Korɛnti1 6:11 - LAWA A BOO SONBORE

¹¹ Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

LAWA A BOO SONBORE 2011

¹¹ Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Korɛnti1 6:11 ပူးပေါင်းရင်းမြစ်များ

Loen 51:2

Davida naarɛbaa mɛn zɛnaa kun ka Basebaa nɛ, Lawa a boo gii-dali Natan woo a piɛ a sii-a, loe lɛ n woe kun ka bɛ nɛ.

Loen 51:7

Dinin, ma dan bɛ́ maa nɔ̀ nɛ, bɛ̀ man sii baraa-zɛnaali lɛa gɔrɔ, man má yɛ ka sii baraa nɛ.

Suusun 30:12

«Min tɛnɛn man taasɛ mà sɔ̀n ba ǹsɛn ganaa wa, a da yaa ǹ gɔ̀ pii ǹ nə́ bɔ ǹ dinin ganaa wa.

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Lawa a wúlu-bɔlen 14:48

Sɛnɛ, bɛ̀ wúlu-bɔle lɛ ga kion lɛ ganaa, bɛ̀ màn mɛ sulii bǎã lɛ li kion lɛ a wusoo a tɔrɛɛ kio wa, wúlu-bɔle lɛ pɛ mà kion lɛ á yoreene. A giala, sulii bǎã lɛ nya á n bɔ a ganaa.

Lawa a wúlu-bɔlen 8:6

Bɛ kio, Muizu lɛ dia Aarɔn laanka a nɛgiĩn la, á landa a zoo kɛ wɔ ǹ ganaa.

Matiə 20:4

Á tɔ́n pɛ ǹ nɛ: «Ka dɔn nə wo dí nya maa wuru-n, màn mɛn bɛ́ kɔnpii kaa saraa nɛ, ma á die bɛ koe ka la.»

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Zaã a sɛ́wɔ 13:10

Yezu tɔ́n pɛ nɛ: «Bɛ̀ min mɛn nə́ n zoo, bɛ na á *yoreen kɔ, ǹ dɛnaa laadoo ba a ganaa a n paǹ kɔ́n pii doo wa, yǎa a gòãn, a giala, ǹ dɛnaa bɔ yoreen ne. Kasɛn kɛn tá yoreen ne, sɛnɛ, ka dinin tumaa bie wa.»

Zaã a sɛ́wɔ 13:8

Piɛrɛ tɔ́n pɛ nɛ: «Boɛɛ wa! N ba masɛ gòãn pii wa!» Yezu mà Piɛrɛ ganaa: «Bɛ̀ man gòãn pii wa, n màn kɔ́n gii ba kun ka masɛ-n doo wa.»

Zaã a sɛ́wɔ 5:4

A giala, Dɛnaa a dia dí-a wole goon nə gisĩ mu yala lɛ nɛ, bɛ̀ a bìn da mu lɛ ganaa. Bɛ̀ á bìn da mu lɛ ganaa, min mɛn bɛ́ re n doe li bibinaanɛ, bɛa dɛnaa a busu n nyɛɛ, haalɛ ta a n lɔn.]

Nya ǹ dín 13:39

Sɛnɛ, bɛ̀ ka golee Yezu li, Lawa á die kaa sii baraan tumaa toɛ ka nɛ.

Nya ǹ dín 22:16

Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Rɔmu minin 3:24

Sɛnɛ, Lawa makara bɔ ǹ ganaa, á wusoo á lɛ kɔ ǹ ganaa. Bɛ n bǐɛ̃baa ǹ màn gole lɛa á kɔ kooro. Á wɔ bɔ sii baraa pàã giulun, ka Yezu Krita barka nɛ.

Rɔmu minin 4:5

Sɛnɛ, Lawa wɔ ba miɛ̃ wa. Lawa n giɛ golee Lawa li ganaa. Ta nya ǹ dí na a ba min lon á nyɛɛ wa, bɛ̀ á daa yaa, ǹ dɛnaa golee Lawa a zɛ̀rɛ bɔ sii baraa zɛnaali ganaa ǹ dí kɛ lɛ li, Lawa n lɛ koe ǹ dɛnaa ganaa min pepere lɛa, a goleemali kɛ lɛ a lɛa.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 5:9

Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

Rɔmu minin 8:30

Lawa din bɛ́ á min mɛnɛn kaa ǹ gɔrɔn, a din na á bɛn bíi, mà ǹ na asɛ a minin baa. A min mɛnɛn bíi, a din na á lɛ kɔ bɛn ganaa min peperen lɛa. A din lɛ kɔ min mɛnɛn ganaa min peperen lɛa, á gugurubaa kɔ bɛn la.

Rɔmu minin 8:33

Lawa din min mɛnɛn bɔ, die n die bɛn zɛ̀rɛ biɛ? Min kɔ́n, a giala, Lawa dinmaa nə ǹ biɛ min peperen lɛa.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 3:11

A n foaã dinin, Lawa a lɛ koe min kɔ́n ganaa min pepere lɛa, dí-pɛn lɛ-sii taman yii wa. A giala a tá kiɛ̃ nɛ: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Galaasi minin 3:24

Bɛa yɔrɔ kɛ lɛ la kəni, dí-pɛn lɛn man nə́ goã wɔ lɛduə̃li lɛa. Wɔ n wɔ́ goã n yii diɛ Krita a daa la, ń giɛ wɔ á min peperen biɛ Lawa yɔrɔ-a wɔa goleemali a lɛa.

Galaasi minin 3:8

Lawa a sɛ́wɔ wɔ yiri da a-n lɛlɛ, mà Lawa á re lɛ koe tɔrɔ kɔsɔn ganaa min peperen lɛa ǹ goleemali taman yii. Bɛ lɛ nɛ, á saa lɛlɛ á boo kɔɔ̃n kɛ pɛ Abrahamu ni: «Lawa á re barka diɛ kanaa minin tumaa ganaa n lɛa.»

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Efɛɛzi minin 5:8

Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

Tesaloniki2 2:13

Dɔɔ̃nɔn lɛn, Dɛnaa bɛ́ á kasɛn mɛnɛn narɛ, wɔsɛn kɛn doamaa nɛ, wɔ barka da Lawa-n biikoo tumaa li kaa lɛa. Lawa na á ka bɔ bibinaanɛ, á n die ka kirisibiɛ. A n die ka kirisibiɛ, a giala, ká a wɔn baa ka a Yiri barka nɛ, ká golee Lawa a sonbore dɔ li.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 2:11

A giala, Yezu mɛn bɛ́ *gɔ̀ boe minin-a, ka minin mɛnɛn bɛ́ gɔ̀ nə́ n bɔ ǹ ganaa, bɛn tumaa n boe Díi goon ne. Bɛ lɛ na á toa, a ba sìi lɛa Yezu lɛ ganaa, a kɛn lɛn bíi mà asɛ dɔɔ̃nɔn wa.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Zaã1 2:12

Maa nɛnyaanan lɛn, man sɛ́wɔ diɛ ka la, a giala, kaa sii baraan nə́ n toa ka nɛ Krita tɔ ganaa.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.