Korɛnti1 8:9 - LAWA A BOO SONBORE

⁹ Sɛnɛ, ka n yiri kɔ, bɛa tá ma din gɔn wìi a lɛa kɛ lɛ, a nyan goleemali boɛɛndɛnan kaa sii baraa-n wa.

LAWA A BOO SONBORE 2011

⁹ Sɛnɛ, ka n yiri kɔ, bɛa tá ma din gɔn wìi a lɛa kɛ lɛ, a nyan goleemali boɛɛndɛnan kaa sii baraa-n wa.

Korɛnti1 8:9 ပူးပေါင်းရင်းမြစ်များ

Izayii 35:3

Ka pàã kɔ nyàa busulən la, ka kakabaa kɔ musi busulən la.

Izayii 57:14

Dɛnaa Lawa pɛ: Ka zii zɛnaa fufuu, ka zii bɔ. Màn mɛn tumaa bɛ́ min nə boe la a n gòã na a ganaa, ka bɛ bɔ ka bɔ maa zaman a zii la.

Ezekieli 14:3

– Nsɛ minbuiin a nɛ, minin kɛn lɛn dìn sii tá kaka ǹ ganaa. A din dìn lɛn manə ǹ kiɛ sii baraa zɛnaa ganaa. Ma á re toɛ bɛa minin lɛn nə nɔ̀n da ma la ka sii ni sonbore?

Ezekieli 44:12

A giala, ǹ nə́ wúlu bɔ dìn ganaa zaman lɛ a lɛa, ǹ nə́ Izirayeli minin lɛn nyanaa, ǹ nə́ ǹ kaa sii baraa nɛ. Bɛ lɛ na á toa masɛ Dɛnaa Lawa a da ǹ boo á ke: Ǹ tá re n toɛ̃ ka ǹ sii baraa a guĩ ni.

Lawa a wúlu-bɔlen 19:14

Min baran boo baraa da too tere-a ganaa wa, min baran màn da tán yii tere-a nyɛɛn wa. Ka bɛ lɛ zɛnaa ka nyɛ́ɛ baa kaa Lawa nɛ. Ma din nə Dɛnaa Lawa lɛa.

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Rɔmu minin 15:1

Wɔsɛn mɛnɛn pàã bɛ́ gole golee Lawa li gɔ́ɔ̃ nɛ, wɔ doamaa nɛ, min mɛnɛn pàã bɛ́ kiɛɛrɛ golee Lawa li gɔ́ɔ̃ nɛ, wɔ bɛn sii si wɔ ganaa. Siin mɛnɛn bɛ́ kɔɔ̃n wɔ ganaa, wɔ baran ga bɛn li wa.

Korɛnti1 10:24

Min kɔ́n nyan toa a ga a dinsɔɔ̃ a bǐɛ̃ kɔ li wa, sɛnɛ, a ga ǹ miãn kɔsɔn dɔn wɔ li.

Korɛnti1 10:28

Sɛnɛ, bɛ̀ min pɛ ka nɛ mà wúlu bɔ ǹ siĩ ni, a pɛman wole lɛ laanka a gɔ́ɔ̃gɔ́ɔ̃ ǹ taasiɛ a lɛa, ka nyan sɔ̃ wa.

Korɛnti1 10:29

Ma bie boo diɛ ka dinin gɔ́ɔ̃ a taasiɛ kɛ wɔ gɔn la wa, sɛnɛ, min mɛn boo lɛ pɛ ka nɛ, man bɛ wɔ ganaa. Sɛnɛ, die n die nɔ̀n diɛ ma la, mà wàa na á baa? Min kɔsɔ foo a zɛ̀rɛ á boe la, a ma kurəə ma din gɔn wìi a lɛa sii-zɛnaa ganaa?

Korɛnti1 10:32

Ka giã doɛ̃, ta Zuifun manɛ, ta Grɛkin manɛ, ta Lawa a sɔmɔn manɛ, ka nyan kɔ́n da kanaa ǹ minin baa wa.

Korɛnti1 8:10

A giala, bɛ̀ goleemali boɛɛndɛnaa nə́ nsɛ yiridɛnaa lɛ yɛ, màn bii dì wúlu bɔ ǹ kion, á re pàã koe a gɔ́ɔ̃gɔ́ɔ̃ ǹ taasiɛ la, a pɛ mà asɛ dɔ n kɔnboe a dì wúlu bɔ ǹ siĩ sɔ̃ wa?

Korɛnti1 8:12

Bɛ̀ ka á sii baraa zɛnɛɛ ka dɔɔ̃nɔn man miɛ̃, ka ǹ sii lɛ we gɔ́ɔ̃gɔ́ɔ̃ ǹ taasiɛ boɛɛndɛnan ganaa, ka n sii baraa zɛnɛɛ Krita nɛ.

Korɛnti1 9:22

Má goleemali boɛɛndɛnan sii si ma ganaa kunun ǹ ni, màn mɛn bɛ́ toɛ, ma gɔn dɔ ǹ ganaa. Man má zɛnaa miɛ̃ min tumaa nɛ, má lɛ kɔ sii din tɔrɔ tumaa ganaa, màn mɛn bɛ́ toɛ ma min tɛnɛn kirisibaa sonbore.

Korɛnti2 11:21

Bɛ a pɛ á sìi diɛ masɛ ganaa: má pàã wɛɛnaa baa kaa paǹ li! Bɛ̀ min pɛ mà asɛ á n din laakalɛɛ ka sii ni, masɛ dɔ a boe la, ta á daa yaa man boo diɛ ka n pɛ mà gàãnaa n ma nɛ.

Korɛnti2 11:29

Die n pàãwɛɛnaa lɛa, man ma a doɛ̃ la wa? Die n sii baraa zɛnɛɛ, a ná a ma kuĩ tɛ lɛa wa?

Korɛnti2 6:3

Ma ba li ma min kɔ́n mìi ziziɛ̃ ka yɔrɔ kɔ́n nɛ wa, ń giɛ, ǹ nyan maa dí kɛ pɔpɔsɛ wa.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Kolɔɔsi minin 2:8

Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Piɛrɛ1 2:16

Ka ǹ ka dinin gɔn wìi a lɛa, sɛnɛ, ka baran taasɛ mà ka bɛ́ ka dinin gɔn wìi a lɛa ke, mà ka á boe la ka sii baraa zɛnaa, bɛ̀ a ná a ba n doɛ̃ wa. Ka tɔ wɔ ka n pɛ mà ka ǹ Lawa a bɛ̀rɛn lɛa.

Piɛrɛ2 2:19

Maǹ pii bɛa minin kɛn lɛn manɛ, mà ǹ tá re yii-nyɛɛ yii, a da yaa ǹ dinin dɔn man bɛ̀rɛn lɛa lɛ-mui siin gɔn, ǹ mɛnɛn bɛ́ woe ǹ kiɛ gɛ̀ nɛ. A giala, sii mɛn bɛ́ á min kũ á yii ka kaka, ma n bɛa sii lɛ a bɛ̀rɛ lɛa.

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.