Korɛnti1 15:52 - LAWA A BOO SONBORE

⁵² Bǎã goon ne, yii buĩ laanka a tiɛ̃ gɔ́ɔ̃ nɛ, bɛ̀ ǹ nə́ bɛn giala-nyɔmɔɔ pɛ. A giala, mà bɛn lɛ á re n pii, geren yii á re kiɛ, ǹ nyin nyabaã yɛ, ǹ tɔn wɔsɛn yiikoonaan bɔyaa.

LAWA A BOO SONBORE 2011

⁵² Bǎã goon ne, yii buĩ laanka a tiɛ̃ gɔ́ɔ̃ nɛ, bɛ̀ ǹ nə́ bɛn giala-nyɔmɔɔ pɛ. A giala, mà bɛn lɛ á re n pii, geren yii á re kiɛ, ǹ nyin nyabaã yɛ, ǹ tɔn wɔsɛn yiikoonaan bɔyaa.

Korɛnti1 15:52 ပူးပေါင်းရင်းမြစ်များ

Loen 73:19

Boɛɛnɛ, basaã gole á die ǹ yii. Á ke ǹ nə́ nya, ǹ nə́ papaã nyɛ́ɛ gɔn.

Bɔ bɛ̀rɛbaa nɛ 19:16

A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ.

Bɔ bɛ̀rɛbaa nɛ 20:18

Izirayeli nɛnyaanan zaman lɛ tumaa na á goã la a ginii kɛ laanka bɛn wuu miɛ̃. Ǹ nə́ la a tɛ-pɛ lɛ dɔ yɛ, ka kele lɛ-n tɛmaa lɛa. Nyɛ́ɛ zaman lɛ kũ, ǹ nə́ golee tiãlɛa.

Bɔ bɛ̀rɛbaa nɛ 33:5

A giala, Dɛnaa na á pɛ Muizu ni, mà a pɛ Izirayeli nɛnyaanan lɛn manɛ: «Ka n tɔrɔ too kaka-a lɛa. Bɛ̀ ma biikoo boɛɛn kooro saa, ma tɔ wɔ kun ka nɛ, ma tɔn ka dɛ, ma ka nya kooro. Kanna kəni, ka kaa nyaǹ bɔ ǹ mànan waa ka ǹ kaa tán, ma doamaa bɛ́, ma màn mɛn zɛnaa ka nɛ, ma á re bɛ doɛ̃.»

Izayii 18:3

Kasɛn kanaa tumaa minin, kasɛn mɛnɛn bɛ́ tán piɛ̃, bɛ̀ ka zazan yɛ tenten la biikoo mɛn li, ka ga! Bɛ̀ ka sère gɔ̀lɔ̀ bɛn wuu ma ǹ mɛn waáraa, ka n too kɔ!

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Ezekieli 33:3

Bɛ̀ bɛa giĩ lɛ zia yɛ die gána lɛ gialaa, a n bɛn pii, a n gɔn waa zaman nɛ.

Ezekieli 33:6

Sɛnɛ, bɛ̀ wɔlɔ-lɛduə̃li lɛ zɔ́ɔn yɛ die ka zia nɛ, bɛ̀ a bɛn pɛ á n gɔn waa minin man wa, bɛ̀ zia lɛ daa yǎa a min mɛn dɛ, man die a gɛ̀ lɛ a sii diɛ wɔlɔ-lɛduəli lɛ din mìi ni.»

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Minin nimi 10:4

Bɛ̀ ǹ nə́ bɛn lɛ a goon dinsɔɔ̃ pɛ, nyɛɛnaandɛnan laanka Izirayeli a tanlɛn goledɛnan dininsɔɔ̃nɔn die ǹ da n sɔkɔn n genli.

Minin nimi 16:21

«Ka n na ka n bɔ bɛa minin kɛn lɛn ganaa. Masɛ n die ǹ bɔ̀n biɛ a din bǎã nɛ.»

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Zaã a sɛ́wɔ 5:25

Man taãn pii ka nɛ, biikoo á die, á dɔ dinin, geren tá re masɛ Lawa a Nɛgiĩ lɛ miɛ, a ma-wolen tá re yiikoonaabaa yii.

Zaã a sɛ́wɔ 5:28

Bɛ kɔ́n baran kaãbaa da ka ganaa wa! Biikoo á die, geren mɛnɛn tumaa bɛ́ yala-n, ǹ tá re ma lɛ miɛ,

Korɛnti1 15:23

Sɛnɛ, didie wɔ nə n zɛnɛɛ a biikoo li. Bibinaa nɛ, Krita yii na á kaa. Bɛ kio, Krita a wusoo a daa biikoo li, min mɛnɛn bɛ́ a wɔn lɛa, bɛn yii á re kiɛ.

Korɛnti1 15:42

A din yii goon ne ka geren yii kaa lɛ dɔ nɛ. Bɛ̀ ǹ nə́ gɔ̀nɔn da yala-n, a n boɛ̃. Bɛ̀ a yii kaa, a boɛ̃ doo duduu wa.

Korɛnti1 15:50

Ma dɔɔ̃nɔn lɛn, ma bɛ́ boo mɛn pii ka nɛ, bɛ á ke: màn mɛn nə n zɛnaa siĩ lɛa ka mà nɛ, bɛ gii ba *Lawa a kiibaa ǹ bǎã-n wa. Màn mɛn dɔ bɛ́ giɛ̃, bɛ gii ba nyin nyabaã kɛ-n ma.

Tesaloniki1 4:15

Wɔsɛn mɛnɛn yii bɛ́ re goɛ̃ koo yǎa Dɛnaa a daa pinaa, wɔ a die n gòã boe geren kɛn nyɛɛn wa. Ma á boe la ma pɛ ka nɛ, a kɔnpɛ ka Dɛnaa a boo ne:

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Sii-nyaan 8:13

Ma bɛ́ giɛ, bɛ̀ giogialatã-a lɛn bɛ́ boe lon sɔsɔɔ a n pii ka lɛn gole ne: «Bɔ̀n woo bɔ̀n, tán minin lɛn! Bɛ̀ lon a dia dí-a wole màn sɔɔ kɛ a bɛn wuu bɔ biikoo mɛn li, bɔ̀n gole á re ka yii!»

Sii-nyaan 8:2

Bɛ kio, má lon a dia dí-a wole sɔbaa kɛ yɛ golee-n Lawa yɔrɔ-a, ǹ nə́ bɛn gogoon kɔ ǹ tumaa la.