Korɛnti1 9:13 - LAWA A BOO SONBORE

¹³ Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

LAWA A BOO SONBORE 2011

¹³ Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

Korɛnti1 9:13 ပူးပေါင်းရင်းမြစ်များ

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 22:7

Bɛ̀ wasa mɛ lɔn gɔrɔ, ǹ dɛnaa na á *yoreen kɔ. Á boe la kəni, a wúlu màn sonboren lɛn bii, a giala, a wɔ gii ni.

Lawa a wúlu-bɔlen 7:31

Lawa a wúlu-bɔle bɛa nyɔɔ bǎãn lɛn tã wúlu bɔ ǹ bǎã lɛ lalan. Sɛnɛ, a tìãbii kɛ n Aarɔn laanka a nɛgiĩn wɔ lɛa.

Minin nimi 18:31

Ka tá boe la ka bɛa mànan kɛn bii bǎã din tumaa nɛ, kun ka kaa sumu minin tumaa nɛ, a giala ka bɛ́ dí mɛn nyɛɛ kɔn yɛ ka Lawa nɛ ǹ kion kɛ nɛ, bɛa saraa nɛ.

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Korɛnti1 10:18

Ka ga Izirayeli nɛnyaanan kɛn ganaa: Ǹ bɛ́ wúlu mɛn boe wúlu bɔ Lawa ganaa ǹ bǎã nɛ, min mɛnɛn bɛ́ bɛa màn kɛ bii, bɛn man kaa-n kun ka Lawa nɛ.

Korɛnti1 9:24

Ka á doɛ̃ mà baa-silin man baa sii kun, sɛnɛ, min goon toto na a saraa yii. A bɛ́ miɛ, ka dɔn nə baa si, ń giɛ ka á saraa lɛ yii.

Timəə dí-pɛn 10:9

Bɛ lɛ na á toa, Levii tɔrɔn lɛn nə bǎã yɛ ǹ wɔ lɛa ǹ dɔɔ̃nɔn bii wa. Ǹ wɔ gii na á goã ka Dɛnaa Lawa a dí kɛ nɛ, ka kaa Lawa, Dɛnaa Lawa din bɛ́ á pɛ ǹ nɛ lɔn.

Samayeli1 2:28

N din digolon kɛn lɛn manɛ, má ǹ bɔ Izirayeli tɔrɔn tumaa bii, má ǹ baa maa wúlu-bɔlen lɛa, màn mɛn bɛ́ toɛ ǹ wo *wúlu bɔ ǹ bǎã nɛ, ǹ da yon gìĩ kɔɔ̃n tã, ǹ dí nya ǹ mɔnaa wɔ masɛ yɔrɔ-a. Izirayeli nɛnyaanan bɛ́ wúlu màn mɛn din tumaa tiɛ̃, ma bɛ kɔ n digolo lɛ laanka a tɔrɔn la.