Korɛnti1 15:58 - LAWA A BOO SONBORE

⁵⁸ A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

LAWA A BOO SONBORE 2011

⁵⁸ A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti1 15:58 ပူးပေါင်းရင်းမြစ်များ

KZS2 15:7

Sɛnɛ kasɛn, kanna kəni, ka toa ka goã kaka. Foo-ziziɛ̃ nyan ka kũ wa. Ka á re kaa nɔmaa lɛ a saraa yii.»

Nehemii 6:4

Ǹ ná a din a dia dí-a wole goon lɛ dia ma li gunyin sii, ma dɔ nə́ ǹ lɛ si a din yɔrɔ goon lɛ la.

Loen 112:6

Màn kɔn ba re bìn diɛ bɛa dɛnaa ganaa wa. Yiri a boe ka min pepere-n duduu wa.

Loen 19:11

Ǹ sii á min kuĩ á la sana nɛ, ǹ nə́ la sana sonbore gigiã nɛ. Ǹ tá kɔɔ̃nɛ ǹ nə́ la zoo ne, zoo mɛn din bɛ́ ǹ nə́ bɔ sisia.

Loen 55:22

A lɛ gɔ́ɔ̃ ǹ boo n parɛparɛ ka zoo ne, sɛnɛ, zia na a gɔ́ɔ̃ nɛ. A boon lɛn man suusuu, ǹ nə́ la nyɔɔ nɛ, sɛnɛ, minin fɔ ǹ gɔyan manɛ.

Loen 73:13

A bɛ́ miɛ̃, masɛ n má n gɔ́ɔ̃ fu kɔ kooro, man má n gɔnɔn pii, má ǹ bɔ sii baraa-n kooro.

Loen 78:37

Ǹ foo goã kun ka Lawa-n taãn wa, ǹ goã n foo doɛ a lɛ kɔ kɔn la ǹ boo kɛ ganaa wa.

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Suusun 21:21

Min mɛn bɛ́ giɛ peperebaa li ka sonborebaa nɛ, bɛ á re nyin sasa yii, peperebaa ka gugurubaa nɛ.

Marki 3:3

Yezu tɔ́n pɛ giĩ gɔn gere-a lɛ nɛ: «Yoo n da kànaa min din tumaa yɔrɔ-a.»

Luku 19:19

Á pɛ bɛ dɔ nɛ mà a dɔ giã kiwi sooro mìi la kii lɛa.

Korɛnti1 16:10

Bɛ̀ Timote daa ka li, ka toa ka kũ doɛ̃ taãnɛ, a giala, a n Dɛnaa a dí nyɛɛ ka masɛ dɔ bɛ́ lɔn.

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Galaasi minin 4:11

Nyɛ́ɛ tá ma ganaa kaa wɔ paǹ li. Masɛ dí mɛn tumaa nya ka nɛ, bɛ n die goɛ̃ kooro?

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 1:9

Ma bɛ́ Lawa nyan mɛn koe ka a lɛa, bɛ á ke: Ma na a nyankoe, máa a kaa kɔn-narɛɛ gole kɔ a wo nyɛɛn miɛ̃, a toa sii-doɛ̃ taãn mɛ li, ka sii giala ma sonbore ne,

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Filipi minin 2:30

A giala, á baa re giɛ̃ Krita a dí kɛ a nya gɔ́ɔ̃ nɛ; ka dia dɔmalɛ mɛn koe ma la, ka dinin nə́ ka a boe la ka á die-n wa, a nyin baa re goɛ̃ bɛ gɔ́ɔ̃ nɛ.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 2:5

Haalɛ ta ma dinmaa kɛ ba ka bii wa, ma tá kun ka nɛ ka ma yiri ni. Ka lɛ bɛ́ kun ke, min kɔ́n ná a boe la a ka na, a ka bɔ Krita a goleemali ganaa wa, ma foo á kɔɔ̃n bɛa lɛa.

Kolɔɔsi minin 2:7

Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki1 3:12

Kɔn-narɛɛ mɛn bɛ́ ka lon kɔn wɔ a paǹ li, min tumaa dɔ wɔ a paǹ li, Dɛnaa die a màn da bɛ li, a baa wɔsɛn kɔn-narɛɛ kɛ miã lɛa kaa wɔ a paǹ li.

Tesaloniki1 3:3

màn mɛn bɛ́ toɛ, ka kɔ́n gɔ̀nɔn baran bìn da sisia a fuun kɛn gɔ́ɔ̃-n wa. A giala, ka á doɛ̃ mà bɛ lɛ na á n da wɔ dɔn mìi ni.

Tesaloniki1 3:5

Bɛ lɛ na á toa ke, ma bɛ́ má giã má fɔ̃, má Timote dia máa a da kaa golee Lawa li lɛ konpa bɔ. Nyɛ́ɛ na á goã ma ganaa, máa *Sɛtaan tɔn nə n da ka gɔ́ɔ̃ li, a ka bebele, wɔa nɔmaa kɛ tɔn kiɛ̃ a kooro baa.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki2 1:3

Dɔɔ̃nɔn lɛn, wɔ doamaa-n wɔ barka da Lawa nɛ biikoo tumaa li kaa lɛa. A n siĩn miɛ̃, a giala, màn tá miɛ kaa golee Lawa li li parsiini, kɔn-narɛɛ mɛn dɔ bɛ́ ka lon kɔn wɔ paǹ li, bɛ dɔ á gole koe ka tumaa gɔ́ɔ̃ nɛ.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Uruti 1:18

Naomii bɛ́ á yɛ mà Uruti nə n laɛ mà yǎa a woe kun ka asɛ nɛ, á nɔmaa á n lɛ tã, a boo da-n doo wa.