Korɛnti1 16:15 - LAWA A BOO SONBORE

¹⁵ Dí goon nə ke doo, ma dɔɔ̃nɔn lɛn: Ka á doɛ̃ mà Tefanaasi laanka a kion minin man nə́ golee Lawa li bibinaanɛ Grɛki gána nɛ. A kũ bɛ lɛ ganaa, ǹ nə́ n dinin kɔ, ǹ nə́ dí nyɛɛ Lawa a sɔmɔ minin manɛ.

LAWA A BOO SONBORE 2011

¹⁵ Dí goon nə ke doo, ma dɔɔ̃nɔn lɛn: Ka á doɛ̃ mà Tefanaasi laanka a kion minin man nə́ golee Lawa li bibinaanɛ Grɛki gána nɛ. A kũ bɛ lɛ ganaa, ǹ nə́ n dinin kɔ, ǹ nə́ dí nyɛɛ Lawa a sɔmɔ minin manɛ.

Korɛnti1 16:15 ပူးပေါင်းရင်းမြစ်များ

Nya ǹ dín 18:12

Galiɔn bɛ́ Grɛki gána mìi la ǹ mɛn waáraa, Zuifun nə́ kaa kun ǹ nə́ yoo Pooli gialaa. Ǹ nə́ kũ ǹ nə́ woo ne kiri wɔ ǹ bǎã nɛ.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Rɔmu minin 15:25

Sɛnɛ sisia, man woe Zeruzalɛmu, Lawa-nyankɔlen dí yɔrɔ boe walan.

Rɔmu minin 15:31

màn mɛn bɛ́ toɛ, Lawa ma kanbaa Zudee gána a Lawa-doɛ̃ baãnaan kɛn ganaa. Màn mɛn bɛ́ toɛ dɔn, ma bɛ́ woe ka dɔmalɛ mɛn nɛ Zeruzalɛmu, Lawa a minin kɛn nə lɛ kɔ bɛ ganaa ka foo kɔɔ̃n nɛ.

Rɔmu minin 16:2

Ka kũ doɛ̃ sɔnbɔraanɛ Dɛnaa tɔ lɛ a lɛa, a kɔnpɛ ka Lawa-nyankɔlen sii zɛnaa ǹ gɔn nɛ. A laadoo bɛ́ re doe ka ganaa ka sii woo sii ni, ka bɛ zɛnaa nɛ. A giala, a dɔ nə́ n dɔ min gigiã lɛ, haalɛ masɛ dinmaa.

Rɔmu minin 16:5

Lawa a sɔmɔ minin mɛnɛn bɛ́, n lɛ soe kɔn Prisili laanka Akilaasi lɛ a kion, ma á fòo diɛ bɛn dɔn manɛ. Ma á fòo diɛ ma dɔɔ̃n Epenɛti sonbore kɛ nɛ, a din na á lɛ kɔ Krita ganaa bibinaanɛ Azii gána nɛ.

Korɛnti1 1:16

Áh, sonbore ne, má batɛmu da Tefanaasi a kion minin dɔn ganaa. Bɛ̀ á n bɔ bɛ nɛ, ma yiri ba a nɛ, máa má batɛmu da kaa min kɔsɔ ganaa doo wa.

Korɛnti1 16:1

Ka bɛ́ dɔmalɛ ǹ màn mɛn boboe Zeruzalɛmu a Lawa a sɔmɔ minin lɛa, bɛa boon man ke ma á re diɛ ka nɛ. Má a yɔrɔ nyaa Galaasin Lawa a sɔmɔ minin ni lɔn, ka dɔn nə kɔ lɛ ka zɛnaa miɛ̃ sɔnbɔraanɛ.

Korɛnti1 16:17

Ma foo á kɔɔ̃nɛ Tefanaasi a lɛa, ka Fortunatusu ni, ka Akayikusu ni, ǹ da ma li kɛ taman yii. Ǹ nə́ ma dɔ̀ɔ̃ pii ka dòo.

Korɛnti2 8:4

Ǹ nə́ ma nyankɔ ka ǹ parsii ni, mà ma lɛ kɔ ma n gii kaa kun ka ǹsɛn nɛ, ǹ boo la, ǹ nə ǹ dɔmalɛ kɛ dia Zudee gána a Lawa a minin la.

Korɛnti2 9:1

Lawa a zaman mɛn bɛ́ Zudee gána nɛ, là ba a ganaa, ma boo da kasɛn nɛ bɛn dɔmalɛ wɔ paǹ li wa.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Filemɔn 1:7

Ma dɔɔ̃n-giĩ Filemɔn, n dɔɔ̃nɔn narɛɛ lɛ foo kɔɔ̃nbaa gole laanka foo tãbaa sonbore kɔ ma la. Bɛa kɔn-narɛɛ lɛ na á dɔɔ̃nɔn lɛn tumaa foo kɔɔ̃n kɔ.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Piɛrɛ1 4:10

Lawa bǐɛ̃baa ǹ màn tɔtɔ mɛn kɔ ka gogoonmaa la, didie nə n doa a n dɔ ǹ miãn lɛ ka a wɔ nɛ, ka goã dí sonboren nyalin lɛa ka Lawa a bǐɛ̃baa ǹ màn tɔtɔ lɛ nɛ.

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.