɛn mɛnɛn bɛ́ ma dɔɔ̃n narɛɛ wolen lɛa, ma tá li parsiini ma wusoo ma ka yɛ. Ka dinin lɛn man maa foo kɔɔ̃nbaa laanka maa din laakalaa ǹ màn lɛa.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Tesaloniki1 2:11

Ka á doɛ̃ dɔn, wɔ ǹ wɔ́ ka dinin gogoonmaa kũ, ka díi bɛ́ a nɛnyaanan kuĩ lɔn.

Tesaloniki1 2:8

Ka sii n kɔɔ̃n wɔ ganaa miɛ̃ lɛn, bɛ lɛ-n wɔ́ lɛ kɔ wáa wɔ á Lawa a Boo Tii Kɔɔ̃n kɛ pii ka nɛ, bɛ dinsɔɔ̃ bie wa; sɛnɛ, wɔ́ lɛ kɔ dɔn wáa wɔ tá wɔ dininmaan nyin koe ka taman yii, a giala, kaa sii kaka kɔ wɔ ganaa á la yii ni.