Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Korɛnti1 4:21 - LAWA A BOO SONBORE

21 Ka ǹ kɛ mɛn boe kəni? Ma da ka ganaa ka bàbàla nɛ, hinlaa ma da ka ganaa ka kɔn-narɛ ǹ foo ne, ka foo-basiɛ̃ nɛ?

အခန်းကိုကြည့်ပါ။ ကော်ပီ

LAWA A BOO SONBORE 2011

21 Ka ǹ kɛ mɛn boe kəni? Ma da ka ganaa ka bàbàla nɛ, hinlaa ma da ka ganaa ka kɔn-narɛ ǹ foo ne, ka foo-basiɛ̃ nɛ?

အခန်းကိုကြည့်ပါ။ ကော်ပီ




Korɛnti1 4:21
16 ပူးပေါင်းရင်းမြစ်များ  

Kaa min tɛnɛn nə́ n dinin koa, ǹ nə́ taasɛ mà ma a re die n yii koe ka li doo wa.


ka bɛa dɛnaa kɛ lɛ kɔ *Sɛtaan la, a na a gɔ̀nɔn siĩ ziziɛ̃, ń giɛ a telenboen tá kirisibiɛ Dɛnaa a lɛawaa pinaa.


Lawa n maa siére lɛa; bɛ̀ má soɛ bɔ, a ma nyin papaã. Man máa ma a die ka yii wɛ̃ wa, bɛ lɛ-n má pɛ máa ma a die Korɛnti bɔrɔ wa.


Bɛ̀ ká boo-sili peperen baa lɔn, man dɔlɔ boe boo-sili baãnaan tumaa ganaa gɔrɔ.


Dɛnaa din pàã mɛn kɔ ma la, ta má n din laakalaa ka bɛ-n boɛɛnɛ, bɛa sìi diɛ ma ganaa wa. Bɛa pàã lɛ n kaa sii a wo nyɛɛnɛ ǹ giala lɛa, a bie ka ziziɛ̃ wa.


Má Tiiti nyankɔ, máa a wo kaa piɛ kun ka wɔ dɔɔ̃n kɛ nɛ, má goã má a boo da ka nɛ. Ka á boe la ka pɛ mà Tiiti ka gɔn màn si ka la? Masɛ laanka asɛ nɛ, wɔa nya ǹ dí mìi goã goon wa? Wɔa giã ǹ gɔn goã goon wa?


Bɛ lɛ n toɛ, ma bɛ́ tɔn sɔsɔɔ ka ganaa, ma á siɛ lɛlɛ má n sɛ́wɔ kɛ diɛ ka la, ń giɛ bɛ̀ má daa ka li biikoo mɛn li, ma nyan sii zɛnaa ka-n ka baraabaa-n wa. Dɛnaa pàã mɛn kɔ ma la, a bie á kɔ ma la, mà ma dɔlɔ bɔ-n ka ganaa wa, sɛnɛ, mà a pàã kɔ ka la.


Má pɛ ka-n lɛlɛ, maa da ka li paabaa ǹ wɔ li, man wusii pii ka-n pelo doo, má n ma ba ka li wa, máa min mɛnɛn nə sii baraa zɛnaa lɛlɛ, bɛn laanka ka gialakun tumaa nɛ: Bɛ̀ má wusoo má daa, ma a re nyɛ́ɛ biɛ min kɔ́n yii-n wa.


Masɛ wɔ paǹ li, ma foo màn mɛn kũ, bɛ á ke: má pɛ máa ma a re wusii ma da ka li, ka foo-ziziɛ̃-n wa.


Bɛ lɛ na á toa, má sɛ́wɔ lɛ dia ka la, ka ma bɛ́ má zɛnaa lɔn. Man ma ba li máa bɛ̀ má dɔ kaa piɛ, min mɛnɛn doamaa bɛ́ ǹ ma foo kɔɔ̃n kɔ, bɛn nə ma foo-ziziɛ̃lin baa wa. Má golee li taãnɛ, máa bɛ̀ má foo kɔɔ̃nbaa yɛ, ka dɔn tumaa a foo kɔɔ̃nbaa nɛ.


Ma á boe la ma pɛ dinin, máa gugurubaa mɛn goã á yɛ lɛlɛ ke, máa bɛ ba n zoɛ̃ kɔn ka pelo wɔ a gole gole kɛ-n wa.


Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.


Wɔ bɛ́ *Krita a dia dí-a wolen lɛa, wɔ á boe la wɔ sii kɔ́n da ka mìi ni yǎa ka zɛnɛɛ wɔ nɛ. Sɛnɛ, wɔ n wɔ́ goã ka bii basiɛ̃nɛ a tɔ-a, ka nɛ ǹ dan bɛ́ a nɛnyaanan tamaɛ lɔn.


Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ