Korɛnti1 2:10 - LAWA A BOO SONBORE

¹⁰ Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

LAWA A BOO SONBORE 2011

¹⁰ Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

Korɛnti1 2:10 ပူးပေါင်းရင်းမြစ်များ

Zɔbu 12:22

Wɔlɔ tì siin kɛn, a n pìi boe bɛn lɛ. Gɛ̀ dɛ ǹ sii tìtìn kɛn, a n bɛn diɛ wɔlɔ fúlu-a.

Izayii 48:16

Ka n zɔ̃ ka dɔ ma li ka n too kɔ. A kũ kanaa giala kɔ waáraa ganaa, ma tɔn boo durii da wa. Siin giala kɔ waáraa, bɛ̀ ma tan. Sisia kəni, Dɛnaa Lawa n ma diɛ, a yiri n ma la.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Luku 10:21

A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Luku 2:26

a na á goã á nyaa nɛ mà Dɛnaa Lawa bɛ́ á nyin-sili mɛn boo da, mà a die giɛ̃ bɛ̀ a yii ná a bɛ yɛ wa.

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Korɛnti1 14:30

Bɛ̀ min goon nə boo diɛ, min mɛnɛn bɛ́ tan ǹ nə́ ǹ too koe, bɛ̀ Lawa sii nyaa ǹ goon ne a boo lɛ wɔ paǹ li, á kɔnboe boo-dali lɛ nə n lɛ tã.

Korɛnti1 2:11

Minbuiinbaa gɔ́ɔ̃ nɛ, minbuiin yiri n boe la a na a din a sii dɔ̃; a din yii goon ne, Lawa a Yiri Fu dinsɔɔ̃ n boe la a Lawa a sii dɔ̃.

Galaasi minin 1:12

Minbuiin nɛ bie á kɔ ma la wa, min kɔ́n dɔ bie á ma daraa ganaa wa. Sɛnɛ, Yezu Krita din na á ma yii toɛ̃ ka a doɛ̃ nɛ.

Efɛɛzi minin 3:3

Lawa lɛ kɔ, á sii nyaa ma nɛ, mà ma boo la ma a din a sii-durii yɔrɔ bɔ kɛ dɔ̃. Ma boon mɛnɛn kiɛ̃ kio sisia, bɛn man bɛ giala pii ka nɛ.

Efɛɛzi minin 3:5

Lɛlɛ, Lawa bɛa sii-durii kɛ lɛ nyaa minbuiinin ni wa. Sɛnɛ kanna, a din na á nyaa, Yezu a dia dí-a wole sonboren laanka Lawa a boo gii-dali sonboren nə́ dɔ̃, a din a Yiri Fu pàã ganaa.

Timote1 4:1

Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ ZAÃ la, mà a bɛn nyaa nɛ.

Sii-nyaan 2:24

«Sɛnɛ, kasɛn Tiatiirin Lawa a sɔmɔ min gialakunun nə́ goã doa-n kɔn ka minin daraa ǹ yiri baraa kɛ-n wa. Minin kɛn bɛ́ mànan mɛnɛn bíi Sɛtaan a sii-durii zuzulun, kasɛn nə n daraa bɛn ganaa wa. Man pii ka nɛ, máa ma a re sii kɔsɔ diɛ kasɛn mìi-n doo wa.