Korɛnti1 9:1 - LAWA A BOO SONBORE

¹ Masɛ a ma din gɔn wìi a lɛa wa? Ma a dia dí-a wole lɛa wa? Ma Dɛnaa Yezu yɛ ka ma yii-n wa? Ma din a nya ǹ dí a lɛa bie ka á Dɛnaa wɔn lɛa wa?

LAWA A BOO SONBORE 2011

¹ Masɛ a ma din gɔn wìi a lɛa wa? Ma a dia dí-a wole lɛa wa? Ma Dɛnaa Yezu yɛ ka ma yii-n wa? Ma din a nya ǹ dí a lɛa bie ka á Dɛnaa wɔn lɛa wa?

Korɛnti1 9:1 ပူးပေါင်းရင်းမြစ်များ

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 14:14

Dia dí-a wole Pooli laanka Barnabaasi bɛ́ ǹ nə́ bɛa boo kɛ ma, ǹ foo ziziɛ̃ parsiini. Ǹ nə́ ǹ mɔnaan toɛ̃, ǹ nə́ n gòã saa ǹ nə́ woo zaman lɛ li, ǹ nə́ paraa:

Nya ǹ dín 14:4

Kiwi lɛ a minin nə́ n talakɔn: Ǹ tɛnɛn man kun ka Zuifun ni, gialakunun man kun ka dia dí-a wolen kɛn nɛ.

Nya ǹ dín 23:11

Tèlò bɛ́ á kɔ, Dɛnaa nə́ n din nyaa Pooli ni, á pɛ nɛ: «N foo taã. Ń masɛ a siérebaa ǹ boo pɛ maa lɛa Zeruzalɛmu, n doamaa nɛ n bɛ lɛ miã zɛnaa Rɔmu dɔ nɛ.»

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Nya ǹ dín 9:17

Ananiasi tɔ́n woo, á wɔ kion lɛ nɛ, á n gɔn da Sooli la, á pɛ nɛ: «Ma dɔɔ̃n Sooli, Dɛnaa na á masɛ dia, Yezu mɛn bɛ́ á n din nyaa n nɛ zii la, bɛ lɛ na á masɛ dia màn mɛn bɛ́ toɛ, ma Lawa nyankɔ nɛ, n yiin nə wusoo ǹ wɔlɔ yɛ, Yiri Fu dɔ gisĩ n la.»

Nya ǹ dín 9:3

Sooli bɛ́ zii la woe, á diri Damaasi la. Bǎã goon ne gɔrɔ, wɔlɔ fúlu bɔ lon á daa kaa la, Sooli bɔ á n tɔ tán.

Nya ǹ dín 9:5

Sooli tɔ́n nɔ̀n da: «Dɛnaa, die n ka nsɛ nɛ?» Boo-diɛ lɛn lɛ pɛ nɛ: «Yezu n ka masɛ nɛ, n bɛ́ fuu nyɛɛ Yezu mɛn nɛ ke lɛn.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 11:13

Kasɛn mɛnɛn bɛ́ ka a Zuifun lɛa wa, man kɔn kasɛn nɛ sisia. Lawa na á masɛ bɔ, á ma dia tɔrɔ kɔsɔn la, mà ma a din a boo kɛ pɛ. Bɛ lɛ nɛ, ma tá n nyɛnyɛɛ bɛa dí lɛ a nyɛɛ gɔ́ɔ̃ nɛ,

Korɛnti1 1:1

Masɛ Pooli, Lawa lɛ kɔ á ma bíi, mà ma Yezu *Krita a dia dí-a wole baa. Ma laanka ma dɔɔ̃n Sɔstɛnɛ n fòo diɛ ka nɛ.

Korɛnti1 10:29

Ma bie boo diɛ ka dinin gɔ́ɔ̃ a taasiɛ kɛ wɔ gɔn la wa, sɛnɛ, min mɛn boo lɛ pɛ ka nɛ, man bɛ wɔ ganaa. Sɛnɛ, die n die nɔ̀n diɛ ma la, mà wàa na á baa? Min kɔsɔ foo a zɛ̀rɛ á boe la, a ma kurəə ma din gɔn wìi a lɛa sii-zɛnaa ganaa?

Korɛnti1 10:30

Bɛ̀ ma màn mɛn bii, má barka da Lawa nɛ a lɛa, a n siɛ lɔn ma wusoo ma ma din zɛ̀rɛ baa bɛa màn-bii kɛ lɛ a lɛa?

Korɛnti1 11:16

Bɛ̀ min tá zoɛ̃ maa boo kɛa liere kɔ li, ǹ dɛnaa dɔ̃, mà wɔsɛn laanka Lawa a sɔmɔ kɔ́n ba landa kɔsɔ doɛ̃ Lawa guguru kɔ biikoo li wa.

Korɛnti1 3:6

Masɛ n má màn zumu, Apolɔɔsi na á mu kaa a ganaa, sɛnɛ, Lawa din na a gole koe.

Korɛnti1 9:19

Hiĩ, man ma din gɔn wìi a lɛa, ma a min kɔn a bɛ̀rɛ lɛa wa. Sɛnɛ, má n din baa min tumaa a bɛ̀rɛ lɛa, màn mɛn bɛ́ toɛ, ma min gigiã yɛ.

Korɛnti2 10:7

Ka ga siin ganaa doɛ̃. Bɛ̀ bɛ nɛ, bɛ̀ min mɛn golee li mà asɛ n Krita wɔ lɛa, ǹ dɛnaa nə n yiri koa kɛ li gɔrɔ. Masɛ dɔ n Krita wɔ lɛa ka a dɔ bɛ́ lɔn.

Korɛnti2 11:5

A tá ma yiri ni, máa masɛ a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Galaasi minin 1:1

Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.

Galaasi minin 5:1

*Krita na á wɔ si bɛ̀rɛbaa la, mà wɔ goã wɔ gɔn wìi a lɛa taãn-taãnɛ. Ka toa ka goã doa-n sɔnbɔraanɛ bɛa tá ma din gɔn wìi a lɛa kɛ lɛ gɔ́ɔ̃ nɛ. Ka nyan toa, ka wusoo ka ka dinin kɔ bɛ̀rɛbaa la doo wa.

Tesaloniki1 2:6

Wɔ bin ga tɔ li min kɔ́n li wa, haalɛ ka li, haalɛ min kɔsɔn li.

Timote1 2:7

Lawa na á masɛ koa bɛa boo lɛ a kalaali lɛa. Á ma dia, mà ma wo tɔrɔ kɔsɔn daraa goleemali laanka sonbore ganaa. Sonbore-n ma á pii, ma bie soɛ boe wa.

Timote2 1:11

Lawa na á masɛ koa bɛa Boo Tii Kɔɔ̃n lɛ a pɛle lɛa, á ma dia mà ma wo minin daraa a ganaa.