Korɛnti1 3:19 - LAWA A BOO SONBORE

¹⁹ A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

LAWA A BOO SONBORE 2011

¹⁹ A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Korɛnti1 3:19 ပူးပေါင်းရင်းမြစ်များ

Samayeli2 15:31

Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 16:23

Ayitofɛli goã doro ǹ boon mɛnɛn koe bɛa biikoo li, minin màn nə́ goã ǹ sii ka Lawa dinmaa na á ǹ pɛ. Ayitofɛli a minin doro ǹ boon lɛn tumaa na á goã miɛ̃. Ta a nə ǹ koe Davida la, ta a nə n koe Abusalɔn la, a din goon ne.

Samayeli2 17:14

Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Zɔbu 5:13

A n sii-dɔ̃lin kuĩ ka ǹ dinin zɛnaa ǹ sii ni. Baraa-zɛnaalin sii yɔrɔ bɔ a giala yii wa.

Loen 141:10

Toa min baraan kɛn kan nə ǹ dinin kũ, sɛnɛ, toa masɛ kanbaa a ganaa.

Bɔ bɛ̀rɛbaa nɛ 1:10

Ka daa wɔ ga yiri sonbore li, wɔ yoo ǹ gialaa wɔ ǹ kurəə mɔnaa ganaa. Bɛ bie wa, bɛ̀ zia yoo, maǹ die kiɛ kun ka wɔa zɔ́ɔn nɛ, ǹ zia da wɔ ganaa, ǹ tɔn soo ǹ nə n bɔ gána lɛ nɛ.»

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Suusun 14:8

Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Korɛnti1 2:6

A laanka bɛ nɛ, kaa min mɛnɛn yii fulu Lawa a zii gɔ́ɔ̃ nɛ, man má goã sii-doɛ̃ sii nyɛɛ bɛn manɛ. Sɛnɛ, kanaa kɛ a sii-doɛ̃ sii bie wa, pàãdɛnan mɛnɛn dɔn bɛ́ kanaa kɛ gɔ́ɔ̃ nɛ, ǹ nə́ ǹ tan ziziɛ̃ a lɛa, bɛn yiri kɛ dɔ bie wa.

Korɛnti1 4:6

Ma dɔɔ̃nɔn lɛn, ma boo mɛn da sisia, man má bɛ zɔɔ̃ Apolɔɔsi laanka ma din ganaa, máa ka n daraa bɛ lɛ ganaa wɔ dinin li: «Màn mɛn bɛ́ kiɛ̃ nɛ, ka nyan sii zɛnaa ka bɛ la bɔ-n wa.» Min kɔ́n doamaa bie a n din koa, ka minin-daraali goon a sii ni, a ǹ miã kɔsɔ baa zɔ́ɔ wa.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Zaaki 3:15

Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.