Korɛnti1 2:4 - LAWA A BOO SONBORE

⁴ Maa boo ne, ka maa laakalaa ǹ gɔn nɛ, ǹ kɔ́n goã sii-dɔ̃ ǹ lɛ gɔ́ɔ̃ boo lɛa wa. Sɛnɛ, Yiri Fu pàã màn mɛn kɔ ma la, man má bɛ dinsɔɔ̃ a sii nyaa ka nɛ.

LAWA A BOO SONBORE 2011

⁴ Maa boo ne, ka maa laakalaa ǹ gɔn nɛ, ǹ kɔ́n goã sii-dɔ̃ ǹ lɛ gɔ́ɔ̃ boo lɛa wa. Sɛnɛ, Yiri Fu pàã màn mɛn kɔ ma la, man má bɛ dinsɔɔ̃ a sii nyaa ka nɛ.

Korɛnti1 2:4 ပူးပေါင်းရင်းမြစ်များ

Suusun 20:19

Min mɛn bɛ́ n miãn tɔ baraa pii bǎã tumaa nɛ, a nə ǹ boo duriin dɔn pii. N parabaa ka boo da a la yii-n wole ne.

Suusun 7:21

Á bɛa yiri sã ǹ boon lɛn da á nɛginin lɛ gù dɛ nɛ, á kũ á kiɛ̃ nɛ ka bɛa boo paparan lɛn nɛ.

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Ezekieli 13:6

Sii-nyaa kooron manɛ ǹ tá yii, maǹ nə n gɔn noɛ̃: «Dɛnaa Lawa a da ǹ boo ne.» A da yaa, masɛ Dɛnaa Lawa nə ǹ dia wa. Maǹ nə n yii diɛ kəni, mà masɛ sii lɛ zɛnaa a kɔnpɛ ka ǹ da ǹ boo ne.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Nya ǹ dín 26:28

Agripaa tɔ́n pɛ Pooli ni: «A na á goã boɛɛnɛ n ma bɔyaa n ma baa *Krita a min lɛa kəni?»

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Korɛnti1 1:17

Krita masɛ dia batɛmu diɛ wa. Sɛnɛ, a na á ma dia Boo Tii Kɔɔ̃n kɛ pii minin manɛ. Ma bie má pɛ ka ma din a yiridɛnaabaa boon ne, n ma yaa barka boe Krita a gã gɔn ganaa kɛ-n wa.

Korɛnti1 2:1

Ma dɔɔ̃nɔn lɛn, masɛ dinmaa bɛ́ ma daa ka li, ma bie ma Lawa a sii-durii kɛ laakalaa ka nɛ, ka boo dadaran nɛ, ka sii-doɛ̃-n wa.

Korɛnti1 2:13

Wɔ bie boo diɛ ka minbuiinin minin daraa ǹ yiri-n wa, sɛnɛ, wɔ ǹ diɛ ka Lawa a minin daraa ǹ yiri ni. A n miɛ̃, Yiri Fu n goɛ̃ min lon, bɛ̀ wɔ tɔn boo la wɔ Lawa a sii taãn nyaa nɛ.

Korɛnti1 4:20

A giala, *Lawa a kiibaa ǹ bǎã lɛ bie n doɛ̃ a boo-diɛ li wa, sɛnɛ, a nə n doɛ̃ a sii-zɛnaan li.

Korɛnti2 6:6

Man maa Lawa a dí-nyalibaa nyɛɛ ka maa *yoreenbaa nɛ, maa màn-doɛ̃ nɛ, ka maa foo-kũ ni, ka maa min bǐɛ̃baa nɛ. Man nyɛɛ dɔn ka Yiri Fu pàã nɛ, ka maa minin narɛ taãn-taãn nɛ,

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Kolɔɔsi minin 2:4

Man bɛ pii ka nɛ, màn mɛn bɛ́ toɛ, min kɔ́n baran boo la, a ka yiri sã ka lɛ gɔ́ɔ̃ paparɛ boon ne wa.

Tesaloniki1 1:5

A giala, wɔ bɛ́ Boo Tii Kɔɔ̃n mɛn pii, a bie á n pɛ ka nɛ ka lɛ-a ǹ boo dinsɔɔ̃-n wa; sɛnɛ, pàã gole gole na á goã boo lɛ nɛ ka Yiri Fu barka nɛ, wɔ ǹ waa nɛ a sonborebaa dɔ la. Wɔ giã ǹ gɔn mɛn wɔ ka bii, ka dinin laadoo bǐɛ̃ kɔ taman yii, ka bɛ́ bɛ doɛ̃.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.

Piɛrɛ2 1:16

Sonbore, wɔ bie wɔ́ n gòãn koa minbuiinin yiridɛnaabaa ǹ lɛlɛ boon la, wɔ́ wɔa Dɛnaa Yezu Krita a wusoo a da ka pàã-n kɛ boo da ka-n wa. Wɔ n wɔ́ n gòãn koa wɔ dinin wɔa yɛ ka wɔ yii-n kɛ la. Wɔ́ yɛ ka wɔ yii ni a golebaa kɛ nɛ,

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Sii yɔrɔ-bɔlen 14:15

Sɛnɛ, a lɛawaa sɔbaabaa ǹ wɔ pinaa, ǹ nə́ pɛ Sansɔn a lɔ nɛ kɛnɛn: «N da ǹ zuũ lɛ gɔ́ɔ̃ li, màn mɛn bɛ́ toɛ, n nyiǹ lɛ a binyəə pɛ wɔsɛn manɛ. Bɛ̀ n zɛnaa miɛ̃ wa, wɔsɛn tá re tɛ diɛ n ganaa, n din laanka n di kion minin ni. Ka n ka lɛ dia wɔsɛn la, ka á wɔ gɔn yui hinlaa wàa nɛ?»

Sii yɔrɔ-bɔlen 16:5

Filisiti minin kiin nə́ woo lɔ lɛ li, ǹ nə́ pɛ nɛ: «N da Sansɔn gɔ́ɔ̃ li n ga a ganaa, wàa-n toɛ a pàã n gole kɛnɛn, wɔsɛn bɛ́ re boe la lɔn wɔ kũ wɔ yii, wɔ a pàã nya, ga bɛ li. Wɔsɛn gogoonmaa tá re wɔrɔ duu goon ka paabiɛ koe n la.»