Korɛnti1 9:22 - LAWA A BOO SONBORE

²² Má goleemali boɛɛndɛnan sii si ma ganaa kunun ǹ ni, màn mɛn bɛ́ toɛ, ma gɔn dɔ ǹ ganaa. Man má zɛnaa miɛ̃ min tumaa nɛ, má lɛ kɔ sii din tɔrɔ tumaa ganaa, màn mɛn bɛ́ toɛ ma min tɛnɛn kirisibaa sonbore.

LAWA A BOO SONBORE 2011

²² Má goleemali boɛɛndɛnan sii si ma ganaa kunun ǹ ni, màn mɛn bɛ́ toɛ, ma gɔn dɔ ǹ ganaa. Man má zɛnaa miɛ̃ min tumaa nɛ, má lɛ kɔ sii din tɔrɔ tumaa ganaa, màn mɛn bɛ́ toɛ ma min tɛnɛn kirisibaa sonbore.

Korɛnti1 9:22 ပူးပေါင်းရင်းမြစ်များ

Rɔmu minin 11:14

ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Rɔmu minin 14:1

Min mɛn pàã bɛ́ kiɛɛrɛ golee Lawa li gɔ́ɔ̃ nɛ, ka lɛ kɔ a ganaa, ka baran liere kɔ a taasiɛn wɔ gɔn la wa.

Rɔmu minin 14:2

Min tan, a n taasɛ, mà asɛ á boe la a màn tumaa bii, min kɔsɔ mɛn pàã bɛ́ kiɛɛrɛ golee Lawa li gɔ́ɔ̃ nɛ, bɛa siĩ tɔrɔ kɔ́n soɛ̃ wa.

Rɔmu minin 15:1

Wɔsɛn mɛnɛn pàã bɛ́ gole golee Lawa li gɔ́ɔ̃ nɛ, wɔ doamaa nɛ, min mɛnɛn pàã bɛ́ kiɛɛrɛ golee Lawa li gɔ́ɔ̃ nɛ, wɔ bɛn sii si wɔ ganaa. Siin mɛnɛn bɛ́ kɔɔ̃n wɔ ganaa, wɔ baran ga bɛn li wa.

Rɔmu minin 15:2

Min gogoonmaa n siĩni a ga li, mà a kɔɔ̃n kɔ ǹ miã kɔsɔ ganaa. Bɛ nə n baa sii bǐɛ̃ lɛa, a n dɔ ǹ miã lɛ lɛ, a wo nyɛɛnɛ golee Lawa li gɔ́ɔ̃ nɛ.

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 7:16

Nsɛ Lawa-nyankɔle lɔ dɛnaa lɛ, ma n siɛ lɔn n tɔn dɔ̃, mà n tá re n zuũ kirisibiɛ? Nsɛ Lawa-nyankɔle giĩ dɛnaa lɛ, ma n siɛ lɔn n tɔn dɔ̃, mà n tá re n lɔ kirisibiɛ?

Korɛnti1 8:13

Bɛ lɛ nɛ, bɛ̀ màn-bii á die ma diɛ ma dɔɔ̃n da sii baraa-n ganaa, man siĩ tii duduu goon lɛa, bɛ á soɛ ma dɔɔ̃n da sii baraa zɛnaa ganaa nɛ.

Korɛnti1 9:19

Hiĩ, man ma din gɔn wìi a lɛa, ma a min kɔn a bɛ̀rɛ lɛa wa. Sɛnɛ, má n din baa min tumaa a bɛ̀rɛ lɛa, màn mɛn bɛ́ toɛ, ma min gigiã yɛ.

Korɛnti1 9:23

Man bɛ tumaa zɛnɛɛ Boo Tii Kɔɔ̃n kɛ a lɛa, máa ma gii boo la a yɛ a sii bǐɛ̃n gɔ́ɔ̃ nɛ.

Korɛnti2 11:29

Die n pàãwɛɛnaa lɛa, man ma a doɛ̃ la wa? Die n sii baraa zɛnɛɛ, a ná a ma kuĩ tɛ lɛa wa?

Galaasi minin 6:1

Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.