Korɛnti1 9:18 - LAWA A BOO SONBORE

¹⁸ Maa saraa n ka wàa-n kəni? Ma bɛ́ boe la, ma á Boo Tii Kɔɔ̃n kɛ laakalɛɛ ka-n kooro, maa saraa lɛ n bɛ nɛ. Ma gii bɛ́ ka màn mɛn nɛ, Boo Tii Kɔɔ̃n laakalaa kɛ a lɛa, ma nɔ̀n da bɛ li wa.

LAWA A BOO SONBORE 2011

¹⁸ Maa saraa n ka wàa-n kəni? Ma bɛ́ boe la, ma á Boo Tii Kɔɔ̃n kɛ laakalɛɛ ka-n kooro, maa saraa lɛ n bɛ nɛ. Ma gii bɛ́ ka màn mɛn nɛ, Boo Tii Kɔɔ̃n laakalaa kɛ a lɛa, ma nɔ̀n da bɛ li wa.

Korɛnti1 9:18 ပူးပေါင်းရင်းမြစ်များ

Zaã a sɛ́wɔ 4:36

Min mɛn bɛ́ a dí nyɛɛ, bɛ n màn nàn soekɔn biɛ̃ ǹ a lɛa. Á ke a saraa yii gɔrɔ, bɛ n ka nyin nyabaã nɛ. Bɛ lɛ nɛ, màn-dali laanka a yawaali ni, manə n nyɛnyɛɛ kun.

Nya ǹ dín 18:3

Pooli laanka Akilaasi bɛ́ ǹ nə́ goã dí tɔrɔ goon nyɛɛ, mɔnaa kion zɛnaa ǹ dí ke, á woo giã ǹ li, á dí nya kunun ǹ ni.

Rɔmu minin 14:15

N dɔɔ̃n bɛ́ giɛ màn mɛn ganaa, mà a ba kɔnboe ka bii-n wa, nsɛ a zɛnaa ǹ sii kɔ́n baran n dɔɔ̃n lɛ nyanaa, a da bɛa màn lɛ a bii ganaa wa. Bɛ̀ n zɛnaa miɛ̃, ma nə n kɔn-narɛ ǹ zii tɔ wɔ wa. Táa Krita na á gã bɛa dɔɔ̃n kɛ lɛ dɔ a lɛa. N bii ǹ màn baran toa bɛa dɔɔ̃n lɛ papaã ǹ zii kũ wa.

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti1 7:31

Min mɛnɛn bɛ́ dí nyɛɛ kanaa kɛ gɔ́ɔ̃ nɛ, ǹ ná a là yii, ǹ goã ka manə ǹ tɔn dí kɔ́n nya ǹ ná a là yɛ wa. A giala, kanaa kɛ bɛ́ yɔrɔ mɛn la, a re beleboe doo wa.

Korɛnti1 8:9

Sɛnɛ, ka n yiri kɔ, bɛa tá ma din gɔn wìi a lɛa kɛ lɛ, a nyan goleemali boɛɛndɛnan kaa sii baraa-n wa.

Korɛnti1 9:12

Bɛ̀ min kɔsɔn tá bɛ miã yii ka li, wɔsɛn ba kɔnboe ne, a la bɛn wɔ-n ma? Sɛnɛ, wɔsɛn nə bɛa màn kɛ lɛ kɔ́n yɛ ka li wa. Wɔ n wɔ́ sii tumaa si wɔ ganaa dinin, ń giɛ wɔ bɛ́ Boo Tii Kɔɔ̃n zii mɛn nyɛɛ ka nɛ, á n *Krita wɔ lɛa, màn kɔ́n nyan ka kurəə bɛ ganaa wa.

Korɛnti1 9:15

Sɛnɛ, masɛ tɔn bɛ miã màn kɛ kɔ́n yɛ ka li wa, ma bie sɛ́wɔ kɛ diɛ ka la, ma á nɔ̀n dɔ diɛ li wa. Bɛ̀ má gã gɔrɔ bɛ á soɛ! Min kɔ́n ba re boe la, a bɛa din-koa ǹ gɔn kɛ si ma la wa.

Korɛnti1 9:17

Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Tesaloniki1 2:6

Wɔ bin ga tɔ li min kɔ́n li wa, haalɛ ka li, haalɛ min kɔsɔn li.