Korɛnti1 3:10 - LAWA A BOO SONBORE

¹⁰ Lawa bǐɛ̃ mɛn baa masɛ la, man má kion lɛ gòã daa ka kion-dɔle taãn wɔ bɛ́ lɔn; kanna, min kɔsɔ dɔ n màn doe a lalan. Sɛnɛ, a n kɔnboe didie nə n yiri koa a wɔ a dɔ ǹ gɔn li.

LAWA A BOO SONBORE 2011

¹⁰ Lawa bǐɛ̃ mɛn baa masɛ la, man má kion lɛ gòã daa ka kion-dɔle taãn wɔ bɛ́ lɔn; kanna, min kɔsɔ dɔ n màn doe a lalan. Sɛnɛ, a n kɔnboe didie nə n yiri koa a wɔ a dɔ ǹ gɔn li.

Korɛnti1 3:10 ပူးပေါင်းရင်းမြစ်များ

KZS2 2:12

Kanna kəni man die giĩ goon diɛ n la, dí yɔrɔ doɛ̃ parasiini, Uramu-Abii, a yiri tan parasiini.

Bɔ bɛ̀rɛbaa nɛ 36:4

Bɛ lɛ nɛ, dí doɛ̃ wolen kɛn lɛn dín lɛn nyɛɛ, bɛn tumaa nə́ n gɔn bɔ ǹ nya ǹ dín ganaa gogoon.

Suusun 12:8

Maǹ min tɔ boe a yiriwoorobaa taman yii. Yirikɔkɔrɔdɛnaa wɔ n ka papaã nɛ.

Suusun 9:1

Sii-doɛ̃ bìbì sɔbaa dɔ, a ná a kion dɔ.

Boo-laakalaali 12:9

Minin-daraali lɛ goã sii-dɔ̃li lɛa, bɛ dɔ dinsɔɔ̃ bie wa, á wusoo doo á minin dɔn daraa sii-doɛ̃ ganaa. Á suusu gigiã sɔsɔ̃, á ǹ gɔsɛ, á ǹ zɛnaa.

Zakarii 4:9

«Zorobabeli Lawa a kion lɛ gòã daa. A din dɔ n die nyɔmiɛ̃.» Bɛ̀ bɛ nə́ n zɛnaa ǹ mɛn waáraa, ka á re doɛ̃ ka bɛ nɛ mà Dɛnaa Lawa Pàãyiidɛnaa na á ma dia ka li.

Matiə 24:45

Dí-nyali mɛn nə yiridɛnaa lɛa, á n bɔlɔgoondɛnaa dɔ lɛa? Ǹ mɛn bɛ́ a dɛnaagiĩ bɔ a koa ǹ miã dí-nyalin mìi la bɛ̀ a bɛ́ re woe zii ni, mà a ga ǹ walan, bɛ̀ a màn-bii kɔ ǹ la a biikoo li.

Matiə 7:24

Ma boon mɛnɛn da, bɛ̀ min mɛn nə́ n too kɔ ǹ ganaa, á ǹ si, bɛa dɛnaa n kɔnboe ka yiridɛnaa mɛn bɛ́ a ná a kion dɔ tataã la.

Luku 11:35

Bɛ lɛ nɛ, didie nə n foo lɛ bũ, a toa bolon fúlu kɛ wɔ a nɛ, màn mɛn bɛ́ toɛ, a gɔ́ɔ̃ baran tii wa.

Luku 21:8

Yezu nə́ ǹ lɛ si á pɛ: «Ka n dinin kũ, ka baran toa min kɔ́n nə ka yiri sã wa. A giala, min gigiã á re die ka masɛ tɔ nɛ. Ǹ didie á re pii mà asɛ din lɛ nɛ, ka tá n yii diɛ la, mà haya, mà biikoo lɛ pã kəni. Sɛnɛ, ka baran kɔ ǹ lɛ wa.

Nya ǹ dín 18:27

Apolɔɔsi bɛ́ mà a n woe Grɛki gána nɛ, dɔɔ̃nɔn lɛn ná a sii lɛ yɛ siĩni, ǹ nə́ sɛ́wɔ dia Lawa-nyankɔlen la walan, mà bɛ̀ á dɔ ǹ li mà ǹ kũ doɛ̃. A bɛ́ á dɔ, á dɔmalɛ gigiã wɔ Lawa-nyankɔlen lɛn manɛ walan, ka bǐɛ̃baa ǹ màn kɛ nɛ, Lawa kɔ la.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Rɔmu minin 15:15

Má sɛ́wɔ kɛ a paǹ tɛn kiɛ̃ ka boo kaka nɛ, a mìi n ka kɛ dinsɔɔ̃ nɛ: Ka bɛ́ màn mɛn doɛ̃ gɔrɔ ke lɛn, man ka yiri gisĩ bɛ nɛ. Lawa din bɛ́ á dí mɛn kɔ ma la, ká a din a bǐɛ̃ barka nɛ, bɛ n zii koe ma la ma á zɛnɛɛ miɛ̃.

Rɔmu minin 15:20

Krita tɔ bɛ́ a tɔn nə n pɛ bǎã mɛn nɛ bɔrɔ wa, má n doa ma Boo Tii Kɔɔ̃n kɛ pɛ walan. A giala, ma ba li ma dí nya min kɔsɔ a dí giala kɔ ǹ bǎã-n wa.

Korɛnti1 3:11

A giala, a gòã na á n daa ka Yezu Krita nɛ; min kɔ́n ba boe la, a na a gòã daa ka màn kɔsɔ-n wa.

Korɛnti1 9:2

Ta ma a dia dí-a wole lɛa min kɔsɔn yii li wa, ma tá a lɛa kasɛn kɔ́n yii li; a giala, kaa tá kun ka Dɛnaa-n lɛ, a n masɛ a dia dí-a wolebaa nyɛɛ.

Korɛnti2 10:15

Ma miãn nə dí mɛn nya, ma a n din gole koe ka bɛ-n wa. Sɛnɛ, ma á taasɛ máa kaa goleemali á re gole koe, màn mɛn bɛ́ toɛ, ma boo la ma dí nya ka bii, dí mɛn bɛ́ gole parsiini. Lɛ doa ǹ bǎã mɛn nə n koa, ma a re bɛ la boe wa.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Kolɔɔsi minin 4:17

Ka pɛ Arsipu dɔ nɛ mà «Dɛnaa dí mɛn kɔ la mà a nya, mà a yiri bɔ bɛ li, a toa a nya sɔnbɔraanɛ a na a lɛ pã.»

Tesaloniki1 3:2

má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote2 2:15

N doa n yɛ Lawa yɔrɔ-a dí-nyali sonbore lɛa, dí-nyali mɛn bɛ́ a sìi koe a nya ǹ dí ganaa wa, á n sonbore boo kɛ pii ka a peperebaa nɛ.

Zaaki 3:1

Ma dɔɔ̃nɔn lɛn, ka tumaa baran n gɛlɛ minin daraa li wa. A giala, ka á doɛ̃, wɔsɛn mɛnɛn bɛ́ minin darɛɛ, wɔa kiri á die kaka koe a la min gialakunun kɛn wɔ nɛ.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Piɛrɛ2 3:15

Ka dɔ̃ sonbore, mà Dɛnaa lɛ bɛ́ n foo kuĩ, á n lɔloɛ a daa lɛ li ke, mà ka dinin nyin a lɛa nɛ. Wɔ dɔɔ̃ngiĩ laanka wɔa giaáragiĩ Pooli na á sɛ́wɔ kiɛ̃, á dia ka la bɛ lɛ wɔ gɔn la, á kɔnpɛ ka sii-doɛ̃ kɛ nɛ Lawa kɔ la.

Sii-nyaan 21:14

Maǹ nə́ kungɔn lɛ gòã daa gɛ̀fu fulupaa la, ǹ nə́ Sère Nɛ a dia dí-a wole fulupaa lɛ gogoonmaa tɔ kiɛ̃ gɛ̀fu lɛ gogoonmaa ganaa.

Sii-nyaan 21:19

Maǹ nə́ kungɔn lɛ gòã daa ka gɛ̀fu tɔrɔ gigiã nɛ, gɛ̀fu tɔrɔ sonbore fulupaa nɛ. A gòã daa ǹ bǎã lɛ gogoonmaa a gɛ̀fu n tɔrɔ totoro lɛa, ǹ kɔ́n ná a goon ka ǹ miã-n wa, ǹ kɔ́n dɔ gɔ̀nɔn ba goon ka miã-n wa. A bibinaa n buu buruu tì lɛa, a paabaa ǹ wɔ n bɔlɔn lɛa, a sɔɔbaa ǹ wɔ n totoro a siibaa ǹ wɔ n buu buruu lɛa, a soorobaa ǹ wɔ n tã ka mà bɛ́ lɔn, a sɔrɔbaa ǹ wɔ n tã bonbon, a sɔbaabaa ǹ wɔ n buu buruu lɛa, a kiwisibaa ǹ wɔ n pupuru, a manangɔrɔbaa n wɔ n lɔɔ lɛa, a fùbaa ǹ wɔ n bɔlɔn buu buruu lɛa a fulugoon wɔ n tã lɔɔ-dɛnaa lɛa, a fulupaabaa ǹ wɔ n tã.