Korɛnti1 9:24 - LAWA A BOO SONBORE

²⁴ Ka á doɛ̃ mà baa-silin man baa sii kun, sɛnɛ, min goon toto na a saraa yii. A bɛ́ miɛ, ka dɔn nə baa si, ń giɛ ka á saraa lɛ yii.

LAWA A BOO SONBORE 2011

²⁴ Ka á doɛ̃ mà baa-silin man baa sii kun, sɛnɛ, min goon toto na a saraa yii. A bɛ́ miɛ, ka dɔn nə baa si, ń giɛ ka á saraa lɛ yii.

Korɛnti1 9:24 ပူးပေါင်းရင်းမြစ်များ

Loen 19:5

Sɛnɛ, ǹ bɛ́ sii mɛn nyɛɛ, bɛ nə n pɛsɛ̃ tán tumaa la, ǹ da ǹ boo n woe yǎa kanaa paǹ tumaa ganaa. Lawa kion doa lon á kɔ wasa la.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Zeremii 12:5

Dɛnaa Lawa pɛ ma nɛ: Min mɛnɛn bɛ́ baa sii ǹ gòã nɛ, bɛ̀ n boo la ń kɔ bɛn kio lɛ wa, ma n die siɛ lɔn n dɔ sùin ganaa? Gána mɛn bɛ́ là nyantoro ná a nɛ, bɛ̀ n tá yii-nyɛɛ la bɛ dinsɔɔ̃ gɔ́ɔ̃ nɛ, ma n die n biɛ lɔn Zurdɛ̃ tà lɛ-a tewonən kɛn nɛ?

Ozee 12:10

Sɛnɛ, masɛ nə n Dɛnaa Lawa lɛa, a kũ Ezipti gána ganaa. Man die toɛ n wusoo doo n giã mɔnaa kionən ne, ká maa da ka lɛ pinaa kɛ bɛ́ lɔn.

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Korɛnti1 9:13

Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

Korɛnti1 9:23

Man bɛ tumaa zɛnɛɛ Boo Tii Kɔɔ̃n kɛ a lɛa, máa ma gii boo la a yɛ a sii bǐɛ̃n gɔ́ɔ̃ nɛ.

Korɛnti1 9:26

Bɛ lɛ-n masɛ á baa sii, ma yii n doa-n golee ǹ bǎã la. Man ka gɔn-munii wɔle mɛn bɛ́, a min dii a mìi gialaa wa.

Galaasi minin 2:2

Lawa na á ma yii toɛ̃, á nyaa ma nɛ mà ma woo. Bɛ lɛ nɛ má woo. Ma bɛ́ má goã Boo Tii Kɔɔ̃n mɛn lakalɛɛ tɔrɔ kɔsɔn manɛ, má bɛ yɔrɔ pɛ ǹ nɛ. Nyɛɛnaandɛnan dininsɔɔ̃nɔn kɔn-yɛ goon bǎã dɔ nɛ, má a yɔrɔ pɛ. Ń giɛ ma dí mɛn nya lɛlɛ, ka sisia wɔ nɛ, bɛn baran goã kooro wa.

Galaasi minin 5:7

Ka a giala kɔ doɛ̃ sɔnbɔraanɛ! Sɛnɛ, die na á ka kurəə mà ka nyan sonbore boo lɛ si doo wa?

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Filipi minin 3:12

Ma bie pii máa má dɔ maa dí mìi ganaa, máa maa sii lɛ pã gɔrɔ wa koe. Sɛnɛ, man tɔn woe nyɛɛnɛ, ma nə n wen wɛɛ, máa yǎa ma lui ma kuĩ, a giala mà Yezu Krita ma dɔ kũ.

Filipi minin 3:14

Bɛ lɛ nɛ, ma á baa sii maa dí mìi ganaa, ń giɛ ma á baa si ǹ saraa yii, Lawa bɛ́ wɔ bíi, mà wɔ da ǹ mɛn lɛ si lon, Yezu Krita pàã ganaa.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Sii-nyaan 3:11

«Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.