Korɛnti1 5:1 - LAWA A BOO SONBORE

¹ Ǹ tá pii, mà din kũ doɛ̃baã sii-zɛnaali tá ka bii. Haalɛ min kooron dinin ba lɛ koe ǹ bɛ miã zɛnaa wa. Maǹ pii mà min goon tá ka bii, á n kun ka ǹ di a lɔ nɛ!

LAWA A BOO SONBORE 2011

¹ Ǹ tá pii, mà din kũ doɛ̃baã sii-zɛnaali tá ka bii. Haalɛ min kooron dinin ba lɛ koe ǹ bɛ miã zɛnaa wa. Maǹ pii mà min goon tá ka bii, á n kun ka ǹ di a lɔ nɛ!

Korɛnti1 5:1 ပူးပေါင်းရင်းမြစ်များ

Siin Giala 35:22

Izirayeli bɛ́ bɛa bǎã lɛ nɛ, a nɛgiĩ Urubɛn giã kun ka a bɛ̀rɛlɔ Biilaa nɛ ǹ kɔ́n pinaa. Izirayeli ma, á busu a ganaa parsiini. Zakɔba na á nɛgiĩ fulupaa yɛ.

Siin Giala 37:2

Zakɔba a nɛnyaanan boo n ka kɛ nɛ. A nɛ Zozɛfu lɛ̀ fulusɔbaa nɛ, á goã sèren laanka bòen lɛduĩ, ka ǹ di a lɔ Biilaa laanka Zilpaa a nɛnyaanan nɛ. Bɛn nɛnyaanan lɛn nə́ goã ǹ piɛ̃ bɔ ǹ boon mɛnɛn diɛ, a n goɛ̃ bɛ̀ a da bɛn pɛ ǹ di Zakɔba nɛ.

Siin Giala 49:4

Tà mu bɛ́ n lɔlɛkɔn lɔn, n dɔ n sii lɔlɛkɔn miɛ̃. Bɛ lɛ n ke, n ba re nyɛɛnaandɛnaabaa yii wa. A giala, ń ma yii puusə kɔ, ń giã kun ka maa lɔ nɛ, ma din a waa ǹ pìi la.

Samayeli2 16:22

Ǹ nə́ mɔnaa kion goon doa Abusalɔn wɔ lɛa kala-n. Abusalɔn woo n dɔ bɛ lɛ nɛ, á giã kun ka ǹ di a lɔ kɔsɔn lɛn nɛ, Izirayeli minin tumaa yii ni.

Samayeli2 20:3

Davida nə́ n bɔyaa á daa piɛ Zeruzalɛmu. A goã á lɔ fù mɛn toa piɛ, mà ǹ ga kion walan, á bɛn waa á ǹ kaa kion kɔn nɛ, á min koa ǹ li, bɛ ń giɛ ǹ walan taãn-taãnɛ. Davida din na á goã ǹ laadoo mànan koe ǹ la. Sɛnɛ, a giã kunun ǹ ni doo wa. Ǹ dɔn man nə́ goã kion miɛ̃ ka lɔ giɔɔrɔn manɛ, yǎa á woo kaa ǹ gɛ̀ pinaa lɛ.

KZS1 5:1

Urubɛn na á goã Izirayeli a nɛgiĩ bibinaa lɛa. Sɛnɛ a bɛ́ á giã kun ka ǹ di a lɔ goon nə́, a goledɛnaabaa lɛ na á dɔ Izirayeli a nɛgiĩ Zozɛfu a nɛgiĩn ganaa, Zozɛfu lɛ dɔ n Izirayeli a nɛ goon lɛa. A bɛ́ á n baa miɛ̃, ǹ goã giɛ Urubɛn ganaa nɛgiĩ gole lɛa doo wa. Zudaa sɛ màn gole baa á la ǹ dɔɔ̃nɔn lɛn manɛ. A din lɛ tɔrɔ goon na á Izirayeli gána a kii baa. Sɛnɛ, a laanka bɛ yii ni, nɛgiĩ goledɛnaabaa na á dɔ Zozɛfu ganaa. Zakɔba a nɛgiĩ bibinaa Urubɛn lɛa nɛgiĩn man ka kɛn nɛ: Anɔɔki ni, Paluu ni, Ɛsirɔn nɛ, ka Karmii ni.

Zeremii 2:33

Ǹ bɛ́ san boe lɔn, n tá bɛ yɔrɔ doɛ̃. N tá boe la dɔn dinin n nə n miãn daraa baraa zɛnaa ganaa!

Ezekieli 16:47

N bie n kɔ ǹ zɛnaa ǹ siin kɛn dininsɔɔ̃nɔn lɛ wa, n bie n sii bɔbɔnɛɛn kɛn dininsɔɔ̃nɔn zɛnaa wa. A n ka ma nə n màn kɔn din zɛnaa wa. N zɛnaa ǹ sii lɛ baraa kɔ á la ǹ wɔ nɛ.

Ezekieli 22:10

Minin man giɛ̃ kun ka ǹ daanan nɛ, ta lɔ dɔ a lɛawaa na a ganaa, maǹ giɛ̃ kun ni.

Lawa a wúlu-bɔlen 18:8

Min kɔn baran toa a giã kun ka ǹ di a lɔ kɔsɔ-n wa. Bɛ̀ min mɛn bɛ zɛnaa, ǹ dɛnaa na á sìi da ǹ di ganaa.

Lawa a wúlu-bɔlen 20:11

Bɛ̀ giĩ mɛn giã kun ka ǹ di a lɔ nɛ, a n goon ka a na á sìi da ǹ di ganaa. A din laanka lɔ lɛ nɛ, ka ǹ paanan dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.

Amɔɔsi 2:7

Ǹ bɛ́ giɛ sii mɛn li, bɛ n ka kɛ nɛ: maǹ sìi diɛ doobaa ganaa. Maǹ mɛnɛɛ nɔmaa-wɔle la. Nɛ laanka ǹ di n paɛ̃ nɛniɛ goon ganaa, maǹ bɛa sii lɛ zɛnɛɛ, ǹ nə́ ma tɔ sonbore kɛ ziziɛ̃ nɛ.

Nya ǹ dín 15:20

Ka daa wɔ sɛ́wɔ kiɛ̃ kooro wɔ pɛ ǹ nɛ, mà ǹ nə n na ǹ nə n bɔ dì wúlu-bɔ ǹ siĩn ganaa, ka naarɛbaa nɛ, ka tɔɔ bɔlɔ-yui wole siĩn ni, ka màn mà nɛ.

Nya ǹ dín 15:29

Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. «Wɔsɛn boo yii n ka bɛ nɛ.»

Korɛnti1 1:11

Taãn nɛ, ma dɔɔ̃nɔn lɛn, Klowee a kion minin man nə́ pɛ ma nɛ, mà kɔn liere-kɔn tá ka bii.

Korɛnti1 5:11

Man máa min mɛn tumaa bɛ́ ka Lawa nyankɔ ǹ tɔ ná a ganaa, a n din kũ doɛ̃baã wole lɛa, a n yii bɔ miã gɔn màn li wole lɛa, a n dì wúlu-bɔle lɛa, a n minin tɔ-ziziɛ̃li lɛa, a n yɔ-mili baraa lɛa, á n wurumu lɛa, ka nyan kaa sii kɔ́n kaa kun ka bɛn nɛ wa. Ka a kɔnboe, ka màn din bii kun ka bɛ miã min kɛ-n wa.

Korɛnti1 6:13

Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

Korɛnti1 6:18

Ka baa si din kũ doɛ̃baã nyɛɛnɛ! A giala, mà min bɛ́ sii baraa gialakun mɛn kɔsɔ zɛnɛɛ, mà bɛ n kanaa, a we a gɔ̀nɔn nɛ wa. Sɛnɛ, min mɛn bɛ́ n din koe din kũ doɛ̃baã sii la, bɛ n sii baraa zɛnɛɛ a din gɔ̀nɔn kɛ nɛ.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Korɛnti2 12:21

Ma bɛ́ re die boe ka li, nyɛ́ɛ tá ma ganaa, máa Lawa nyan ma kiɛɛrɛ kɔ ka yɔrɔ-a, ma wuu pɛ kaa min damata a sii ganaa wa. Ǹsɛn mɛnɛn nə sii baraa zɛnaa lɛlɛ, ma ba li ma wusoo ma da ǹ yaa miɛ̃ wa. Man zoɛ̃ máa ǹ nə n gɔ́ɔ̃ binyəə, ǹ nə́ n bɔ ǹ gɔgɔrɛbaa nɛ, ka ǹ din kũ doɛ̃baã nɛ, ka ǹ kɔrɔbaa ǹ sii kɔsɔn nɛ.

Korɛnti2 2:5

Bɛ̀ min foo-ziziɛ̃ ǹ sii zɛnaa, a bie masɛ dinsɔɔ̃ foo ziziɛ̃ wa, sɛnɛ, a n ka tumaa wɔ ziziɛ̃. Bɛ̀ a pɛ miɛ̃ kɛ la yii ni, a n ka tɛnɛn wɔ ziziɛ̃ sɛn.

Korɛnti2 7:12

Ta bɛ nɛ, ma bɛ́ má sɛ́wɔ kɛ dia ka la, min mɛn bɛ́ á sii la, ma bie má dia bɛa lɛa wa, a sii la min mɛn dɔ la, ma dia bɛ dɔ a lɛa wa. Sɛnɛ, man máa ma sii bɛ́ kaka ka ganaa lɔn, ka boo la ka bɛa foaãbaa dɔ̃ Lawa yɔrɔ-a.

Galaasi minin 5:19

Gɔ̀nɔn foo siin bɛ́ n zɛnɛɛ lɔn ǹ tá n doɛ̃: kɔrɔbaa nɛ, *gɔ̀ sii zɛnaa nɛ, din kũ doɛ̃baã nɛ,

Efɛɛzi minin 5:3

Ka bɛ́ Lawa a zaman minin lɛa, a kɔnboe ka yɔrɔ kɔ́n nɛ, kɔrɔbaa nɛ, gɔgɔrɛbaa nɛ, ka yii mu mi ni, bɛ kɔ́n boo ma ka bii dinin wa.

Timəə dí-pɛn 27:20

Bɛ̀ min mɛn giã kun ka ǹ di a lɔ nɛ, bɔ̀n na á bɛa dɛnaa yɛ! A giala, a na á wɔ ǹ di lɛ lon! Bɛ kio, zaman lɛ tumaa pɛ: «A n miɛ̃!»

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Sii-nyaan 2:21

Má biikoo kɔ la máa a wusoo a sii baraan kio, sɛnɛ, a lɛ koe a tá a kɔrɔbaa ǹ siin lɛn kiɛ wa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Samayeli1 2:24

Mà asɛ nɛnyaanan lɛn ganaa, mà ǹ bɛ lɛ da. A giala, mà asɛ bɛ́ boo mɛn miɛ pɔpɔpɔ nɛ, Dɛnaa Lawa a zaman lɛ-n, mà bɛ́ a siĩn wa.