Korɛnti1 15:4 - LAWA A BOO SONBORE

⁴ Ǹ nə́ bĩ, a lɛawaa sɔɔbaa ǹ wɔ pinaa, a yii kaa, ka Lawa a sɛ́wɔ bɛ́ á pɛ lɔn.

LAWA A BOO SONBORE 2011

⁴ Ǹ nə́ bĩ, a lɛawaa sɔɔbaa ǹ wɔ pinaa, a yii kaa, ka Lawa a sɛ́wɔ bɛ́ á pɛ lɔn.

Korɛnti1 15:4 ပူးပေါင်းရင်းမြစ်များ

Loen 16:8

Man Dɛnaa Lawa koɛ ma yɔrɔ-a biikoo tumaa li. A din bɛ́ giã-n ma li, màn kɔn ba re bìn diɛ ma ganaa wa.

Loen 2:7

Dɛnaa Lawa golee boo mɛn la, man die bɛ lɛ pii. Dɛnaa Lawa pɛ ma-n kɛnɛn: Ma n maa nɛgiĩ lɛa, a kũ pelo ganaa, masɛ din ni n Díi lɛa.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Matiə 12:40

Zonaasi bɛ́ á lɛawaa sɔɔ laanka tèlò sɔɔ zɛnaa zɔ̀ gole gɔ́ɔ̃-n lɔn, Min a Nɛgiĩ dɔ n die lɛawaa sɔɔ laanka tèlò sɔɔ zɛnɛɛ yala-n miɛ̃.

Matiə 16:21

A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

Matiə 20:19

Ǹ tá re ma koe tɔrɔ kɔsɔn la. Bɛn tá re yaa we ma ganaa, ǹ ma duwəə ka sɛ̌n nɛ, ǹ ma dere gɔn ganaa. Ma a gɛ̀ lɛawaa sɔɔ, ma yii á die kiɛ.»

Marki 9:31

A giala, a na á goã a kialandɛnan lɛn darɛɛ, á n pii ǹ ni kɛnɛn: «Min a Nɛgiĩ á re n we min baraan gɔn, ǹ tá re dii a gã. A gɛ̀ lɛawaa sɔɔ, a yii á re kiɛ.»

Luku 24:26

Ka a doɛ̃, mà Nyin-sili lɛ doamaa nɛ, a bɛa fuu kɛ lɛ tumaa yɛ, a tɔn wo giã a din a gugurubaa ǹ bǎã kɛ-n wa?»

Luku 24:46

Á pɛ ǹ nɛ: «Màn mɛn nə n kiɛ̃ bɛ á ke: Minin Nyin-sili lɛ n die fuu yii, sɛnɛ, a gɛ̀ lɛawaa sɔɔbaa ǹ wɔ pinaa, a yii á re kiɛ a n bɔ geren bii.

Luku 9:22

Á pɛ ǹ nɛ mà Min a Nɛgiĩ doamaa nɛ a fuu yɛ parsiini. Mà Zuifun goledɛnan nɛ, ǹ Lawa a kion wúlu-bɔlen goledɛnan nɛ, ka ǹ landa sii-daraalin tá re n piɛ̃ asɛ nɛ, mà ǹ tá re asɛ dii asɛ gã, mà asɛ a gɛ̀ lɛawaa sɔɔ mà asɛ yii á re kiɛ.

Zaã a sɛ́wɔ 19:38

Bɛa siin lɛn zɛnaa kio, Zozɛfu mɛn bɛ́ boe Arimatee kiwi, bɛ́ woo Yezu gere nyankɔ Pilati lon. (Zozɛfu na á goã Yezu a kialandɛnaa goon lɛa, sɛnɛ, a na á goã n duri, a giala, a na á goã nyɛ́ɛ biɛ Zuifun lɛn manɛ). Pilati lɛ kɔ, Zozɛfu tɔ́n daa Yezu gere bɔ á woo ne.

Nya ǹ dín 1:3

A fuu yɛ a gã kio, a na á n din nyaa bɛa dia dí-a wolen kɛn lɛn manɛ, á nyaa ka yɔrɔ gigiã nɛ mà asɛ yii á koo. Lɛawaa pusi gɔ́ɔ̃ nɛ, á daa ǹ li gunyin damata, á *Lawa a kiibaa ǹ dí lɛ a nya boo da ǹ nɛ.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Rɔmu minin 6:4

Bɛa batɛmu kɛ lɛ barka nɛ, wɔ n wɔ́ gã kun ka Yezu ni, ǹ nə́ wɔ bĩ kun ka a din ni. Sɛnɛ, wɔ Di Lawa bɛ́ a ná a yii kaa á bɔ geren bii, ka a din pàã gole kɛ nɛ, wɔsɛn dɔn yii á boe la a kaa, wɔ tɔ wɔ ǹ gɔn dii saa.

Kolɔɔsi minin 2:12

Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.