Korɛnti1 4:14 - LAWA A BOO SONBORE

¹⁴ Ma bie ma sɛ́wɔ kɛ miã dia ka la, ma á sìi diɛ ka ganaa wa. Sɛnɛ, man má dia ka la, man ka doree, ka ma din a nɛnyaanan bɛ́ lɔn ma nə́ ǹ narɛ.

LAWA A BOO SONBORE 2011

¹⁴ Ma bie ma sɛ́wɔ kɛ miã dia ka la, ma á sìi diɛ ka ganaa wa. Sɛnɛ, man má dia ka la, man ka doree, ka ma din a nɛnyaanan bɛ́ lɔn ma nə́ ǹ narɛ.

Korɛnti1 4:14 ပူးပေါင်းရင်းမြစ်များ

Ezekieli 3:21

Sɛnɛ, bɛ̀ n nə́ n gɔn waa min pepere lɛ nɛ, màn mɛn bɛ́ toɛ a baran sii baraa zɛnaa wa, bɛ̀ a sii baraa zɛnaa sonbore wa, a yii á re goɛ̃ koo, n gɔn waa nɛ lɛ taman yii. N dinmaa dɔ á re kirisibiɛ.

Nya ǹ dín 20:31

Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Korɛnti1 15:34

Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.

Korɛnti1 4:15

Sonbore ka á doɛ̃, ta min duu fù na á ka daraa Krita a siin ganaa, ka dí n goon toto. Masɛ din nə má Boo Tii Kɔɔ̃n kɛ pɛ ka nɛ, má kaa díi baa, má daa ka nɛ Yezu Krita ganaa.

Korɛnti1 4:17

Bɛ lɛ a lɛa nɛ, ma á Timote diɛ ka li. A n maa nɛ narɛɛ wole lɛa wɔa Dɛnaa wɔ gɔ́ɔ̃ nɛ, má foo n doa-n a ganaa. Ma dinmaa a giã ǹ gɔn bɛ́ lɔn, á re ka yiri diɛ bɛ nɛ, má ka daraa siin mɛnɛn ganaa, kaa tá kun ka Yezu Krita-n a lɛa, á re bɛn dɔn nyɛɛ ka nɛ. A din daraa ǹ gɔn goon ne, ma á pii bǎã tumaa nɛ Lawa a sɔmɔn gɔ́ɔ̃ nɛ.

Korɛnti1 6:5

Man kɛ pii ma á sìi diɛ ka ganaa. A bɛ́ miɛ̃ min kɔ́n na a ba kasɛn bii sii-dɔ̃li lɛa, a n boe la á siin yɔrɔ boe dɔɔ̃nɔn bii ni wa!

Korɛnti1 9:15

Sɛnɛ, masɛ tɔn bɛ miã màn kɛ kɔ́n yɛ ka li wa, ma bie sɛ́wɔ kɛ diɛ ka la, ma á nɔ̀n dɔ diɛ li wa. Bɛ̀ má gã gɔrɔ bɛ á soɛ! Min kɔ́n ba re boe la, a bɛa din-koa ǹ gɔn kɛ si ma la wa.

Korɛnti2 11:11

Bɛ giala mà wàa? Man ma a ka narɛ wa? Lawa din tá doɛ̃ mà ma á ka narɛ.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Korɛnti2 7:3

Ma bie boo kɛ pii ka nɛ, ma á kiri diɛ ka la wa. A giala, má saa lɛlɛ má pɛ, máa kaa sii n kaka ma ganaa, bɛ lɛ-n wɔ á kun baraanɛ yiikoonaabaa-n ka gɛ̀ gɔ́ɔ̃ nɛ.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Tesaloniki1 2:11

Ka á doɛ̃ dɔn, wɔ ǹ wɔ́ ka dinin gogoonmaa kũ, ka díi bɛ́ a nɛnyaanan kuĩ lɔn.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Tesaloniki2 3:14

Wɔ bɛ́ boo mɛn pii sɛ́wɔ kɛ nɛ, bɛ̀ min mɛn ba sii wa, ka n yiri koa bɛa dɛnaa li, ka baran n mɔrɔ a ganaa duduu wa, màn mɛn bɛ́ toɛ, sìi kũ.

Filemɔn 1:10

ma nə n nyankoe Onezimu wɔ gɔn la. Onezimu mɛn bɛ́, ma bɛ́ kòso-n kànaa, má Lawa a boo pɛ nɛ, á si á golee Lawa li, á n ka maa nɛ bɛ́ lɔn sisia.

Zaã1 2:1

Maa nɛnyaanan lɛn, man sɛ́wɔ kɛ diɛ ka la, máa ka baran sii baraa zɛnaa wa. Sɛnɛ, ta min mɛn na á sii baraa zɛnaa dinin, min mɛn bɛ́ boo diɛ wɔ a lɛa wɔ Di Lawa li, bɛ tan, Yezu *Krita pepere kɛ nɛ.

Zaã3 1:4

Bɛ̀ ma á miɛ, mà maa nɛnyaanan tá sonbore gɔ́ɔ̃ nɛ, màn kɔ́n ba kɔɔ̃n ma ganaa á dɔ bɛ li wa.