Korɛnti1 15:32 - LAWA A BOO SONBORE

³² Masɛ zia baa kɔn ka min tɔrɔ baraan nɛ Efɛɛzi kiwi. Bɛ̀ ma foo na á goã doa-n minbuiinin sii giala ma dinsɔɔ̃ ganaa, bɛ̀ bɛa zia kɛ lɛ là n ka wàa-n ma ganaa. Bɛ̀ geren yii kaa na a banban, bɛ̀ wɔ n koe suusu kɛ lɛ pii: «Wɔ n màn bii, wɔ màn mi, a giala, biɛ̃ wɔ n die giɛ̃!»

LAWA A BOO SONBORE 2011

³² Masɛ zia baa kɔn ka min tɔrɔ baraan nɛ Efɛɛzi kiwi. Bɛ̀ ma foo na á goã doa-n minbuiinin sii giala ma dinsɔɔ̃ ganaa, bɛ̀ bɛa zia kɛ lɛ là n ka wàa-n ma ganaa. Bɛ̀ geren yii kaa na a banban, bɛ̀ wɔ n koe suusu kɛ lɛ pii: «Wɔ n màn bii, wɔ màn mi, a giala, biɛ̃ wɔ n die giɛ̃!»

Korɛnti1 15:32 ပူးပေါင်းရင်းမြစ်များ

Zɔbu 35:3

Wàa na á baa n tá pii mà Lawa n wàa boe bɛ nɛ, ń mà bɛ̀ nsɛ sii baraa zɛnaa wa, ń mà nsɛ a wàa mɛn là n bɛ nɛ?

Loen 73:13

A bɛ́ miɛ̃, masɛ n má n gɔ́ɔ̃ fu kɔ kooro, man má n gɔnɔn pii, má ǹ bɔ sii baraa-n kooro.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 56:12

Maǹ pii: «Ka daa wɔ n tan wɔ ga duvɛ̃ li, wɔ yɔ kakaarɛn mi a wɔ yii kũ. Biɛ̃ ǹ nə die goɛ̃ ka pelo ǹ bɛ́ lɔn: Duvɛ̃ gigiã goã.»

Luku 12:19

Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

Luku 9:25

A là n ka wàa nɛ min kanaa gɔn màn tumaa yɛ, a din nyin wusoo a papaã a bɔ̀n baa?

Nya ǹ dín 18:19

Ǹ bɛ́ ǹ nə́ dɔ Efɛɛzi kiwi, Pooli nə́ n na á n bɔ Prisili laanka Akilaasi ganaa. Asɛ woo lɛsɔkɔn kion, á boo da Zuifun manɛ.

Nya ǹ dín 18:21

Sɛnɛ, a bɛ́ re woe á pɛ ǹ nɛ: «Bɛ̀ Lawa ná a lɛ kɔ, ma á re wusii ma da ka li biikoo kɔsɔ li.» Á wɔ tà kuru ǹ goo ne Efɛɛzi,

Nya ǹ dín 19:1

Apolɔɔsi bɛ́ Korɛnti kiwi, Pooli Galaasi laanka Frizii gána a kele bǎãn wɔsɔ, á daa dɔ Efɛɛzi kiwi. Pooli woo kialandɛnan kɔnɔn yaa Efɛɛzi kiwi lɛ nɛ.

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 6:19

Man má bɛ̀rɛbaa saa sii a kɔnboe lɛa, má nyaa ka nɛ, màn mɛn bɛ́ toɛ, ka boo la ka a giala ma. Gɔgɔrɛbaa laanka kɔkɔrɔbaa mɛn bɛ́ min diɛ Lawa bɔlɔ tii ganaa a wo-n nyɛɛnɛ, táa ka n ká ǹ dinin kɔ bɛn la lɛlɛ, ka ǹ bɛ̀rɛn baa. Sisia, bɛa yɔrɔ kɛ lɛ la, Lawa dùũ siin mɛnɛn zɛnaa bɛ́ min *yoreen koe, ka doamaa nɛ ka ka dinin kɔ bɛn la, ka ǹ dɔn bɛ̀rɛn baa.

Korɛnti1 16:8

Sɛnɛ kanna, ma á re goɛ̃ Efɛɛzi kiwi, yǎa *Pantikɔti pinaa doe.

Galaasi minin 3:15

Ma dɔɔ̃nɔn lɛn, ka daa wɔ ga minbuiinin sii-zɛnaa goon ganaa. Bɛ̀ minin man nə́ lɛ-kɔ kɔn la wɔ, ǹ nə́ zɛnaa a yɔrɔ li, min kɔ́n ba ziziɛ̃ wa, min dɔ a màn diɛ li wa.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Zude 1:10

Sɛnɛ, soɛ-bɔlen kɛn lɛn sɛn, ǹ bɛ́ ǹ ba màn mɛn giala miɛ wa, maǹ sɔ koe bɛ ganaa. Ǹ bɛ́ mànan mɛnɛn doɛ̃ ǹ dinin ganaa, baãnaabaa gɔ́ɔ̃ nɛ ka tɔɔn wɔ bɛ́ lɔn, bɛ lɛ nə ǹ papaɛ̃.