Korɛnti1 15:19 - LAWA A BOO SONBORE

¹⁹ Bɛ̀ wɔ n wɔ́ n foo doa Krita ganaa kanaa kɛ a yiikoonaabaa dinsɔɔ̃ a lɛa, wɔsɛn koe á re gole koe á la wɔ miãn wɔ nɛ.

LAWA A BOO SONBORE 2011

¹⁹ Bɛ̀ wɔ n wɔ́ n foo doa Krita ganaa kanaa kɛ a yiikoonaabaa dinsɔɔ̃ a lɛa, wɔsɛn koe á re gole koe á la wɔ miãn wɔ nɛ.

Korɛnti1 15:19 ပူးပေါင်းရင်းမြစ်များ

Loen 17:14

Dɛnaa Lawa, n din gɔn ma kirisibaa kanaa minbuiinin kɛn ganaa! Ǹsɛn wɔ gii n ka kanaa kɛ nɛ. N màn mɛn koa, maǹ nə n nɔ̀ piɛ̃ ka bɛ lɛ nɛ. Ǹ nɛnyaanan dɔn man kiɛ̃ ka bɛ lɛ nɛ, man a gialakun din koɛ ǹ nɔ̀ɔnɔn manɛ.

Boo-laakalaali 6:11

Bɛ̀ boo tá mɔnaa nɛ, a n die ka sii kooro gigiã nɛ. Minbuiin nɛ a wàa là n bɛ nɛ?

Boo-laakalaali 9:9

N yiikoonaabaa lɛawaan kɛn lɛn mìi ná a ba la wa, Lawa nə́ ǹ kɔ n la kanaa, bɛn tumaa gɔ́ɔ̃ nɛ, n bɛ́ lɔ mɛn narɛ, toa n nə n dùũ bɔ kanaa kun ka bɛ nɛ. A giala, n wɔ gii n ka bɛ lɛ nɛ, dí kɛ gɔ́ɔ̃ nɛ n tá nyɛɛ kanaa.

Matiə 24:9

Bɛa biikoo li, kaa zɔ́ɔn tá re ka koe tɔrɔ kɔsɔn la ǹ fuu nyaa ka yii ni, ǹ tá re ka dii ka gã. Ka tìĩ á re boe min tumaa nyin ni masɛ tɔ a lɛa.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Luku 8:14

Màn tɔrɔ mɛn bɛ́ á mɛnaa nyanɛn bii, bɛ n ka min mɛnɛn bɛ́ boo lɛ miɛ, sɛnɛ, ǹ ba woe nyɛɛnɛ wa, taasiɛn lɛa, gɔn mànan lɛa, ka kanaa a gɔ̀nɔn nyɛɛ ǹ siin lɛa nɛ. Bɛ lɛ n toɛ, ǹ ba nɛ koe a ma wa.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 2:4

Bɛ̀ min tá woe sɔraasibaa ǹ bǎã nɛ, bɛ̀ a tá li a sii kɔɔ̃n kɔ a goledɛnaa ganaa, a ba n taasɛ kanaa kɛ a siin ni wa.

Timote2 3:12

Min mɛnɛn tumaa bɛ́ li dinin, ǹ nyɛ́ɛ baa Lawa nɛ, ǹ kɔ Yezu *Krita lɛ, bɛn tumaa á re fuu yii.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Sii-nyaan 14:13

Má tɔ́n lɛn goon ma boe lon pii ma nɛ: «Kɛ kiɛ̃: A saa sisia ganaa, min mɛnɛn bɛ́ giɛ̃ Dɛnaa a dí-nyɛɛ gɔ́ɔ̃ nɛ, bɛn foo á re kɔɔ̃n koe!» Lawa a Yiri Fu tɔ́n pɛ: «Hiĩ, taãnɛ. Ǹ tá re n susui ǹ dí kaka nyɛɛ kɛ a lɛa, a giala ǹ sii mɛn tumaa zɛnaa, á kɔ ǹ lɛ.»