Korɛnti1 5:8 - LAWA A BOO SONBORE

⁸ Ka daa wɔ zɔ́n lɛ zɛnaa ka buuru ni, ǹ mɛn bɛ́ yɔ bù ná a ba li wa, wɔ nyan zɛnaa ka yɔ bù zizi-n li wa. Bɛ giala mà wɔ n kɔnboe, wɔ sii baraa laanka din kũ doɛ̃baã siin kɛn kaa, wɔ goã yoreenbaa laanka sonbore gɔ́ɔ̃ nɛ.

LAWA A BOO SONBORE 2011

⁸ Ka daa wɔ zɔ́n lɛ zɛnaa ka buuru ni, ǹ mɛn bɛ́ yɔ bù ná a ba li wa, wɔ nyan zɛnaa ka yɔ bù zizi-n li wa. Bɛ giala mà wɔ n kɔnboe, wɔ sii baraa laanka din kũ doɛ̃baã siin kɛn kaa, wɔ goã yoreenbaa laanka sonbore gɔ́ɔ̃ nɛ.

Korɛnti1 5:8 ပူးပေါင်းရင်းမြစ်များ

Loen 32:2

Dɛnaa Lawa bɛ́ a ba min mɛn kuĩ a sii baraa li wa, min mɛn bɛ́ a ba sii duri a gɔ́ɔ̃-n wa, bɛa dɛnaa wɔ na á bǐɛ̃ kɔ.

Loen 42:4

Bɛ̀ ǹ tá pii ma nɛ lɛawaa tumaa li, mà n Lawa lɛ á maa kəni? Penleen laanka tèlò ne, masɛ wɔ n ka yii mu ni.

Bɔ bɛ̀rɛbaa nɛ 12:15

Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li.

Bɔ bɛ̀rɛbaa nɛ 12:19

Lɛawaa sɔbaa lɛ gɔ́ɔ̃ nɛ, yɔ bù baran yɛ kaa kionən ne wa. Min mɛn bɛ́ re buuru yɔ bùdɛnaa soɛ̃, ta tii ni, hinlaa kɛnaa nɛ, bɛ á re n boe, a n bɔ Izirayeli nɛnyaan zaman lɛ li.

Bɔ bɛ̀rɛbaa nɛ 12:8

Tɔɔ lɛ siĩ nə n paparɛ, a n sɔ̃ bɛa tèlò lɛ nɛ, ka buuru ni, yɔ bù ná a ba li wa, ka buu kɔɔsɛn nɛ.

Bɔ bɛ̀rɛbaa nɛ 13:6

Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa sɔbaabaa ǹ wɔ pinaa die a zɔ́n baa, ka zɛnaa Dɛnaa a lɛa.

Bɔ bɛ̀rɛbaa nɛ 13:7

Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. Min yii baran mɛ yɔ bù buuru ganaa wa. Min yii baran mɛ yɔ bù ganaa gána lɛ din tumaa gɔ́ɔ̃-n wa.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 30:29

Kasɛn Zeruzalɛmu minin, ka á re loe loe ka zɔ́n pinaa tèlò wɔ bɛ́ lɔn. Ka foo á re kɔɔ̃n koe ka min mɛnɛn bɛ́ tɔ we pìi wuu li woe Dɛnaa Lawa a kele la, woe Lawa, Izirayeli a gɛ̀fu li.

Lawa a wúlu-bɔlen 23:6

A din mui lɛ a lɛawaa fulusoorobaa ǹ wɔ pinaa, *yɔ bùbaã buuru zɔ́n nə n giala koe, masɛ Dɛnaa Lawa tɔ bɔ a lɛa. Lɛawaa sɔbaa gɔ́ɔ̃ nɛ, ka bɛ́ re buuru mɛn soɛ̃, yɔ bù nyan goã li wa.

Matiə 16:12

Bɛa biikoo li, ǹ ná a giala ma, mà a n boo diɛ Fariziɛ̃n laanka Sadusɛɛ̃n yiri baraa kɔ minin la wɔ gɔn la, mà a bie á pɛ mà ǹsɛn nə n parabaa ka buuru zɛnaa ǹ yɔ bù-n wa.

Matiə 16:6

Yezu tɔ́n pɛ ǹ nɛ: «Haya, ka n parabaa Fariziɛ̃n ǹ yɔ bù ganaa, ka n parabaa Sadusɛɛ̃n ǹ yɔ bù ganaa!»

Marki 8:15

Yezu tɔ́n nə n gɔn waa ǹ nɛ kɛnɛn: «Haya, ka n parabaa Fariziɛ̃n yɔ bù ni, ka n parabaa kii Erɔdi a yɔ bù ni.»

Luku 12:1

Bɛa biikoo kɛ lɛ li, min gigigã nə́ n lɛ sɔkɔn ka ǹ daa ǹ tɔ wɔ kɔn gòã la. Yezu ná a giala kɔ á pɛ a kialandɛnan man bɔrɔ: «Ka n parabaa *Fariziɛ̃n yɔ bù kɛ nɛ, bɛ giala mà ǹ boo da ka ǹ lɛ-n ke, a ná a ba ǹ gɔ́ɔ̃-n wa.

Zaã a sɛ́wɔ 1:47

Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»

Korɛnti1 3:3

Bɛ n nyɛɛ mà ka n tɔn sii zɛnɛɛ, ka ga kanaa foo sii li wolen wɔ bɛ́ lɔn. Màn mɛn toa foo wuu-pɛn laanka zian tá tɔn ka bii, bɛ n nyɛɛ mà ka n ga kanaa foo sii li wolen lɛa, ka n tɔn sii zɛnɛɛ ka minbuiinbaa ǹ sii bɛ́ lɔn.

Korɛnti1 5:1

Ǹ tá pii, mà din kũ doɛ̃baã sii-zɛnaali tá ka bii. Haalɛ min kooron dinin ba lɛ koe ǹ bɛ miã zɛnaa wa. Maǹ pii mà min goon tá ka bii, á n kun ka ǹ di a lɔ nɛ!

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 8:8

Pàã bie ma á nyɛɛ ka-n wa. Sɛnɛ, man ka miãn din kɔ sii ganaa kɛ pii ka nɛ, máa ka dɔn nə kaa kɔn-narɛɛ kɛ a taãnbaa nyaa.

Efɛɛzi minin 6:24

Min mɛn tumaa bɛ́ Dɛnaa Yezu Krita narɛ taãn-taãnɛ, Lawa a bǐɛ̃ die a dɔ bɛn tumaa ganaa.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Timəə dí-pɛn 16:3

Yɔ bù bɛ́ buuru mɛn li, ka nyan bɛ sɔ̃ kun ka bɛa zɔ́n lɛ a màn-bii-n wa. Yɔ bù bɛ́ a ba buuru mɛn li wa, ka bɛ sɔ̃ lɛawaa sɔbaa gɔ́ɔ̃ nɛ. Nɔmaa ǹ buuru ni, a giala, ka n ká soo Ezipti gána-n ka fuu ni. Bɛ̀ ka á bɛa buuru lɛ soɛ̃, ka n yiri kɔ kaa soo Ezipti gána-n lɛ li, kaa yiikoonaabaa lɛawaan tumaa gɔ́ɔ̃ nɛ.

Zozoe 24:14

Zozoe tɔ́n pɛ Izirayeli minin lɛn manɛ kɛnɛn: «A bɛ́ miɛ̃, ka nyɛ́ɛ baa Dɛnaa Lawa nɛ, ka dí nya nɛ ka ka foo tumaa nɛ, ka bɔlɔgoondɛnaabaa nɛ. Ka digolon bɛ́ ǹ nə́ goã dìn mɛnɛn guguru koe Efrati tà kio, hinlaa Ezipti gána nɛ, ka bɛn goa ka ǹ bɔ ka li, ka dí nya Dɛnaa Lawa nɛ.

Piɛrɛ1 4:2

Biikoo gialakun mɛn bɛ́ ka gɔn, ka n die zɛnɛɛ kanaa, ka baran bɛ zɛnaa doo a kɔnpɛ ka minbuiinin dùũ sii babaraan kɛn nɛ wa, sɛnɛ, ka zɛnaa a kɔnpɛ ka Lawa dùũ ni.