Korɛnti1 8:1 - LAWA A BOO SONBORE

¹ Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

LAWA A BOO SONBORE 2011

¹ Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti1 8:1 ပူးပေါင်းရင်းမြစ်များ

Izayii 47:10

Ma nə n goã n foo doɛ n sii bɔbɔnɛɛn kɛn ganaa. Ma nə n goã taasɛ: «Min kɔn yii ba ma ganaa wa.» N yiridɛnaabaa laanka n sii-doɛ̃n lɛn man nə́ n sã. Ma nə́ n goã taasɛ: «Ma miã banban, min kɔn ba ka ma bɛ́ lɔn wa.»

Izayii 5:21

Kaa wɔ n ka bɔ̀n nɛ, kasɛn kɛn ka dinin biɛ sii-dɔ̃lin lɛa, ka n ka dinin biɛ yiridɛnan lɛa!

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Nya ǹ dín 15:10

Bɛ lɛ tɔ ganaa, a ba siĩni wɔsɛn nə wɔ Lawa lon wa. Wɔsɛn dinin laanka wɔ digolon bɛ́ wɔ boo la wɔ́ guĩ mɛn gũ wa, wɔsɛn ba siĩni wɔ bɛ da tɔrɔ kɔsɔ Lawa-nyankɔlen kɛn mìi-n wa.

Nya ǹ dín 15:29

Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. «Wɔsɛn boo yii n ka bɛ nɛ.»

Nya ǹ dín 21:25

Tɔrɔ kɔsɔn mɛnɛn nə Lawa-nyankɔle baa, wɔsɛn nə́ wɔa taasiɛn kiɛ̃ wɔ́ ǹ dia bɛn la: ǹ baran min kooron dì wúlu-bɔ ǹ siĩn sɔ̃ wa, ka màn mà nɛ, ka tɔɔ bɔlɔ-yui wole siĩ-n wa, ǹ naarɛbaa toa walan lenlen.»

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 12:16

Ka toa ka kɔn wɔ ma doɛ̃, ka bɔlɔ goã goon. Ka baran n taasɛ din gole kɔ ǹ siin ganaa wa, ka lɛ kɔ din boɛɛn kɔ ǹ dín ganaa. Ka baran ga ka dinin ganaa màn-dɔ̃lin lɛa wa.

Rɔmu minin 14:10

Nsɛ dɔ, wàa na á baa n tá kiri kuri n dɔɔ̃n la? Nsɛ dɔ, wàa na á baa n tá n din koɛ n dɔɔ̃n ganaa? Sonbore ne, wɔ tumaa n die golee Dɛnaa a kiri wɔ ǹ bǎã lɛ yɔrɔ-a, kiri nə n kuru wɔ la.

Rɔmu minin 14:14

Wɔa tá kun ka Dɛnaa Yezu-n lɛ a lɛa, má dɔ̃, má waa la dɔn taãn-taãnɛ, máa màn kɔ́n ba min *gɔgɔrɛ koe Lawa yɔrɔ-a wa. Sɛnɛ, bɛ̀ min taasɛ, mà màn mɛn tá min gɔgɔrɛ koe Lawa yɔrɔ-a, bɛa màn lɛ n goɛ̃ gɔgɔrɛ ǹ dɛnaa din gɔn.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 14:22

Goleemali mɛn bɛ́ n nɛ, bɛa siin lɛn wɔ gɔn la, bɛ nə n din laanka Lawa bii ni. Min bɛ́ giɛ sii mɛn ganaa sii pepere lɛa, bɛ̀ á boe la á bɛ zɛnɛɛ, bɛ̀ a foo ná a ba a zɛ̀rɛ biɛ wa, bɛa dɛnaa foo á re kɔɔ̃n koe

Rɔmu minin 14:3

Pàã bɛ́ min mɛn lon á n màn tumaa bii, bɛ doamaa bie a n din gole kɔ màn tɛn biili kɛ ganaa wa. Màn tɛn biili dɔ doamaa bie a kiri kuru màn tumaa biili la wa, a giala Lawa na á bɔ.

Rɔmu minin 15:14

Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Korɛnti1 1:5

Sonbore, a din lɛ pàã ganaa Lawa ka gɔ taãn-taãnɛ, ka yɔrɔ din tumaa nɛ. Á boo-doɛ̃ laanka sii-doɛ̃ tumaa kɔ ka la.

Korɛnti1 10:15

Ka bɛ́ boo giala-malen lɛa, bɛ lɛ-n ma á boo diɛ ka-n miɛ̃. Ma bɛ́ boo mɛn diɛ, ka dinin nə bɛ gɔsɛ ka ga a ganaa.

Korɛnti1 10:28

Sɛnɛ, bɛ̀ min pɛ ka nɛ mà wúlu bɔ ǹ siĩ ni, a pɛman wole lɛ laanka a gɔ́ɔ̃gɔ́ɔ̃ ǹ taasiɛ a lɛa, ka nyan sɔ̃ wa.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Korɛnti1 15:34

Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.

Korɛnti1 4:10

Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

Korɛnti1 4:18

Kaa min tɛnɛn nə́ n dinin koa, ǹ nə́ taasɛ mà ma a re die n yii koe ka li doo wa.

Korɛnti1 4:6

Ma dɔɔ̃nɔn lɛn, ma boo mɛn da sisia, man má bɛ zɔɔ̃ Apolɔɔsi laanka ma din ganaa, máa ka n daraa bɛ lɛ ganaa wɔ dinin li: «Màn mɛn bɛ́ kiɛ̃ nɛ, ka nyan sii zɛnaa ka bɛ la bɔ-n wa.» Min kɔ́n doamaa bie a n din koa, ka minin-daraali goon a sii ni, a ǹ miã kɔsɔ baa zɔ́ɔ wa.

Korɛnti1 5:2

Ka n tɔn piɛ̃-n ka din-koa nɛ! A n kɔnboe ka pã ka foo-ziziɛ̃ nɛ. Min mɛn bɛ́ á sii kɛ lɛ zɛnaa, bɛ̀ ka doamaa nɛ ka bɛ loo ka bɔ ka bii.

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Korɛnti1 8:2

Bɛ̀ min taasɛ a yiri ni, mà asɛ á màn kɛ doɛ̃, a tɔn bɛa màn lɛ dɔ̃, ka a bɛ́ kɔnboe a dɔ̃ lɔn wa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Korɛnti1 8:7

Sɛnɛ, min tumaa tɔn bɛa sonbore kɛ dɔ̃ wa. Haalɛ tɔn pelo, a bɛ́ á ǹ tɛnɛn lɛ-mui sii baa, maǹ tɔn woe dì *wúlu bɔ ǹ bǎã nɛ, bɛ̀ ǹ tá tɔn dì wúlu bɔ ǹ siĩ soɛ̃, ka n pɛ mà bɛa siĩ lɛ n dì lɛ din wɔ lɛa. Ǹ gɔ́ɔ̃gɔ́ɔ̃ ǹ taasiɛ bɛ́ a tɛ wa, bɛa màn-bii kɛ lɛ n *gɔ̀ loe ǹ ganaa gɔrɔ.

Efɛɛzi minin 4:16

A din nə toɛ, gù totoron mɛnɛn bɛ́ gɔ̀nɔn ganaa, ǹ nə́ doa-n kɔn ka kaka gɔ̀nɔn goon lɛa, didie tumaa tá a din a doa kɔn-a ǹ bǎã nɛ. Ka bɛ nɛ, bɛ̀ gù gogoon tumaa tá a dí nyɛɛ, ka a bɛ́ kɔnboe-n lɔn, gɔ̀nɔn lɛ tumumaa n gole koe, màn nə́ miɛ li ka kɔn-narɛɛ nɛ.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.

Sii-nyaan 2:20

«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.