Korɛnti1 9:17 - LAWA A BOO SONBORE

¹⁷ Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

LAWA A BOO SONBORE 2011

¹⁷ Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

Korɛnti1 9:17 ပူးပေါင်းရင်းမြစ်များ

Nehemii 11:2

Giĩn mɛnɛn tumaa lɛ kɔ mà ǹ tá giɛ̃ Zeruzalɛmu, zaman lɛ barka da bɛn ganaa.

Izayii 6:8

Má tɔn Dɛnaa lɛ ma nɔ̀n diɛ kɛnɛn: «Man die die diɛ? Die n die maa boo gii-dali biɛ?» Má a lɛ si: «Má á ke, masɛ dia.»

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Zonaasi 1:3

Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Matiə 10:41

Bɛ̀ min mɛn nə́ Lawa a boo gii-dali kũ doɛ̃, a Lawa a boo gii diɛ lɛ a lɛa, bɛa dɛnaa á die Lawa a boo gii-dali a saraa yii. Bɛ̀ min mɛn nə́ min pepere kũ doɛ̃ a min peperebaa lɛ a lɛa, bɛa dɛnaa á die min pepere a saraa yii.

Matiə 24:25

Masɛ á ke má pɛ ka nɛ bɛ̀ a biikoo baa doe.

Luku 12:42

Dɛnaa ná a lɛ si: – Ga mànan walan wole mɛn bɛ́ bɔlɔgoondɛnaa lɛa, yiri dɔ ná a lon, a dɛnaagiĩ da ǹ miã dí-nyalin mìi la mà a màn-bii gii ǹ ni, a kɔnpɛ a biikoo ne.

Zaã a sɛ́wɔ 4:36

Min mɛn bɛ́ a dí nyɛɛ, bɛ n màn nàn soekɔn biɛ̃ ǹ a lɛa. Á ke a saraa yii gɔrɔ, bɛ n ka nyin nyabaã nɛ. Bɛ lɛ nɛ, màn-dali laanka a yawaali ni, manə n nyɛnyɛɛ kun.

Korɛnti1 3:14

Bɛ̀ min mɛn màn dɔ kion gòã-daa kɛ la, tɛ ná a boe la á kuĩ wa, bɛa dɛnaa á re saraa yii.

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti1 4:1

A bɛ́ miɛ̃, wɔsɛn man dien lɛa ka yii li? Ka ǹ kɔnboe ka ga wɔ ganaa *Krita a dí-nyalin lɛa, Lawa a sonbore duriin kɛn man tamaa-n wɔ li.

Korɛnti1 9:16

A giala, Boo Tii Kɔɔ̃n kɛ a laakalaa bie din-koa ǹ sii lɛa masɛ gɔn wa. A n pàã lɛa ma ganaa. Bɛ̀ ma a Boo Tii Kɔɔ̃n kɛ laakalɛɛ wa, koe na á bɔ ma ganaa.

Korɛnti1 9:18

Maa saraa n ka wàa-n kəni? Ma bɛ́ boe la, ma á Boo Tii Kɔɔ̃n kɛ laakalɛɛ ka-n kooro, maa saraa lɛ n bɛ nɛ. Ma gii bɛ́ ka màn mɛn nɛ, Boo Tii Kɔɔ̃n laakalaa kɛ a lɛa, ma nɔ̀n da bɛ li wa.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Galaasi minin 2:7

Bɛa minin kɛn lɛn nə́ dɔ̃, mà Lawa dí mɛn kɔ masɛ dɔ la, mà Boo Tii Kɔɔ̃n kɛ a laakalaa tɔrɔ kɔsɔn bii ni, ká a bɛ́ a ná a laakalaa Zuifun bii kɔ Piɛrɛ la lɔn.

Kolɔɔsi minin 1:25

Lawa din dí mɛn kɔ ma la, mà ma nya kaa lɛa, masɛ n má Lawa a sɔmɔ kɛ a dí-nyali baa bɛ lɛ taman yii. Lawa na á dí kɔ ma la, mà ma a din a boo kɛ pɛ, ma a lɛ pã.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Filemɔn 1:14

Sɛnɛ, ma a giɛ li ma sii kɔ́n zɛnaa a wɔ gɔn la, bɛ̀ n nə́ n lɛ kɔ wa. Maa taasiɛ n ka kɛ nɛ, bɛa bǐɛ̃ kɛ lɛ, man giɛ li n zɛnaa ma nɛ, a baran pàã sii baa wa, sɛnɛ, a bɔ n din foo ganaa.