Korɛnti1 3:12 - LAWA A BOO SONBORE

¹² Ta min mɛn màn dɔ bɛa gòã-daa kɛ lɛ la, ka sana nɛ, ka wɔrɔgiala nɛ, ka gɛ̀fu sonbore ne, ta gɔn nɛ, ta buu ni, ta làpaa nɛ, ǹ tumaa á re yii foaãnɛ.

LAWA A BOO SONBORE 2011

¹² Ta min mɛn màn dɔ bɛa gòã-daa kɛ lɛ la, ka sana nɛ, ka wɔrɔgiala nɛ, ka gɛ̀fu sonbore ne, ta gɔn nɛ, ta buu ni, ta làpaa nɛ, ǹ tumaa á re yii foaãnɛ.

Korɛnti1 3:12 ပူးပေါင်းရင်းမြစ်များ

Loen 119:72

N landa boon kɛn tá soɛ masɛ gɔn á la wɔrɔ laanka sana duu damata nɛ.

Loen 19:10

Nyɛ́ɛ baa Dɛnaa Lawa-n lɛ n sii siĩn lɛa, bɛ lɛ n goɛ̃ yǎa duduu. Dɛnaa Lawa a sii yɔrɔ-bɔn man sonbore lɛa, a sii yɔrɔ-bɔ tumaa n pepere.

Bɔ bɛ̀rɛbaa nɛ 5:12

Zaman lɛ nə́ n pɛsɛ̃ Ezipti gána paǹ tumaa ganaa, ǹ nə́ ǹ tii ma ǹ buu lɛ goɛ.

Suusun 16:16

Sii-doɛ̃ á soɛ sana nɛ. Yiridɛnaabaa á soɛ wɔrɔ nɛ.

Suusun 30:6

N nyan màn kɔn da a boo li wa, bɛ bie wa, á re puri n ni, á re pii n ni mà ma n soɛ boe.

Suusun 8:10

Ka maa daraan kɛn narɛ a la wɔrɔ nɛ, ka doɛ̃ tamaa a la sana nɛ.

Izayii 60:17

Zan bǎã nɛ, man die ka sana nɛ. Fɔlɔ bǎã nɛ, man die ka wɔrɔ nɛ. Gɔn bǎã nɛ, man die ka zan nɛ. Kɔlɔ bǎã nɛ, man die ka fɔlɔ nɛ. Man lɛ diɛ là nyantoro la a n nyɛɛnaan bɔ, peperebaa mɛ n nyɛɛnɛ.

Zeremii 23:28

Lawa a boo gii-dali mɛn bɛ zoɛ̃ li a na a narɛɛn kalaa, a ǹ kalaa. Sɛnɛ, maa boo gii bɛ́ ǹ mɛn li, a da ka peperebaa nɛ. «Màn fofolo laanka màn nàn sonbore á goon?» Dɛnaa Lawa a da ǹ boo ne.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Korɛnti1 3:11

A giala, a gòã na á n daa ka Yezu Krita nɛ; min kɔ́n ba boe la, a na a gòã daa ka màn kɔsɔ-n wa.

Korɛnti1 3:13

Didie tumaa a nya ǹ dí a là á re yii kiri-kurii pinaa. Taãn nɛ, bɛa pinaa kɛ nɛ, maǹ die giɛ màn tumaa ganaa ka tɛ nɛ. Bɛa tɛ lɛ n die didie tumaa a nya ǹ dí a là nyɛɛ nɛ.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Kolɔɔsi minin 2:8

Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Timote1 6:3

Min tɛnɛn tá minin darɛɛ sii kɔsɔn ganaa. Ǹ da ǹ boo a kɔnpii ka wɔa Dɛnaa Yezu *Krita a boo sonboren kɛn nɛ wa, a kɔnpii ka wɔa goleemali ǹ daraa kɛ dɔ-n wa.

Timote2 2:20

Kion gole gɔ́ɔ̃ nɛ, sana mànan laanka wɔrɔgiala mànan dininsɔɔ̃nɔn bie ǹ tan wa. Màn tɛn tan gɔn lɛa, ǹ tɛn dɔ tan gì lɛa. Ǹ tɛn a nya ǹ dí na a tan a tɔ-a. Maǹ dí tumaa nyɛɛ ka ǹ tɛn dɔ nɛ.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Timote2 3:7

Maǹ daraa gɔ́ɔ̃-n biikoo tumaa li, sɛnɛ, ǹ ba tɔn boe la ǹ tá sonbore doɛ̃ wa.

Timote2 4:3

A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.

Sii-nyaan 21:18

Maǹ nə́ kungɔn lɛ dɔ ka gɛ̀fu tɔrɔ goon ne a n zɔzɔnɔ. Kiwi lɛ dinmaa gɔ̀nɔn nə ka sana bɛ́ lɔn, yoreen ne, yii n wɔlɔ yii a nɛ.

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.