Korɛnti1 6:10 - LAWA A BOO SONBORE

¹⁰ wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

LAWA A BOO SONBORE 2011

¹⁰ wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Korɛnti1 6:10 ပူးပေါင်းရင်းမြစ်များ

Suusun 7:27

Bɛ̀ n woo a li, ma nə́ n woo gɛ̀ li, ma nə́ n woo geren piɛ.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Zeremii 7:11

Kion ke ma tɔ n la, ka n bɛ biɛ wurumun susu ǹ bǎã lɛa? Ma yii n bɛ lɛ ganaa sɛn! Masɛ Dɛnaa Lawa a da ǹ boo ne.

Ezekieli 22:13

«Á ke, ma nə n gɔn pepere ka li, a giala, kaa màn kɛ lɛ ká yɛ, ka n ká mɛnaa minin la, ka n ká gɛ̀ dɛ.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Matiə 21:19

Á gɔ́rɔ da kɔ́n yɛ zii para-a, á kanaa á ga ǹ dan la, a màn kɔ́n yɛ wa, bɛ̀ á n bɔ a luu ni. Yezu tɔ́n pɛ gɔ́rɔ da lɛ nɛ: «Nsɛ kɛ a nɛ koe doo duduu wa.» A din bǎã-n gɔrɔ, gɔ́rɔ da lɛ laa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:33

Kɔrɔkan tɔrɔn, min babaraan kɛn! Ka n die siɛ lɔn ka tɔn kanbaa Sɛtaan a piɛ a dɔlɔ kɛ ganaa?

Zaã a sɛ́wɔ 12:6

Zudaasi bɛ́ á bɛ pɛ, a bie ka a nə n gɔ́ɔ̃ bii doobaan sii-n wa, sɛnɛ, wurumu ni. A giala, a din na á goã wɔrɔ koɛ. Bɛ̀ ǹ nə́ wɔrɔ mɛn kaa màn nɛ, a n bɛ koɛ̃.

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Korɛnti1 15:50

Ma dɔɔ̃nɔn lɛn, ma bɛ́ boo mɛn pii ka nɛ, bɛ á ke: màn mɛn nə n zɛnaa siĩ lɛa ka mà nɛ, bɛ gii ba *Lawa a kiibaa ǹ bǎã-n wa. Màn mɛn dɔ bɛ́ giɛ̃, bɛ gii ba nyin nyabaã kɛ-n ma.

Korɛnti1 5:11

Man máa min mɛn tumaa bɛ́ ka Lawa nyankɔ ǹ tɔ ná a ganaa, a n din kũ doɛ̃baã wole lɛa, a n yii bɔ miã gɔn màn li wole lɛa, a n dì wúlu-bɔle lɛa, a n minin tɔ-ziziɛ̃li lɛa, a n yɔ-mili baraa lɛa, á n wurumu lɛa, ka nyan kaa sii kɔ́n kaa kun ka bɛn nɛ wa. Ka a kɔnboe, ka màn din bii kun ka bɛ miã min kɛ-n wa.

Galaasi minin 5:21

Maǹ yii bɔ miãn gɔn màn li wolen lɛa, ǹ nə́ n dinin koe yɔ mi á la yii-n la, ǹ nə́ basaã-kɔlen lɛa, ka bɛ miã sii kɔsɔn dɔn nɛ. Man wusii ka yiri diɛ a-n kanna doo, ka ma bɛ́ má pɛ ka-n lɔn lɛlɛ, máa bɛ miã min kɛ kɔ́n ba *Lawa a kiibaa ǹ bǎã yii kíɛ̃ lɛa wa.

Efɛɛzi minin 4:28

Bɛ̀ min mɛn tá wurumu biɛ, a wurumubaa lɛ da, a dí nya ka a din gɔnɔn nɛ, a n din too ne peperebaa la, a màn yɛ a doobaan dɔn gɔ.

Efɛɛzi minin 5:5

Ka dɔ̃ taãnɛ, mà kɔrɔbaali ni, min gɔgɔrɛ nɛ, hinlaa yii mu-mili ni, mà bɛa minin kɛn kɔ́n gii ba Krita laanka *Lawa a kiibaa kɛ-n wa. Yii a mu mi màn li n goon ka dì guguru-kɔ nɛ.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Piɛrɛ1 4:15

Ma nyín siére ka nɛ, ka kɔn baran fuu yɛ gɛ̀-dɛ a lɛa wa, ka wurumubaa hinlaa basaã-kɔlebaa a lɛa-n wa, hinlaa wɔ min kɔsɔ a sii ni a lɛa wa.