Korɛnti1 3:7 - LAWA A BOO SONBORE

⁷ A n miɛ̃, da-zumuli a màn kɔ́n lɛa wa, a mu-kaali a màn kɔ́n lɛa wa. Lawa dinsɔɔ̃ n màn lɛa. A din nə da lɛ gole koe.

LAWA A BOO SONBORE 2011

⁷ A n miɛ̃, da-zumuli a màn kɔ́n lɛa wa, a mu-kaali a màn kɔ́n lɛa wa. Lawa dinsɔɔ̃ n màn lɛa. A din nə da lɛ gole koe.

Korɛnti1 3:7 ပူးပေါင်းရင်းမြစ်များ

Loen 115:1

A ba wɔsɛn wɔ lɛa wa, Dɛnaa Lawa, gugurubaa ba wɔsɛn wɔ lɛa wa. Sɛnɛ, n kɔn-narɛɛ gole kɛa lɛa, n bǐɛ̃ duduu kɛ dɔ a lɛa, gugurubaa da n din tɔ la.

Loen 90:17

Dɛnaa Lawa, n die n barka da wɔ ganaa. N die n barka da wɔa nya ǹ dín ganaa, n nyan toa wɔa nya ǹ dí kooro baa wa.

Izayii 40:17

Tɔrɔn tumaa a kaa kun ba màn kɔn lɛa Dɛnaa Lawa yɔrɔ-a wa. Ǹ ba màn kɔn lɛa a yii li wa. Maǹ piɛ̃ lɛa a yɔrɔ-a.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Zaã a sɛ́wɔ 15:5

Masɛ n goon ka da kɔ́n nɛ, kasɛn man a gùrùn lɛa. Bɛ̀ min mɛn tá doa-n kɔn ka masɛ nɛ, masɛ dɔ́ n doa-n kɔn ka ǹ dɛnaa nɛ, bɛa dɛnaa á die sii gigiã zɛnɛɛ, a giala, ka a boe la ka sii kɔ́n zɛnaa, bɛ̀ masɛ sii ná a ba a-n wa.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 3:6

Masɛ n má màn zumu, Apolɔɔsi na á mu kaa a ganaa, sɛnɛ, Lawa din na a gole koe.

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 12:9

Sɛnɛ, a na á pɛ ma nɛ: «Maa bǐɛ̃-zɛnaa kɛ dinsɔɔ̃ tá n boe, a giala, man dɔmalɛ we n ne n pàãwɛɛnaabaa gɔ́ɔ̃ nɛ.» Bɛ lɛ n toɛ kanna, ma á n din kalɛɛ maa pàãwɛɛnaabaa gɔ́ɔ̃ nɛ, ń giɛ Krita a dɔmalɛ kɛ tá n koe ma lɛ.

Galaasi minin 6:3

Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.