Korɛnti1 3:5 - LAWA A BOO SONBORE

⁵ Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

LAWA A BOO SONBORE 2011

⁵ Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

Korɛnti1 3:5 ပူးပေါင်းရင်းမြစ်များ

Matiə 25:15

Á sana kuturu sooro kɔ ǹ goon la, á sana kuturu paa kɔ ǹ goon dɔ la, á sana kuturu goon kɔ ǹ sɔɔbaa ǹ wɔ la. Á didie wɔ kɔ la á kɔnpɛ ka a pàã lɛ dan nɛ. Bɛ kio, á woo zii ni.

Zaã a sɛ́wɔ 3:27

ZAÃ tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

Nya ǹ dín 18:24

Bɛa biikoo kɛ li Zuifu goon ne, a tɔ n Apolɔɔsi, a n boe Alɛksandrii kiwi, á daa á dɔ Efɛɛzi kiwi. A na á goã boo-doɛ̃ wole gole lɛa, á n daraa Lawa a boo lɛ ganaa taãn-taãnɛ.

Nya ǹ dín 19:1

Apolɔɔsi bɛ́ Korɛnti kiwi, Pooli Galaasi laanka Frizii gána a kele bǎãn wɔsɔ, á daa dɔ Efɛɛzi kiwi. Pooli woo kialandɛnan kɔnɔn yaa Efɛɛzi kiwi lɛ nɛ.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti1 16:12

Má wɔ dɔɔ̃n Apolɔɔsi nyankɔ taãn-taãnɛ, máa a da bɔ ka li kun ka wɔ dɔɔ̃nɔn lɛn nɛ. Sɛnɛ, a lɛ kɔ daa ganaa sisia wa. Bɛ̀ á biikoo yɛ, á re die boe ka li.

Korɛnti1 3:10

Lawa bǐɛ̃ mɛn baa masɛ la, man má kion lɛ gòã daa ka kion-dɔle taãn wɔ bɛ́ lɔn; kanna, min kɔsɔ dɔ n màn doe a lalan. Sɛnɛ, a n kɔnboe didie nə n yiri koa a wɔ a dɔ ǹ gɔn li.

Korɛnti1 3:22

Pooli ni, Apolɔɔsi ni, ka Piɛrɛ nɛ; kanaa din tumaa nɛ, yiikoonaabaa nɛ ka gɛ̀ nɛ, pelo ǹ ne ka bǐɛ̃ ǹ nɛ, ǹ dinin tumaa n kaa wɔ lɛa.

Korɛnti1 3:7

A n miɛ̃, da-zumuli a màn kɔ́n lɛa wa, a mu-kaali a màn kɔ́n lɛa wa. Lawa dinsɔɔ̃ n màn lɛa. A din nə da lɛ gole koe.

Korɛnti1 9:17

Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 3:3

Boo taãn nɛ, ka n sɛ́wɔ lɛa, *Krita din kiɛ̃, masɛ n má daa koa. A bie á kiɛ̃ ka sɛ́wɔ kiɛ̃ ǹ mu-n ma, sɛnɛ, a na á kiɛ̃ ka Lawa yiikoonaa a Yiri Fu ni. A bie á kiɛ̃ kɔlɔn ganaa wa, sɛnɛ, a na á kiɛ̃ minbuiinin foo ne.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Korɛnti2 4:7

Masɛ n goon ka gì tàan nɛ, gɔn màn sonbore kɛ n ma nɛ, màn mɛn bɛ́ toɛ ǹ dɔ̃, mà pàã gole mɛn tɔrɔ bɛ́ ma nɛ, mà Lawa din pàã nɛ, mà masɛ wɔ bie wa.

Korɛnti2 5:18

Bɛa sii kɛ tumaa n boe Lawa li, asɛ mɛn bɛ́ á wɔ kaa kun ka a din ni Krita pàã ganaa, á dí kɔ wɔ la, mà wɔ wɔ miãn kɔsɔn dɔn kaa kun ka asɛ nɛ.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Korɛnti2 6:4

Man sii tumaa zɛnɛɛ dinin, máa ǹ dɔ̃ mà Lawa a dí-nyali n ka ma nɛ. Man fuu sii ma ganaa parsiini ka foo-kũ ni. Sii kakan nə́ ma yɛ, ka gɔ́ɔ̃ bii ni.

Efɛɛzi minin 3:7

Lawa na á dí nya ka a din pàã nɛ. Á bǐɛ̃ zɛnaa ma nɛ, á ma bɔ á ma baa Boo Tii Kɔɔ̃n kɛ a laakalaali lɛa.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:25

Lawa din dí mɛn kɔ ma la, mà ma nya kaa lɛa, masɛ n má Lawa a sɔmɔ kɛ a dí-nyali baa bɛ lɛ taman yii. Lawa na á dí kɔ ma la, mà ma a din a boo kɛ pɛ, ma a lɛ pã.

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Piɛrɛ1 4:10

Lawa bǐɛ̃baa ǹ màn tɔtɔ mɛn kɔ ka gogoonmaa la, didie nə n doa a n dɔ ǹ miãn lɛ ka a wɔ nɛ, ka goã dí sonboren nyalin lɛa ka Lawa a bǐɛ̃baa ǹ màn tɔtɔ lɛ nɛ.