Korɛnti2 1:19 - LAWA A BOO SONBORE

¹⁹ A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.

LAWA A BOO SONBORE 2011

¹⁹ A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.

Korɛnti2 1:19 ပူးပေါင်းရင်းမြစ်များ

Loen 2:7

Dɛnaa Lawa golee boo mɛn la, man die bɛ lɛ pii. Dɛnaa Lawa pɛ ma-n kɛnɛn: Ma n maa nɛgiĩ lɛa, a kũ pelo ganaa, masɛ din ni n Díi lɛa.

Bɔ bɛ̀rɛbaa nɛ 3:14

Lawa pɛ Muizu-n kɛnɛn: – Ma tɔ n "Ma Tan". A pɛ Izirayeli nɛnyaanan lɛn manɛ, mà "Ma Tan" na á n dia ǹ li.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Matiə 27:40

Maǹ nə́ goã pii ni: «N din mɛn bɛ́ mà nsɛ n die Lawa a Kion wurii, n wusoo n kɔsɔ dɔ lɛawaa sɔɔ gɔ́ɔ̃ nɛ, n din kirisibaa, bɛ̀ ma n Lawa a Nɛgiĩ lɛa sonbore, gisĩ n nə n bɔ dere ǹ gɔn ganaa kəni!»

Matiə 27:54

Rɔmun sɔraasin goledɛnaa laanka sɔraasin mɛnɛn nə́ goã Yezu lɛduĩ, bɛn nə́ tán a bìn-diɛ lɛ yɛ, kun ka sii mɛn tumaa nə́ n zɛnaa, nyɛ́ɛ nə́ ǹ kũ parsiini, ǹ nə́ tɔ́n pɛ: «A na á goã Lawa a Nɛgiĩ lɛa sonbore!»

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Matiə 4:3

Da minin gɔ́ɔ̃ li wole lɛ tɔ́n nə́ n zɔ̃ á dɔ a li, á pɛ nɛ: «Bɛ̀ ń tá Lawa a Nɛgiĩ lɛa sonbore, a pɛ kɔlɔn kɛn manɛ, mà ǹ nə n bɔyaa ǹ nə n baa màn-bii lɛa.»

Marki 1:1

Boo Tii Kɔɔ̃n mɛn bɛ́ boo diɛ Lawa a Nɛgiĩ Yezu *Krita wɔ gɔn la, bɛa giala koe n ka kɛ nɛ.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Zaã a sɛ́wɔ 1:34

Ma din yii na á Yiri Fu lɛ yɛ gisĩ la, bɛ lɛ n toɛ ma tá a siére pii máa giĩ kɛ lɛ, Lawa a Nɛgiĩ ni.»

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Zaã a sɛ́wɔ 19:7

Zuifun lɛn mà Pilati ganaa mà landa kɔ́n tá ǹsɛn lon, mà a kɔnpɛ ka bɛa landa kɛ lɛ nɛ, mà a doamaa-n ka gɛ̀ nɛ, a giala, mà a na á n din baa Lawa a Nɛgiĩ lɛa!

Zaã a sɛ́wɔ 20:28

Toomaa tɔ́n pɛ nɛ: «Maa Dɛnaa! Maa Lawa!»

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Zaã a sɛ́wɔ 6:69

Wɔsɛn nə́ golee li, wɔ́ dɔ̃ dɔn, wáa Lawa din a dia dí-a wole sonbore nə n ne.»

Zaã a sɛ́wɔ 8:58

Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

Nya ǹ dín 15:22

Dia dí-a wolen lɛn laanka nyɛɛnaandɛnan lɛn nə́ kɔnwɔ ma ka Lawa a sɔmɔ minin lɛn nɛ, ǹ nə́ golee li, ǹ nə́ minin bɔ ǹ dinin bii, ǹ nə́ ǹ dia Antiɔsi kiwi, kun ka Pooli ni ka Barnabaasi ni. Bɛa minin lɛn, Zudaasi ni, ǹ nə́ bíi Barsabaasi, ka Silaasi ni, min yii guguru-an manɛ ǹ dɔɔ̃nɔn bii.

Nya ǹ dín 16:1

Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa.

Nya ǹ dín 18:5

Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Nya ǹ dín 8:36

Ǹ bɛ́ zii lɛ la woe, ǹ nə́ woo dɔ mu bǎã goon ne, yǎa Etiopiin giĩ lɛ pɛ: «Mu á ke. Wàa n nə masɛ kurii batɛmu lɛ a yɛ ganaa?»

Nya ǹ dín 9:20

A ná a giala kɔ gɔrɔ á woe lɛsɔkɔn kionən ne, á pii mà Yezu n Lawa a Nɛgiĩ lɛa.

Korɛnti2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Ma laanka ma dɔɔ̃n Timote ne, wɔ n sɛ́wɔ kɛ diɛ Korɛntin Lawa a sɔmɔ minin la, ka Lawa a minin mɛnɛn tumaa bɛ́ Grɛki gána tumu ni.

Tesaloniki1 1:1

Masɛ Pooli ni, ka Silaasi laanka Timote ne, wɔ n sɛ́wɔ kɛ diɛ Tesaloniki a Lawa a sɔmɔ minin la. Kasɛn mɛnɛn bɛ́ Díi Lawa laanka Dɛnaa Yezu *Krita wɔn lɛa, Lawa die a bǐɛ̃ zɛnaa ka nɛ, a là nyantoro kɔ ka la.

Tesaloniki2 1:1

Masɛ Pooli ni, Silaasi ni, ka Timote ne, wɔ n sɛ́wɔ kɛ diɛ Tesaloniki a Lawa a sɔmɔ minin la, kasɛn mɛnɛn bɛ́ wɔ Di Lawa laanka Dɛnaa Yezu *Krita wɔn lɛa.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Ebrəə 1:11

Bɛn lɛn yii á re nyɛɛ, sɛnɛ, nsɛ n goɛ̃ yǎa duduu. Ǹ tumaa á re zizi koe ka mɔnaa bɛ́ lɔn.

Ebrəə 13:8

Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Piɛrɛ2 1:17

bɛ̀ Díi Lawa din bɛ́ zín laanka gugurubaa koe la. Bɛ na á n zɛnaa wɔ yii ni, bɛ̀ Lawa din bɛ́ á n toa a din a gugurubaa gole kɛ nɛ, á pɛ: «Kɛ n maa Nɛgiĩ narɛɛ wole lɛa, a na á kɔɔ̃n kɔ ma din ni má bɔ.»

Zaã1 1:3

Wɔ màn mɛn ma, wɔ́ yɛ dɔn, wɔ ǹ bɛ lɛ pii ka dɔn nɛ, ń giɛ kaa-kun mɛn bɛ́ wɔ bii ni ka Díi Lawa nɛ, ka a Nɛgiĩ Yezu *Krita nɛ, ka dɔn nə goã kun ka wɔ nɛ bɛ gɔ́ɔ̃ nɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Sii-nyaan 2:18

Sɛ́wɔ kɛ kiɛ̃ n dia Tiatiirin Lawa a sɔmɔ a lon a dia dí-a wole la: «Masɛ Lawa a Nɛgiĩ a boo n ke, masɛ mɛn bɛ́ ma yii nànan nə́ ka tɛ buə̃ bɛ́ lɔn, ma gòãn nə́ tɛ pii ka zan nɛ ǹ nə́ zɔnɔ, man pii n ni: